मत्ती 10:5 - थुलुङ राई

⁵ येशूका मे को-न (१२) थु़र्मामिमलाई आरे बेम्‍डिमा थु़र्मिडी, “वाङसामामिमकाडा मेलक्‍नी, मा सामरीमिमकु शहरडा मेहुनी।

मत्ती 10:5 Referans Kwoze

यूहन्‍ना 4:9

मे सामरी मेसेमका र्‍वाक्‍ता, “गानी यहूदी मा गो सामरी मेसेम, हेसाका रे कु डुमु आमाडा बिनिमिम?” (सामरीमिमडाम यहूदीमिम वाङ बुम्‍थाल्‍मी।)

१ थेसलोनिकी 2:16

मेर्मिमका गुकुलाई वाङसामामिम सेल्‍सिक्‍पा जो़पा-सेला थो़बेन्‍मुडाम भोप्‍तिकी। आरे बेसाका मेर्मिमका हापा छु़लमिम बेत्तो लम्‍डी। मेर्मिमडाम छो़म माम्‍चु़नीकु छोक्‍चो बक्‍ताम बु, मा हुम-दडा मेर्मिमलाई देन्‍दे ग्‍वामी।

लूका 17:16

मेकोतिमा येशूका मेरामलाई सबेट्‌मिडिमका गुमीलाई आलासो़ ग्‍वाक्‍तो उनी खेल चु़म्‍डु़। मेराम सामरियाडाम मु़चु़ बाइडा।

थु़र्मा 10:45

माम्‍चु़नीका उनी पेलकु राप्लावा वाङसामामिमडला अम्‍डिमका पत्रुसनुङ रोक्‍पा यहूदी थो़रलु़पामिम छो़म ङा ङाङाया दु़म्‍मिडी।

लूका 9:2

मा खोत्‍ले मु़चु़मिमलाई माम्‍चु़नीकु किब्‍दीकु दुथाम थो़बेड्‌डा नुङ नो़पा मु़चु़मिमलाई सबेड्‌डा थु़र्मिडी।

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

यूहन्‍ना 20:21

येशूका आथावो र्‍वाम्‍डी, “न-गो भ्रसीनु़। पापका गोलाई थु़र्ङिडिमिम होम्‍साकाङा गो गानीलाई वो थु़र्निनी।”

यूहन्‍ना 7:35

यहूदीमिम उनी त्‍वाप-त्‍वापडा र्‍वाबेम्‍डी, “ओराम मु़चु़ बान्‍ते लमु खाप्‍डु़, मा गुइ ओरामलाई ल्‍वामु मेचाप्‍सी? हाम ओराम मु़चु़ ग्रीक मु़चु़मिम गोडा फोन्‍सिक्‍पा यहूदीमिमकाडा लमा ग्रीक मु़चु़मिमलाई सीडु़मिमिम?

यूहन्‍ना 4:5

मेम्‍मा येशू सामरियाडाम सुखार र्‍वाक्‍मा देलडा रोम्‍फाम्‍डी। मेराम देल याकूबका उमा तारापाचो़ योसेफलाई ग्‍वाक्‍तु़म ये फार्डा बाइडा।

लूका 10:33

मेकोतिमा कोले सामरियाडाम मु़चु़ वो मेरामधाली योक्‍ता, मा मेराम मु़चु़लाई ल्‍वास्‍तु़लो छो़म उ थो़म भ्रो़स्‍ता।

मत्ती 4:15

“जबूलून नुङ नप्‍तालीडाम मु़चु़नी, यर्दन ब्लोकु होम्बुनो नुङ दिरिदिनथो़ बाट्पा, गालीलडाम वाङसामा मु़चु़नी,

थु़र्मा 8:1

मु़चु़मिमका स्‍तिफनसलाई आरेसाका लुङका ओम्‍मुमा सेन्‍मु शाऊल वो बिस्‍ताम बाइडा। मेनेम आथामङा यरूशलेमडाम मण्‍डलीडा छो़म डोक्‍पु दु़खा दु़म्‍मु चो़म्‍डु़। मेकोतिमा थु़र्मामिमडाम वाङमिम थो़रलु़पामिम खोत्‍लेङा स्‍वाम्‍डी, मा यहूदिया नुङ सामरियाथो़ फोन्‍सिम्‍डी।

यूहन्‍ना 8:48

यहूदीमिमका येशूलाई र्‍वाम्‍डी, “गाना सामरी मु़चु़, मा गानालाई मुनाङका हुप्‍नाम बु र्‍वाक्‍तोकोम हाम मेजो़पा र्‍वाक्‍तोको?”

यूहन्‍ना 4:20

आकी बेब-पापमिमका ओराम पोप्‍चङडला माम्‍चु़नीकु सो़रलोले बेम्‍थाल्‍मिडी। लावो गानी यहूदीका माम्‍चु़नीकु सो़रलोले बेखोप खोम ने यरूशलेम र्‍वानी।”

लूका 10:1

मेकोतिमा ङाचो़ येशूका वाङमिम येत धु़म (७०) मु़चु़मिमलाई थुट्‌मिडी। मेम्‍मा गुमी लमु खाप्‍मिडिम खोत्‍ले शहर नुङ देलडा उनी त्‍वाप लमु ङादो मेर्मिमलाई न-नले बेसाका थु़र्मिडी।

मत्ती 22:3

ग्रुला पेप्‍डा येड्‌डु़मिम बोच्‍चो़लाई येड्‌डा गुका उ डु़ल्‍चो़मिमलाई थु़र्स्‍तु़मी। लावो मेर्मिम रोमु मेबिम्‍सिप्‍मिवा।

मर्कूस 6:7

गुमीका को-न (१२) सीसिपामिमलाई उनीमाडा येट्‌मिडी, मा मेर्मिमलाई न-नले बेसाका थु़र्मिडी। मेर्मिमलाई मुनाङपेल ख्‍लुक्‍पा साखाम वो ग्‍वाम्‍डिमी।

लूका 9:1

येशूका को-न उनी सीसिपामिमलाई कोयोङा येट्‌मिडी। मेम्‍मा मेर्मिम खोत्‍लेलाई मुनाङपेल कोल्‍पा मा सोमोरीलामका सबेट्‌पा यु़म नुङ साखाम ग्‍वाम्‍डी,

यूहन्‍ना 17:18

गानी गोलाई सु़म्‍दिसेरडा थु़र्ङिडिनिम होङ्‍ङा मेर्मिमलाई सु़म्‍दिसेरडा थु़र्तोमिम बु।