मत्ती 13:12 - थुलुङ राई

¹² हेङालोने उहेमका माम्‍चु़नीकु किब्‍दीकु दुथाम थेसिथेन्‍मु न बु़, माम्‍चु़नीका गुलाई थेसिथेन्‍बेन्‍मी, मा उमा नेप्‍ची बर्बेन्‍सामी। लावो उहेमका थेसिथेन्‍मु न मेबु़, मेरामका कि-कि थेसिथेडु़मिम वो थेसिङा मेथेट्‌पा माम्‍चु़नीका दु़म्‍बेन्‍मी।

मत्ती 13:12 Referans Kwoze

मत्ती 25:29

उहेमनुङ बु, मेरामका आथावो ल्‍वासु़, मा मेराम लिट्‌पा दु़म। लावो उहेमनुङ मिबु, मेरामनुङ बाट्‌पा वो रोन्‍ला सो़सी।

लूका 8:18

सु़का थेसिथेडु़, मेरामका आथावो थेसिथेन्‍मु चाप्‍सु़। लावो सु़का थेसिमेथेडु़, मेरामका थेसिथेट्‌पु र्‍वाक्‍पा मिम्‍सिमिम वो रोन्‍ला सो़सी। मेम्‍मिमका गानी थो़निमिम ल्‍वाडा चङचङया बानी वो!”

रेम्‍बेट्‌मिडिम ल्‍वा 2:5

मेम्‍मिमका गाना बालामका धाली आल्‍सिट्‍नाम बु मेराम मिम्‍डा, मा माम्‍चु़नीथो़ ख्‍लोसा, मा ङादो बेन्‍नाम होङङा बे। गाना मेमका मेख्‍लोन्‍सिट्‌नावा माला गो इमाडा रोङुमा इमा धिप्‍री चाखोपलाई उ खोमलामका होनोवा बेउ।

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

मत्ती 21:43

“मेम्‍मिमका गो गानीलाई र्‍वाङु, माम्‍चु़नीकु किब्‍दी रोला सो़न्‍सिनी, मा ओरामकु मा सिन्‍बेट्‌पा मु़चु़मिमलाई माम्‍चु़नीका ग्‍वामी।

लूका 16:2

मेम्‍मिमका मे खाप्‍चीचो़का मेरामलाई येड्‌डु़मा हिलाबु़डु़, ‘इमा दुथाम गो हाम-हुम थो़त्तोङा लेट्‌पु। खोत्‍ले खाप्‍चीकु हिसाब गोलाई रेम्‍बेट्‌ङी। आथाडा आनो गाना आमा खाप्‍ची रेम्‍मु मेल्‍वाना।’

लूका 10:42

लावो छो़म चाहेदु़म्‍पा ने कोलेङा ल्‍वा बु, मेराम जो़पा ल्‍वा मरियमका छेड्‌डु़म बु, मेराम ल्‍वा गुलाई मेरोन्‍मी।”

लूका 9:26

कोङनिम मु़चु़गोडाम नुङ आमा सिजेमडाम उ क्रो़म लु़ माला मिनीचो़ वो उ यु़म-झ्‍वाक्‍सीडा, उ पापकु यु़म-झ्‍वाक्‍सीडा मा उनी नङका साट्‌मा पाह्रीचो़मिमकु यु़म-झ्‍वाक्‍सीडा योलो मेराम मु़चु़डाम उ क्रो़म लु़।

मर्कूस 12:9

“मेकोतिमा मे येकु मु़चु़ रोमा मेर्मिमलाई हे बु़? गु रोमा मे बोम्‍थाम बेपामिम खोत्‍ले ङा सेडु़मी, मा मे अङ्‍गूर ये वाङमिलाई ङा ग्‍वाकु़मी।

लूका 12:48

लावो उ नेमहपकु नड्‌डाम ल्‍वा थेसिमेथेसाका देन्‍दे ल्‍वापा खारी बेपा डु़ल्‍चो़ ने कि-कि याल्‍ला सो़सी। उहेमलाई हापा ग्‍वाम्‍डिम बु, मेरामलामका हापा ङा बिमी, मा उहेमलाई डोक्‍पु खुन्‍चु़म ग्‍वाम्‍डिम बु, मेरामकामलाम छो़म हापा ङा रपा न बोमी।

याकूब 4:6

लावो आरेप्‍माम मेजो़पा नमिमकु कोर्थो़लाम बमु गुमीका गुइलाई छो़म दिदामका सासामी, मेराम माम्‍चु़नीकु सिजेमका आरे र्‍वा: “माम्‍चु़नी डोक्‍पु लिसिक्‍पामिमकु कोर्थो़लाम बमी, लावो याक्‍के दु़म्‍पामिमलाई दिदामका सान्‍मी।”