मत्ती 11:5 - थुलुङ राई

⁵ मिक्‍सीका मेल्‍वापामिमका मिक्‍सीका ल्‍वाम्‍डिम, मा खेल सोक्‍पामिम लाम्‍दिम्‍डिम बु। जोन बेट्‌पामिम सम्‍डिम बु। नोफ्‍लाका मेथो़पामिमका थो़मी, सिपा मु़चु़मिम सिमुलाम बम्‍गेम्‍डिम बु, मा उनी हाम वो मेबाट्‌पामिमका माम्‍चु़नीकु जो़पा-सेला थो़त्तोङा लेन्‍मी।

मत्ती 11:5 Referans Kwoze

लूका 4:18

“‘मिप्रङमाकु पेलका गोलाई लु़ट्‌ङिडिमिम बु, मेम्‍साका उनी हाम वो मेबाट्‌पामिमलाई गो जो़पा-सेला थो़बेट्‌पुमी, मा शैतानका बथाडु़मिम मु़चु़मिम मेलामका वाङ दु़म्‍मी। मेम्‍मा मिक्‍सीका मेल्‍वापामिमकाम उनी मिक्‍सी ह्‌वासी, मा दु़खाडा बाट्‌पामिम मेलामका वाङ दु़म्‍मी,

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

मत्ती 21:14

मिक्‍सीका मेल्‍वापा नुङ खेल सोक्‍पा मु़चु़मिम सो़रनेमगोडा येशूकाडा रोम्‍डी, मा गुमीका मेर्मिमलाई सबेट्‌मिडी।

यूहन्‍ना 10:38

लावो मेराम खारी गो बेउ माला गोलाई थो़र मेबोङिनी लोवो हेल्‍लो वो मेल्‍वाम्‍मा खारीडा थो़रबेनी। मेम्‍मा पाप आमागोडा बुमी, मा गो पापगोडा बुङु र्‍वाक्‍साका गानी चनी, मा थेसिथेनी।”

यूहन्‍ना 10:25

येशूका मेर्मिमलाई र्‍वाम्‍डी, “गो गानीनुङ र्‍वाङ्‌डोम बु, लावो गानी थो़र मेलु़नी। आमा पापकु नङडा बेउमिम हेल्‍लो वो मेल्‍वाम्‍मा खारीकाङा आमा दुथाम सो़यु़।

यूहन्‍ना 5:36

“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

यूहन्‍ना 2:23

सेल्‍सिक्‍पानेमकु चाडकाम थारीका गुमी यरूशलेमडा बाम्‍डी। मेकोतिलो गुमीका बेम्‍डिम हेल्‍लो वो मेल्‍वाम्‍मा खारीमिम ल्‍वाम्‍डिमका हापा मु़चु़मिमका गुमीडला थो़र लु़म्‍डी।

मर्कूस 9:25

मे सेर्पा मु़चु़मिम ओन्‍तो बिक्‍पा ल्‍वाम्‍डिमका येशूका मे मुनाङपेललाई आरे र्‍वाम्‍डिमा भुर्मिडी, “ए मेजेबेट्‌पा नुङ मेथो़बेट्‌पा मुनाङपेल, गो गानालाई र्‍वाङु, गाना मेराम वोस्‍चो़लामका लुक्‍ल्‍याडा, मा मेरामकाम गोनो आथाडाम आनो हाम्‍सी वो मेहुङा।”

मर्कूस 7:37

ओराम ल्‍वाम्‍डिमा मु़चु़मिम छो़म ङाङाया दु़म्‍मिडी। मेकोतिमा र्‍वाम्‍डी, “गुमीका बेम्‍डिम खोत्‍ले जो़पा नु़पा ङा बु। गुमीका ने मेथो़पालाई थो़पा, मा मेजेपालाई जेमुचापा बनेबोमी रेछा।”

मत्ती 10:8

नो़पा मु़चु़मिमलाई सबेट्‌नी, मा सिपा मु़चु़मिमलाई सिमुलामका फक्‍नी, जोन बेट्‌पा मु़चु़मिमलाई सेपा दु़म्‍बेट्‌नी, मुनाङमिमलाई कोल्‍नी। मेडेङा गानी ल्‍वान्‍नी, मेडेङा वाङमिमलाई वो ग्‍वाक्‍नी।

मत्ती 9:30

मेम्‍मा मेर्चिप मिक्‍सीका ल्‍वापा दु़म्‍ची। “ओराम ल्‍वा सु़नुङ वो मेसो़मु सो़” र्‍वाम्‍डिमा येशूका मेर्चिपलाई ङिम साट्‌मिडिची।

मत्ती 5:3

“न-गोलाम माम्‍चु़नीकु ख्‍लो़सी माल्पामिम जिनुङमा सो़, हेङालोने पाह्री-किब्‍दी मेर्मिमकामङा सो़।

थु़र्मा 2:22

“इस्राएलडाम मु़चु़नी थो़नी, माम्‍चु़नीका नासरतडाम येशूलामका यु़मखारीमिम, हेल्‍लो वो मेल्‍वाम्‍मा खारीमिम मा छेखोपमिमलाम इनीमा थेतेडा बेम्‍डिम गानी चनिमिम ङा बु। ओर्मिम खारीलामका गुमीलाई इनीमाडा माम्‍चु़नीका थु़र्मिडिम र्‍वाक्‍पा रेम्‍बेम्‍डिम बु।

मत्ती 11:4

येशूका मेर्मिमनुङ र्‍वाम्‍डी, “गानी हाम ल्‍वान्‍नी, थो़न्‍नी, मेर्मिम ल्‍वा लक्‍निमा यूहन्‍नानुङ सो़नी:

मत्ती 12:13

मेकोतिमा गुमीका मेराम मु़चु़लाई र्‍वाम्‍डी, “इमा ल्‍वा हम्‍डा!” मा गुका उ ल्‍वा हम्‍डु़। मेम्‍मा मेरामकु ल्‍वा कोङमी ल्‍वा होप्‍मामङा नु़पा दु़स्‍ल्‍याड्‌डा।

यूहन्‍ना 9:7

मेकोतिमा गुमीका मेराम मु़चु़लाई र्‍वाम्‍डी, “लक्‍सा, मा सिलोआमकु (सिलोआम र्‍वाक्‍मा थु़र्मा) कुदिनडा सो़ला।” मेरामका लस्‍तामा सो़ल्‍लु़, मा मिक्‍सीका ल्‍वापा दु़स्‍तामा ख्‍लोस्‍ता।