मत्ती 11:1 - थुलुङ राई

¹ येशूका को-न (१२) सीसिपामिमलाई ओराम सीसि र्‍वामु दु़म्‍मिडिमा गुमी मेलामका मेर्मिमकु शहरबाडे सीमु नुङ जो़पा-सेला थो़बेन्मु लागि लम्‍डी।

मत्ती 11:1 Referans Kwoze

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

लूका 8:1

कोलेम नलेम चङडा येशूका माम्‍चु़नीकु किब्‍दीकु दुथाम जो़पा-सेला थो़बेत्तो नुङ सिजेम दो़त्तो देल-देलडा नुङ शहर शहरडा लम्‍डी। गुमीनुङ को-न (१२) सीसिपामिम बाम्‍डी,

मत्ती 9:35

येशू खोत्‍ले शहर-शहर, देल-देल नुङ मेर्मिमकु घ्रो़म्‍दीनेममिमबाडे सीत्तो नुङ पाह्री-किब्‍दीकु दुथाम जो़पा-सेला थो़बेत्तो खिर्सिम्‍डी। मेम्‍मा खोत्‍ले खालकाम सोमोरीनुङमा नुङ नो़पा मु़चु़मिमलाई सबेट्‌मिडी।

२ थेसलोनिकी 3:10

गुकु गानीनुङ बात्तोकोलो गानीलाई आरे र्‍वाक्‍तोकोम बाइडा, “उहेमका खारी बोमु न मेबु़, मेरामका मेपु़नु़ मेडुङु़नु़।”

२ थेसलोनिकी 3:6

वा-ल्‍वाकनी येशू ख्रीष्‍टकु नङडा गानीलाई र्‍वाकु, गुकु सीत्तोकोम सीसि होम्‍साका मेदोसाका भ्रेपा खोत्‍ले वा-ल्‍वाकमिमडाम वाङ बानी।

१ थेसलोनिकी 4:2

हेङालोने ङाचो़ येशूकु साखामका गानीलाई गुकु हा-हाम सीत्तोको, मेराम गानी चनी।

थु़र्मा 10:42

मु़चु़मिमलाई जो़पा-सेला थो़बेन्‍मुमी, मा सिपा नुङ नु़पामिमकाम नियाबेपा माम्‍चु़नीका थुट्‌मिडिम मु़चु़ येशू ङा सो़ र्‍वाक्‍साका सो़मु गुमीका गुकुलाई र्‍वाम्‍डिम बु।

थु़र्मा 1:2

नुङ गुमी उनी त्‍वाका ङा थुट्‌मिडिम थु़र्मामिमनुङ गुमीका माम्‍चु़नी-पेललाम र्‍वाम्‍डिम, मा पाह्रीथो़ कोम्‍सिम्‍डिम थारीसम्‍मकाम खोत्‍ले ल्‍वा गो गानीलाई ङादोम खाजेमडा र्‍याक्‍तोम बु।

यूहन्‍ना 15:14

गो गानीलाई हाम र्‍वाङ्‌डोम बु, मेराम होङ्‍ङा बोनी माला गानी आमा ङोप्‍सो़मिम।

यूहन्‍ना 15:10

गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

मत्ती 7:28

येशूका ओर्मिम ल्‍वा सीमु दु़म्‍मिडिमा येशूकु सीसिडा सेर्पा मु़चु़ ङाङाया दु़म्‍मिडी,

मत्ती 4:23

येशूका घ्रो़म्‍दीनेममिमबाडे सीत्तो नुङ माम्‍चु़नीकाम किब्‍दीकु दुथाम जो़पा-सेला थो़बेत्तो, मा खोत्‍ले खालकाम सोमोरी नुङ नो़पा मु़चु़मिमलाई सबेत्तो गालीलडाम खोत्‍लेथो़ खिर्सिम्‍डी।

१ तिमोथी 6:14

ङाचो़ येशू ख्रीष्‍ट आथावो योमिमिम थारीसम्‍म गो बेबेट्‌निम ल्‍वा जो़होमका बे मा सु़का वो मेजो़पा ल्‍वा इमा बुइडला उन्‍मु मेल्‍वामिनु़।

मर्कूस 6:12

मेकोतिमा मेर्मिम लम्‍डिमा मु़चु़मिम उनी छु़ललामका ख्‍लोसिमिनु़ र्‍वाक्‍तो जो़पा-सेला सो़मु चो़म्‍मिडी।

लूका 23:5

लावो मेर्मिमका छो़म येत्तो र्‍वाम्‍डी, “ओराम मु़चु़का गालील नुङ खोत्‍ले यहूदियाडाम नुङ गालीललामका ओ यरूशलेमसम्‍म मु़चु़मिमलाई सीसाका कोक्‍तोङा लेडु़।”