मत्ती 10:41 - थुलुङ राई

⁴¹ उहेमका माम्‍चु़नीलाम-जेपालाई माम्‍चु़नीलाम-जेपा होङङा रङु़, मेरामका माम्‍चु़नीलाम-जेपाकाम पुरस्‍कार ङा ल्‍वासु़। उहेमका माम्‍चु़नीकु ङादोडा जो़पा दु़म्‍पा मु़चु़लाई माम्‍चु़नीकु ङादोडा जो़पा दु़म्‍पा होङङा रङु़, मेरामका माम्‍चु़नीकु ङादोडा जो़पा दु़म्‍पाकाम पुरस्‍कार ङा ल्‍वासु़।

मत्ती 10:41 Referans Kwoze

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

२ यूहन्‍ना 1:8

चङचङया बानी, गानी हामकाम लागि खारी बेत्तोङा लेनी मेराम दाम्‍सोक्‍पा मेएँ लावो छो़म पुरस्‍कार ल्‍वामु चाप्‍नी।

१ कोरिन्थी 9:17

गो आमा त्‍वाकु नकाङा जो़पा-सेला थो़बेट्‌पा खारी बेउवाम माला गो हाम हुम ल्‍वापा न बेउवा। लावो ओराम गो बोमुङा बासी, हेङालोने माम्‍चु़नीका ओराम खारी गो बोमु र्‍वाक्‍साका आमा ल्‍वाड्‌डा ग्‍वाङ्‌डिमिम बु।

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 6:18

मेम्‍साका गानी उपास बुनिमिम मु़चु़मिमका मेएँ, मेल्‍वासिमिम माम्‍चु़नी इनी पापका ल्‍वामिनु़। मेल्‍वाहोमका खारी बेम्‍मा ल्‍वापा माम्‍चु़नी पापका गानीलाई पुरस्‍कार ग्‍वानी।

रोमी 16:23

आमा चापेडुपे बेपा मा खोत्‍ले मण्‍डलीलाई हुनाखाना बेपा गायसका गानीलाई सेव र्‍वाक्‍ताम बु। गायसकु नेमडा खोम्‍सिक्‍पामिम खोत्‍लेकाम सेव बु। ओराम शहरडाम कोषाध्‍यक्ष इरास्‍तस नुङ क्‍वार्टस ल्‍वाकचिपका वो गानीलाई सेव र्‍वाक्‍चिम बु।

मत्ती 6:6

लावो गानी सो़म्‍दी बोनिलो नेमकु गोनोम बाखोपनो हुनी। लाम्‍चोको चनिमा सु़का वो ल्‍वामु मेचाप्‍मिमिम माम्‍चु़नी इनी पापलाई सो़म्‍दीडा देप्‍नी। मेम्‍मा मेल्‍वाहोमका बोनिमिम खारी ल्‍वापा माम्‍चु़नी इनी पापका गानीलाई पुरस्‍कार ग्‍वानी।

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

मत्ती 6:4

मेम्‍साका मु़चु़मिमलाई गानी हाम-हुम ग्‍वानिलो सु़का वो मेल्‍वाहोमका ग्‍वाक्‍नी। मेम्‍मा मेल्‍वाहोमका खारी बोनिमिम ल्‍वापा माम्‍चु़नी इनी पापका गानीलाई पुरस्‍कार ग्‍वानिमी।

मत्ती 6:1

“चङचङया बानी वो! मु़चु़मिमलाम इनीमा नङ कोला सो़म्‍सिमु लागि मु़चु़मिमकु ङादोडा जो़पा खारीमिम मेबेनी। मेम बेन्‍नी माला ने पाह्रीलाम माम्‍चु़नी इनी पापका गानीलाई पुरस्‍कार मेग्‍वानी।

मत्ती 7:8

हेङालोने उहेमका बियु़, मेरामका ल्‍वासु़। उहेमका मालु़, मेरामका डारु़। उहेमका नेमगोनो हुमु लागि हेला बु़, मेरामकाम लागि लाम्‍चोको होल्‍सी।

मत्ती 25:44

“मेर्मिमका वो र्‍वामी, ‘ङाचो़, गानी हेलो क्रु़म सिन्‍निम, कोरा सिन्‍निम, वाङथो़लाम रोक्‍निम, ये-सेम मान्‍थिम बान्‍निम, नो़पा बान्‍निम, झ्‍यालखानडा बान्‍निम ल्‍वात्तोकामा मेख्‍लो़कुवा?’

मत्ती 25:45

“मेकोतिलो हपका र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ख्‍लो़मु मेबिन्‍सिट्‌निवामङा गोलाई ख्‍लो़मु मेबिन्‍सिट्‌निवाम सो़।’