6 लावो दाम्पा भेन्दामिम होप्माम इस्राएलीमिमकाडा लक्नी,
ताङताहेरथो़ लक्पा भेन्दा होप्माम गानी बान्नी। लावो ओम्लो गानीलाई बोपा-थार्पा नुङ इनी रेपा-क्रिपाथो़ गानी ख्लोन्सिट्निम बु।
पावल नुङ बारनाबासका मेङिसाका र्वाक्ची, “माम्चु़नीकु सिजेम ङादो गानीलाई ङा थो़बेन्मु बासिक्पा बाइडा, लावो गानी मेद्वानिवा, मा इनी त्वाप ङा हेल्लो वो मेसिपा त्वारो़म ल्वामु मेघ्रेट्पा दु़म्नी। मेम्मिमका आथा ने गुचुकु वाङसामामिमकाडा लचुकु।
खोत्ले इनी मेजो़पा खारीलामका ख्लोक्साका जि ग्वामुलाई माम्चु़नीका उनी त्वाकु डु़ल्चो़ थुट्मिडिमा ङादो इनीमाडा ङा थु़र्मिडी।”
“चङचङया बानी, ओ याक्केमिमगोडाम कोलेलाई वो हाम ना हामकाम मेमिम्नी। हेङालोने गो गानीलाई र्वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्लो लोवो पाह्रीला बुमिम बुमी।
ङादो दमस्कसडा, मा यरूशलेमडा मा खोत्ले यहूदिया नेब्दीडा बाट्पामिमलाई, मा वाङसामामिमलाई वो इनीमा छु़ल इनीमा न-गोलामका मिम्सिट्निमा माम्चु़नीडा ख्लोन्सिट्नी, मा मेराम ल्वा इनीमा खारीडा रेम्बेनी बेउतोमी।
लावो मेर्मिमका पावलकु ल्वा मेथो़मिवामा उ कोर्थो़लाम बम्डी। मेकोतिमा गुका उ येड्डाम फुर्कु थेप्तो आरे बु़डु़मी, “खोत्ले इनीमा मेजो़पा खारीमिम इनीमा बुइडला ङा बुसिनु़, गो देन्दे मेल्वाउनु़। आथाडा आरे गो वाङसामामिमकाडा लङु सो़।”
मा छु़ल उनी न-गोलामका मिम्सिसाका माम्चु़नीडा ख्लोसिमुमा पाचो ल्वामु लागि यरूशलेमलामका चो़म्सिक्साका खोत्ले सामाडाम मु़चु़मिमलाई ख्रीष्टकु दुथाम थो़बेन्मुमि बासी।’
[हेङालोने मिनीचो़ ने दाम्पा मु़चु़मिम ङा सेल्मु लागि योक्ताम सो़।]
