मत्ती 11:16 - थुलुङ राई

¹⁶ “आथामबिलिम मु़चु़मिमकु दुथाम गो हाम ल्वानुङ थो़पुमी? मेर्मिम ने येन्‍बेबेपामा आरे र्‍वाबेपा बजारडाम लाम्‍दीबाडे चाम्‍सिक्‍पा चो़च्‍चो़मिम होप्‍माम सो़,

मत्ती 11:16 Referans Kwoze

लूका 13:18

येशूका र्‍वाम्‍डी, “माम्‍चु़नीकु किब्‍दी हाम होप्‍माम बु? गो मेरामलाई हामनुङ थो़पु?

मर्कूस 4:30

येशूका आथावो र्‍वाम्‍डी, “माम्‍चु़नीकु किब्‍दी हामनुङ थो़म्‍मु, मा हेप्‍माम सीसि-सो़म्‍दीडा सो़मु?

मत्ती 23:36

आच्‍छाङा गो गानीलाई र्‍वाङु, ओर्मिम खोत्‍ले ल्‍वाकु देन्‍दे गानी आथामबिलिम मु़चु़मिमका ल्‍वानी।

मत्ती 12:34

लु-फेले बेपा ब्‍लो होप्‍माम मु़चु़नी, इनी त्‍वापङा मेजो़पा बुनी, मा हेसाका जो़पा ल्‍वा जेमु चाम्‍नी मा? हेङालोने हेप्‍माम ल्‍वा न-गोडा बु, मेरामङा सिका वो जे।

मत्ती 24:34

आच्‍छाङा गो गानीलाई र्‍वाङु, आथामबिलिम मु़चु़मिम बुमिलोङा आरेप्‍माम खोत्‍ले ल्‍वामिम दु़म।

मत्ती 11:15

उहेमकाम थो़पा नोफ्‍ला बु, मेरामका थो़सु़नु़, मा थेसिथेट्‌नु़।

मत्ती 11:17

‘गुकु इनीमा लागि लिउसाम डु़प्‍तोको, लावो गानी मेछो़म्‍निवा। गुकु येत्तो-ख्राप्‍तो बेत्तोको, लावो गानी इनी प्‍ल मेआल्‍निवा।’

मत्ती 23:7

बजारबाडे डोक्‍पु बेसाका सेव सान्‍ला सो़म्‍सिमु नुङ ‘सीपा’ र्‍वाला सो़म्‍सिमु मेर्मिमका द्‌वामी।

मर्कूस 12:38

मेकोतिमा मेर्मिमलाई सीत्तोङा र्‍वाम्‍डी, “यहूदीमिमकु डु़म्‍ला सीपा पातु़म्‍रीमिमडाम वाङ बानी। मेर्मिमका धु़प्‍पा ये फसिट्‌मिमा होनो-आथो़ लाम्‍दिम्‍बाल्‍मु नुङ बजारबाडे सेव सान्‍ला सो़सिमु,

लूका 11:43

“गानी फरिसीमिमलाई वाइतो, हेङालोने गानी घ्रो़म्‍दीनेमडा डोक्‍पु-डोक्‍पु मु़चु़ गन्‍खोपडा गन्‍मु नुङ मु़चु़मिमकु ङादोडा सेव सान्‍ला सो़सिमु द्‌वानी।