मत्ती 11:11 - थुलुङ राई

¹¹ “आच्‍छाङा गो गानीनुङ र्‍वाङु, कु-रु़दु़म ग्‍वाक्‍पा यूहन्‍नाडाम डोक्‍पु मु़चु़ सु़ वो मिबु। मेमङा लोवो पाह्री-किब्‍दीगोडा खोत्‍लेडाम याक्‍के उहेम बु, मेराम मु़चु़ यूहन्‍नाडाम वो डोक्‍पु दु़म।

मत्ती 11:11 Referans Kwoze

लूका 7:28

“गो गानीनुङ र्‍वाङु, ओम्‍लोसम्‍म ओराम सुबुडा गक्‍पा मु़चु़मिमगोडा कु-रु़दु़म ग्‍वाक्‍पा यूहन्‍नाडाम घ्‍ल्‍वापा मु़चु़ सु़ वो मेबुमी। लावो माम्‍चु़नीकु किब्‍दीगोडा उहेम खोत्‍लेडाम याक्‍के बु, मेराम मु़चु़ यूहन्‍नाडाम वो घ्‍ल्‍वापा दु़म।”

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

यूहन्‍ना 1:15

कु-रु़दु़म ग्‍वाक्‍पा यूहन्‍नाका उनीमा दुथाम सो़त्तो डोक्‍पु लो़लामका र्‍वाक्‍ता, “‘गोडाम चङडा रोक्‍तोङा बेपा मु़चु़ गोडाम डोक्‍पु बुमी, हेङालोने गुमी गोडाम ङादो आथामङा बाम्‍डी’ र्‍वाङडोम मेराम गुमीङा सो़।”

मत्ती 5:19

मेम्‍मिमका उहेमका ओर्मिमगोडाम कोले याक्‍के ल्‍वा हाम होङङा वो मेलु़, मा वाङमिमलाई वो मेमङा बेबेडु़मी पाह्री-किब्‍दीडा मेराम मु़चु़ खोत्‍लेडाम याक्‍के दु़म। लावो उहेमका ओर्मिम डु़म्‍लाका र्‍वामिम होम्‍साका बु़, मा वाङमिमलाई वो मेमङा बोमु सीडु़मी, पाह्री-किब्‍दीडा मेराम मु़चु़ डोक्‍पु दु़म।

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

लूका 9:48

मेम्‍मा मे सीसिपामिमलाई र्‍वाम्‍डी, “उहेमका गोडला थो़रलु़डामका ओराम चो़च्‍चो़लाई हुनाखाना बु़, मेरामका गोलाई हुनाखाना बोङि, मा मेराम मु़चु़का गोलाई थु़र्पा माम्‍चु़नीलाई वो हुनाखाना बु़। गानीगोडाम खोत्‍लेडाम याक्‍के सु़ बु, मेराम मु़चु़ङा खोत्‍लेडाम डोक्‍पु दु़म।”

१ पत्रुस 1:10

गानी ल्‍वामु खाम्‍निमिम दिदामकु दुथाम जेपा माम्‍चु़नीलाम-जेपामिमका ओराम सेल्‍सीलाई जो़होमका माल्‍मिडी-ख्‍लोम्‍डी मा थेसिथेन्‍मु माल्‍मिडी।

हिब्रू 11:40

गुइनुङङा कोङङा मेर्मिमका वो ल्‍वामिनु़ र्‍वाक्‍साका माम्‍चु़नीका मेरामडाम वो जो़पा ल्‍वा इकीमा लागि झो़म्‍सिबेट्‌मिडिम बाइडा।

१ कोरिन्थी 15:9

थु़र्मामिमगोडाम खोत्‍लेडाम याक्‍के गोङा सो़। थु़र्मा र्‍वाला सो़म्‍सिमु मेघ्रेन्‍ङी। हेङालोने गो माम्‍चु़नीकु मण्‍डलीकु थो़मतेर्साक्‍तोम बाइडा।

१ कोरिन्थी 6:4

आरेप्‍माम रिबुसीमिम गानीगोडा बु माला मण्‍डलीका हाम होङङा मेलु़पा पाखाडाम वाङ नियाचो़मिमकाडा गानी हेङा लनिमिम?

