मत्ती 11:12 - थुलुङ राई

¹² कु-रु़दु़म ग्‍वाक्‍पा यूहन्‍ना बाइडालो आथाम ओम्‍लोसम्‍म पाह्री-किब्‍दी छो़मका बर्तोङा लेडु़, मा छो़म माल्‍तोङा लेट्‍पामिम ओरामगोनो हुत्तो लेन्‍मी।

मत्ती 11:12 Referans Kwoze

लूका 16:16

“कु-रु़दु़म ग्‍वाक्‍पा यूहन्‍ना रोमु ङादोसम्‍म मोशाकु डु़म्‍ला नुङ माम्‍चु़नीलाम-जेपामिमकु सिजेमका गानीलाई क्रिन्‍निम बाइडा। लावो ओम्‍लो माम्‍चु़नीकु किब्‍दीकु दुथाम जो़पा-सेला गो थो़बेत्तोमिम बु, मा खोत्‍ले मु़चु़मिम माम्‍चु़नीकु किब्‍दीगोडा चाप्‍तो मेचाप्‍तो हुमु माल्‍तोङा बोमी।

लूका 13:24

“माम्‍चु़नीकु किब्‍दीगोडा हुपा कतिभापा लाम्‍चोकोलाम मेचाप्‍तो हुनी, हेङालोने हापा मु़चु़मिमका मेगोनो हुमु माल्‍मी, लावो हुमु मेचाम्‍मी।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

मत्ती 3:15

येशूका गुनुङ र्‍वाम्‍डी, “ओम्‍लो आरेङा बे, हेङालोने माम्‍चु़नीका बेनी र्‍वामिमिम खोत्‍ले बोमु बासी।” मेम्‍मा यूहन्‍नाका कु-रु़दु़म ग्‍वामु बिसिड्‍डा।

मत्ती 11:11

“आच्‍छाङा गो गानीनुङ र्‍वाङु, कु-रु़दु़म ग्‍वाक्‍पा यूहन्‍नाडाम डोक्‍पु मु़चु़ सु़ वो मिबु। मेमङा लोवो पाह्री-किब्‍दीगोडा खोत्‍लेडाम याक्‍के उहेम बु, मेराम मु़चु़ यूहन्‍नाडाम वो डोक्‍पु दु़म।

मत्ती 11:13

हेङालोने कु-रु़दु़म ग्‍वाक्‍पा यूहन्‍ना बाइडामसम्‍म मोशाका र्‍याक्‍तु़म खाजेम नुङ माम्‍चु़नीलाम-जेपामिम खोत्‍लेका ओ पाह्री-किब्‍दीकु दुथाम र्‍वाम्‍डिम बाइडा।

यूहन्‍ना 5:4

मिप्रङमाकु कोले पाह्रीचो़ थारी-थारीका योक्‍थाल्‍लामा मे दिनडाम कु थो़ट्‌थाल्‍लु़। मेम्‍मा मे कु दोमिम चङडा ङादो मेगोनो हुपा मु़चु़ हेप्‍माम सोमोरीनुङमा लोवो सस्‍थाल्‍ला।]