मत्ती 11:7 - थुलुङ राई

⁷ कु-रु़दु़म ग्‍वाक्‍पा यूहन्‍नाकु सीसिपामिम लम्‍डिम चङडा येशूका मे सेर्पा मु़चु़लाई यूहन्‍नाकु दुथाम सो़मु चो़म्‍मिडी, “र्‍याङगो-र्‍याङगोडा गानी हाम रेप्‍डा लक्‍नी? हाम जुका थो़पा लिङ्‍गुकमा नार होप्‍माम मु़चु़लाई रेप्‍डा लक्‍निम?

मत्ती 11:7 Referans Kwoze

याकूब 1:6

मेरामका उमा नडा हाम वो मेमुर्साका, लावो थो़रलु़साका बियु़नु़, हेङालोने नडा मुर्सिक्‍पा ने जुका भाल-आथो़ घ्रोक्‍पा दिरिदिनकु बाबारिम होप्‍माम सो़।

यूहन्‍ना 5:35

यूहन्‍नाका सो़यु़डु़म ल्‍वा वाक्‍पा नुङ झ्‍वाक्‍पा धिप्‍री होप्‍माम बाइडा। मेम्‍मा गानी घरिकोङ उमा ल्‍वाडा गेर्सिमु न बेन्‍नी।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

लूका 8:18

सु़का थेसिथेडु़, मेरामका आथावो थेसिथेन्‍मु चाप्‍सु़। लावो सु़का थेसिमेथेडु़, मेरामका थेसिथेट्‌पु र्‍वाक्‍पा मिम्‍सिमिम वो रोन्‍ला सो़सी। मेम्‍मिमका गानी थो़निमिम ल्‍वाडा चङचङया बानी वो!”

मत्ती 21:25

यूहन्‍नाका कु-रु़दु़म ग्‍वाक्‍पा साखाम बालामका ल्‍वास्‍तु़म बाइडा? पाह्रीलामका डे मु़चु़मिमलामका डे?” मेर्मिम त्वाप त्वापडा आरे र्‍वाबेम्‍डी, “हाम र्‍वामु, ‘पाह्रीलामका’ र्‍वाक्‍ति माला ‘गानी हेङा गुका र्‍वाक्‍ताम ल्‍वाडा थो़र मेलु़निवा?’ र्‍वा।

मत्ती 3:5

यरूशलेम, खोत्‍ले यहूदिया नुङ यर्दन ब्‍लोकुकु होनो-आथो़म इलाकाडाम खोत्‍ले मु़चु़मिम यूहन्‍नाकाडा रोम्‍डी,

यूहन्‍ना 1:38

येशूका चङथो़ रेप्‍मिडिलो मेर्चिप उनी चङचङ बिक्‍तोङा लेट्‌पा ल्‍वाम्‍डिमा मेर्चिपलाई हिलाबेम्‍डी, “हाम माल्‍चिमिम गाची?” मेर्चिपका गुमीनुङ र्‍वाक्‍ची, “रब्‍बी, गानी बान्‍ते बुन्‍थाल्‍नी?” (रब्‍बी र्‍वाक्‍मा “सीपा मु़चु़” सो़।)

मत्ती 11:8

मेएँ माला गानी हाम रेप्‍डा लक्‍नी? हापा थिकाम ये-सेम फसिक्‍पा मु़चु़लाई रेप्‍डा लक्‍निम? हापा थिकाम ये-सेम फसिक्‍पा मु़चु़मिम ने हप बाखोप ओगानेमडा बुमी।

मत्ती 12:20

बिपा नार होप्‍माम मेचापा मु़चु़डला गुका न-थो़म रेम्‍बु़, मा सिमुखापा धिप्‍री होप्‍माम मु़चु़लाई गुका ख्‍लो़यु़, गुका जो़पा मु़चु़मिमलाई मेजो़पा ल्‍वामिमडला घ्‍ल्‍वापा दु़म्‍बेडु़मी।