मत्ती 12:10 - थुलुङ राई

¹⁰ मेसिन्‍डा कोले उ ल्‍वा साट्‌पा मु़चु़ बाइडा। येशूलाई मुमा बेन्‍मु नका फरिसीमिमका गुमीनुङ हिलाबेम्‍डी, “हाम ङेम्‍सिमुनेम मु़चु़ समु डु़म्‍लाका ग्‍वाक्‍सा?”

मत्ती 12:10 Referans Kwoze

लूका 13:14

लावो मेराम मेसेमलाई येशूका ङेम्‍सिमुनेम सबेट्‌मिडिमका घ्रो़म्‍दी नेमडाम ङाउकु छोक्‍चो बक्‍ता। मेम्‍मा गुका मे मु़चु़मिमलाई र्‍वाक्‍ता, “हप्‍ताका खारी बेपा रुलेम बु। ओ रुलेमगोडा रोक्‍नीमा सनी। ङेम्‍सिमु नेम ने मेएँ सो़।”

यूहन्‍ना 9:16

फरिसीमिमगोडाम कोङ-कोङका र्‍वाम्‍डी, “मेराम मु़चु़ माम्‍चु़नीलाम योक्‍ताम मेएँ, हेङालोने मेरामका ङेम्‍सिमुनेम खारी बु़।” लावो वाङमिमका र्‍वाम्‍डी, “कोङ छु़लचो़का हेसाका आरेप्‍माम हेल्‍लो वो मेल्‍वाम्‍मा खारीमिम बोमु चाप्‍सु़?” मा मेर्मिमगोडा गो-फ दु़स्‍ता।

यूहन्‍ना 8:6

येशूकु बुइडला मेजो़पा ल्‍वा उन्‍मु लागि हिलाहिसीलाम आम्‍मु मेर्मिमका आरे बेम्‍डिम बाइडा। लावो येशू कुम्‍सिम्‍डी, मा उनी ब्रेप्‍चोका क्‍वायु़ फुर्कुडा र्‍यामु चो़म्‍मिडी।

यूहन्‍ना 5:10

मेम्‍मिमका यहूदी ङाउमिम कोर्थो़लाम बम्‍डी। मेर्मिमका सपा मे मु़चु़लाई र्‍वाम्‍डी, “ङेम्‍सिमुनेम गाना खारी बेसीमेनु़। मे प्‍लान कुर्मु डु़म्‍लाका मेग्‍वाना।”

लूका 11:54

हेङालोने गुमीका हाम-हुम ल्‍वा र्‍वामी माला चु़म्‍मुकाम बाम्‍डी।

मत्ती 12:2

लावो फरिसीमिमका ओराम ल्‍वाम्‍डिमा येशूनुङ र्‍वाम्‍डी, “रेप्‍नी, डु़म्‍लाका ङेम्‍सिमुनेम मेबेनी र्‍वाक्‍ताम खारी इनी सीसिपामिमका बोमिम बुमी।”

यूहन्‍ना 5:3

मे पिन्‍दीडा नो़पा, मिक्‍सीका मेल्‍वापा, खेल ब्‍लेट्‌पा, ल्‍वा-खेल सोक्‍पा सेर्पा मु़चु़ झार्ल्‍याक्‍पा बाम्‍डी। [हाङकोलोका कु दो र्‍वाक्‍साका लन्‍थाल्‍मिडी।

लूका 23:2

मेर्मिमका गुमीलाई आरेसाका मुमा बेत्तो पिलातसनुङ र्‍वाम्‍डी, “ओराम मु़चु़का आकी मु़चु़मिमलाई रोमी सरकारकु कोर्थो़लाम कोस्‍तु़मिम गुकु डार्तोको। ओरामका कैसरलाई कर मेसोक्‍नी र्‍वामा गुकुलाई भोम्‍की, उ त्‍वाप ने ख्रीष्‍ट, हप र्‍वा।”

लूका 23:14

मेम्‍मा मेर्मिमलाई र्‍वाक्‍ता, “रोमी सरकारकु कोर्थो़लाम मु़चु़मिमलाई कोस्‍तु़मि र्‍वाक्‍साका गानी ओरामलाई आमाडा रेट्‌नी। गो इनी ङादोडाङा ओरामलाई हिलाहिसी बेउतो लोवो गानी मुमा बेट्‌निम ल्‍वा गुनुङ मेडारुवा।

लूका 20:22

गुकु रोमी हप कैसरलाई कर सोक्‍सी नु़ डे मेनु़ डे?”

मत्ती 19:3

कोले-नले फरिसीमिम उनी न छाम्‍मु लागि रोम्‍डी। मेर्मिमका हिलाबेम्‍डी, “हाम कोङनिम मु़चु़का कोङनिम ल्‍वाकु दुथाम उ मोचु़लाई डिन्‍मु डु़म्‍लाका ग्‍वाकु़?”

मर्कूस 3:2

येशूकु बुइडला उन्‍मु लागि कोङ-कोङ मु़चु़का मेजो़पा ल्‍वा माल्‍बाल्‍मिडी। मेम्‍मिमका मे ल्‍वा सोक्‍पा मु़चु़लाई ङेम्‍सिमुनेम गुमीका सबेन्‍मी डे मेएँ र्‍वाक्‍साका सु़र्बाल्‍मिडी।

यूहन्‍ना 7:23

कोङ चो़च्‍चो़कु खिरिरि-क्रिप्‍सी ङेम्‍सिमुनेम बोनिमिम ने मोशाकु डु़म्‍लाकु कोर्थो़लाम मेदु़म माला ङेम्‍सिमुनेम कोले मु़चु़लाई खोत्‍ले उ मिरो़म सबेट्‌पुमिमडा हेङा गोनुङ छोक्‍चो बोनी?