मत्ती 13:2 - थुलुङ राई

² सेर्पा मु़चु़ येशूकु होनोलाम-आथो़लाम छो़म खोम्‍सिम्‍डी, मेम्‍मिमका गुमी कुबी-बोक्‍साडला हुम्‍डिमा गन्‍मिडी। मे सेर्पा मु़चु़ दिरिदिनकु फार्डा बाम्‍डी।

मत्ती 13:2 Referans Kwoze

लूका 5:3

मे नले कुबी-बोक्‍साचिपडा कोले ने सिमोन पत्रुसकाम बाइडा। मेराम कुबी-बोक्‍साडा येशू हुम्‍डिमा दिरिदिनकु सो़पलामका किचो़ होनोक्‍थो़ गुलाई लबेट्‌मिडी। गुमी मे कुबी-बोक्‍साडला गन्‍मिडिमा सेर्पा मु़चु़मिमलाई सीमु चो़म्‍मिडी।

मर्कूस 4:1

आथावो येशूका दिरिदिन फार्डा सीमु चो़म्मिडी। मेसिन्‍डा छो़म सेर्पा मु़चु़मिम खोम्‍सिम्‍डिमका गुमी मे दिरिदिनडाम कुबी-बोक्‍साडला हुम्‍डिमा सीमु चो़म्मिडी। लावो मे सेर्पा मु़चु़मिम ने दिरिदिन फारबाडेङा बाम्‍डी।

मत्ती 15:30

खेल सोक्‍पा, मिक्‍सीका मेल्‍वापा, मेचापा, सि मेजेपा, मा वाङमिम हापा मु़चु़लाई रेसाका छो़म सेर्पा मु़चु़ येशूकाडा रोम्‍डी। मेर्मिमका मे नो़पा मु़चु़मिमलाई येशूकु ङादोडा गट्‌मिडी, मा गुमीका मेर्मिम खोत्‍लेलाई सबेट्‌मिडी।

मत्ती 4:25

मेकोतिमा गालील, डेकापोलिस, यरूशलेम, खोत्‍ले यहूदिया नुङ यर्दन ब्‍लोकुकु होम्बुथो़म छो़म सेर्पा मु़चु़ येशूनुङ लाम्‍दिम्‍डी।