Biblia Todo Logo
Bib sou entènèt

- Piblisite -




मत्ती 10:7 - थुलुङ राई

7 मा मेर्मिमकाडा लनिलो ‘पाह्री-किब्‍दी फार्डाङा रोक्‍फाड्‌डाम बु’ र्‍वाक्‍निमा थो़बेट्‌नी।

Gade chapit la Kopi




मत्ती 10:7
19 Referans Kwoze  

पावलका मेङिसाका ङा माम्‍चु़नीकु किब्‍दीकु दुथाम मु़चु़मिमलाई थो़बेड्‌डु़मी, मा येशू ख्रीष्‍टकु दुथाम सीड्‌डु़मी, मा सु़का वो गुलाई मेम बोमुडाम मेभोप्‍मिवा।


“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”


गुमीका मेरामलाई र्‍वाम्‍डी, “हेल्‍लो वो मेसिपा त्‍वारो़म मेल्‍वासाका सिपामिमका ङा उनी सिपा रो़म क्‍लु़म्‍मिनु़। लावो गाना ने लक्‍सामा माम्‍चु़नीकु किब्‍दीकु दुथाम जो़पा-सेला थो़बेडामी।”


मेम्‍लो आथाम येशूका आरे र्‍वाक्‍तो जो़पा-सेला थो़बेन्‍मु चो़म्‍मिडी, “इनी छु़लमिमलामका माम्‍चु़नीडा ख्‍लोन्‍सिट्‌नी, हेङालोने पाह्री-किब्‍दी फार्डाङा रोक्‍फाड्‌डाम बु।”


“कु-रु़दु़म ग्‍वाक्‍पा यूहन्‍ना रोमु ङादोसम्‍म मोशाकु डु़म्‍ला नुङ माम्‍चु़नीलाम-जेपामिमकु सिजेमका गानीलाई क्रिन्‍निम बाइडा। लावो ओम्‍लो माम्‍चु़नीकु किब्‍दीकु दुथाम जो़पा-सेला गो थो़बेत्तोमिम बु, मा खोत्‍ले मु़चु़मिम माम्‍चु़नीकु किब्‍दीगोडा चाप्‍तो मेचाप्‍तो हुमु माल्‍तोङा बोमी।


मा खोत्‍ले मु़चु़मिमलाई माम्‍चु़नीकु किब्‍दीकु दुथाम थो़बेड्‌डा नुङ नो़पा मु़चु़मिमलाई सबेड्‌डा थु़र्मिडी।


मेकोतिमा मेर्मिम लम्‍डिमा मु़चु़मिम उनी छु़ललामका ख्‍लोसिमिनु़ र्‍वाक्‍तो जो़पा-सेला सो़मु चो़म्‍मिडी।


पत्रुस मेगोडा रोक्‍तालो कर्नेलियसका क्रो़म्‍डु़, मा उ खेल चु़म्‍साका सेव साड्‌डु़।


येशू सिमुलाम बम्‍गेम्‍डिम ल्‍वा र्‍वाक्‍ची, मा सिपामिम वो येशूडा बम्‍गेट्‌मी र्‍वाक्‍साका पत्रुस नुङ यूहन्‍नाका सीट्‌चिमिमका मेर्मिमकाम छो़म उनी छोक्‍चो बक्‍ताम बाइडा।


सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”


मेम्‍मिमका सीसिपामिम खोत्‍ले लम्‍डिमा जो़पा-सेला थो़बेत्तो नुङ नो़पा मु़चु़मिमलाई सबेत्तो देल-देलडा खिर्सिम्‍डी।


“गानी डु़म्‍ला सीपा पातु़म्‍रीमिम नुङ फरिसीमिम ने हाउरेमा, मिनी मिक्‍सीलामडा जो़पा लिसिक्‍पा गानी, माम्‍चु़नीकु किब्‍दीगोनो मु़चु़मिम हुपा लाम्‍चोको गानी चक्‍निम बु। गानी इनी त्‍वाप वो मेहुनी, मा हुमु माल्‍पामिमलाई वो भोम्‍नी।


“मेम्‍मिमका गो गानीलाई र्‍वाङु, माम्‍चु़नीकु किब्‍दी रोला सो़न्‍सिनी, मा ओरामकु मा सिन्‍बेट्‌पा मु़चु़मिमलाई माम्‍चु़नीका ग्‍वामी।


“ओर्चिप नलेडा पापका र्‍वाक्‍ताम होङङा उहेमका बु़डु़?” ङाउ डु़म्‍लाचो़मिम नुङ यहूदी ङाउमिमका र्‍वाम्‍डी, “उमा थाकुचो़।” येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, कर फक्‍पामिम नुङ छो़लो़मामिम गानीडाम ङादो माम्‍चु़नीकु किब्‍दीडा हुमी।


येशूका को-न (१२) सीसिपामिमलाई ओराम सीसि र्‍वामु दु़म्‍मिडिमा गुमी मेलामका मेर्मिमकु शहरबाडे सीमु नुङ जो़पा-सेला थो़बेन्मु लागि लम्‍डी।


नो़पा मु़चु़मिमलाई सबेट्‌नी, मा सिपा मु़चु़मिमलाई सिमुलामका फक्‍नी, जोन बेट्‌पा मु़चु़मिमलाई सेपा दु़म्‍बेट्‌नी, मुनाङमिमलाई कोल्‍नी। मेडेङा गानी ल्‍वान्‍नी, मेडेङा वाङमिमलाई वो ग्‍वाक्‍नी।


Swiv nou:

Piblisite


Piblisite