यूहन्‍ना 10:41

मेसिन्‍डा हापा मु़चु़मिम उनीमाडा रोम्‍डिमा र्‍वाम्‍डी, “यूहन्‍नाका ने हेल्‍लो वो मेल्‍वाम्‍मा छेखोपमिम रेम्‍मेबु़वा, लावो ओराम येशूकु दुथाम गुका सो़यु़डु़म खोत्‍ले ल्‍वा आच्‍छाङा रेछा।”

यूहन्‍ना 3:30

गुमी ने डोक्‍पु दु़म्‍तो लमु बासी, मा गो ने याक्‍के दु़म्‍तो लमु बासी।

यूहन्‍ना 5:35

यूहन्‍नाका सो़यु़डु़म ल्‍वा वाक्‍पा नुङ झ्‍वाक्‍पा धिप्‍री होप्‍माम बाइडा। मेम्‍मा गानी घरिकोङ उमा ल्‍वाडा गेर्सिमु न बेन्‍नी।

यूहन्‍ना 1:27

गोडाम चङडा रोक्‍पा मु़चु़ गुमीङा सो़। उनीमा सो़लो़पकु साले फ्रोमु वो गो ने घ्रेटपा मेबुङु।”

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

एफिसी 2:3

गुइ वो कोखेप मेर्मिम होप्‍मामङा बाइडी। त्‍वाकु मिरो़म नुङ नका र्‍वाक्‍ताम मेजो़पा ल्‍वा होम्‍साका दोस्‍थाल्‍ली। मेम्‍साका इकीमा त्‍वाकु मेजो़पा न होम्‍साका दोसिवाम माला गुइ वो वाङमिम होम्‍साकाङा माम्‍चु़नीकु देन्‍दे ल्‍वामु बासिक्‍पा बाइडा।

२ तिमोथी 1:10

ओम्‍लो मेराम दिदाम गुइलाई सेल्‍पा ख्रीष्‍ट येशू योम्‍डिमलाम रेम्‍बेम्‍डिम बु। येशूका सिमुलाम घ्‍ल्‍वाम्‍डिमा जो़पा-सेलालामका हेल्‍लो वो मेसिपा त्‍वारो़म ल्‍वापा लाम्‍दी ओलडा रेम्‍बेम्‍डी।

लूका 1:15

हेङालोने गु मिप्रङमाकु मिक्‍सीलामडा डोक्‍पु दु़म। गुका अङ्‍गूरकु ग्‍वाल नुङ डु़ हेल्‍लो वो मेडुङु़। उ मामकु ङेलगोनो बुलो आथामङा गु माम्‍चु़नी-पेलका लु़न्‍सिक्‍पा दु़म।

मत्ती 3:1

चक्‍थो़वा यहूदियाडाम र्‍याङगो-र्‍याङगोडा कु-रु़दु़म ग्‍वाक्‍पा यूहन्‍नाका आरे र्‍वाक्‍तो जो़पा-सेला थो़बेन्‍मु चो़म्‍डु़,

मत्ती 11:10

उमा दुथाम माम्‍चु़नीकु सिजेमडा आरेसाका र्‍यामा बु: ‘रेप्‍नी, आमा सेलाचो़लाई गो इमा ङादो-ङादो थु़रु, मा मेरामका इमा लाम्‍दी ङादो-ङादो बनेबु़जो़लु़।’

मत्ती 11:12

कु-रु़दु़म ग्‍वाक्‍पा यूहन्‍ना बाइडालो आथाम ओम्‍लोसम्‍म पाह्री-किब्‍दी छो़मका बर्तोङा लेडु़, मा छो़म माल्‍तोङा लेट्‍पामिम ओरामगोनो हुत्तो लेन्‍मी।