मत्ती 10:3 - थुलुङ राई

³ फिलिप नुङ बारथोलोमाइ, थोमा नुङ कर फक्‍पा मत्ती, अल्‍फयसकु तारापाचो़ याकूब, थेदियस,

मत्ती 10:3 Referans Kwoze

थु़र्मा 1:13

मेकोतिमा मेर्मिम शहरगोनो हुम्‍डिमा मेर्मिम बाथाल्‍पा नेमडलाम बाखोपडला हुम्‍डी। मेर्मिम पत्रुस, यूहन्‍ना, याकूब, अन्‍द्रियास, फिलिप नुङ थोमा, बारथोलोमाइ नुङ मत्ती, अल्‍फयसकु तारापाचो़ याकूब, सिमोन कनानी नुङ याकूबकु तारापाचो़ यहूदा मेसिन्‍डा बाम्‍थाल्‍मिडी।

मर्कूस 3:18

अन्‍द्रियास, फिलिप, बारथोलोमाइ, मत्ती, थोमा, अल्‍फयसकु चो़ याकूब, थेदियस, कनानडाम सिमोन,

मर्कूस 2:14

मेकोतिमा गुमी लक्‍तोङा बेम्‍डिलो अल्‍फयसकु चो़ लेवी कर फक्‍पा खोमडा गन्‍तासिट्‌पा ल्‍वाम्‍डी, मा मेरामलाई र्‍वाम्‍डी, “गोनुङ लाम्‍दिया” मा मेराम बक्‍तामा गुमीनुङ लाम्‍दीडा।

मत्ती 9:9

येशू मे शहरलामका लक्‍तोङा बेम्‍डिलो मत्ती नङकाम कोले मु़चु़ कर फखोपडा गन्‍तासिट्‌पा ल्‍वाम्‍डी। मेम्‍मा गुमीका मेरामलाई र्‍वाम्‍डी, “गोनुङ लाम्‍दिया।” मेकोतिमा मेराम बक्‍तामा गुमीनुङ लाम्‍दिडा।

यूहन्‍ना 21:2

सिमोन पत्रुस, दिदुमस र्‍वाक्‍मा थोमा, गालीलडाम काना देलडा बाट्‌पा नथानेल, जब्‍दियाकु नले तारापाचो़चिप, मा नले सीसिपाचिप कोदेप बाम्‍डी।

यूहन्‍ना 11:16

मेम्‍मा येशूकु सीसिपामिमगोडाम दिदुमस र्‍वाक्‍मा थोमाका उमा ङोप्सो़मिमनुङ र्‍वाक्‍ता, “दो, गुइ वो येशूनुङङा लक्‍सिमा सिमु बासी लोवो सिइ।”

यहूदा 1:1

येशू ख्रीष्‍टकु डु़ल्‍चो़ नुङ याकूबकु ल्‍वाक यहूदालामका– माम्‍चु़नी पापलामका थसिक्‍पा नुङ रिखाम ल्‍वापा मा येशू ख्रीष्‍टकाम लागि बोट्‌मा-थार्मामिम,

याकूब 1:1

माम्‍चु़नी नुङ ङाचो़ येशू ख्रीष्‍टकु डु़ल्‍चो़ याकूबलामका, नेब्‍दी-नेब्‍दीडा फोन्‍सिक्‍साका बाट्‌पा को-न (१२) दोचो़मिमलाई सेव!

गलाती 2:9

मण्‍डलीडाम डोक्‍पु ङाउमिम र्‍वाक्‍मा याकूब, पत्रुस नुङ यूहन्‍नाका वो माम्‍चु़नीका गोलाई थु़र्मा दु़म्‍पा दिदाम ग्‍वाङ्‌डिमिम बु र्‍वाक्‍पा चम्‍डिमा बारनाबास नुङ गोलाई हुनाखाना बेसाका उनीमा घ्रो़म्‍दीडा रच्‍चिकिमी। गुचुकु वाङसामामिमकाडा लक्‍पा मा मेर्मिम ने यहूदीमिमकाडा लक्‍पा मुलु़ बेम्‍डी।

गलाती 1:19

मेसिन्‍डा गो ङाचो़कु ल्‍वाक याकूबडाम वाङमिम थु़र्मामिम सु़लाई वो मेडारुमिवा।

थु़र्मा 21:18

उ दिकाम नेम पावलनुङ गुकु याकूबकाडा लक्‍तोको। मेसिन्‍डा खोत्‍ले एल्‍डरमिम खोम्‍सिम्‍डिम बाइडा।

थु़र्मा 12:17

पत्रुसका मेर्मिमलाई उ ल्‍वा थो़साका लिबा बाबेड्‌डु़मी, मा माम्‍चु़नीका हेसाका गुलाई झ्‍यालखानलामका पाखा ख्‍लुम्‍डी र्‍वाक्‍पा ल्‍वा मेर्मिमनुङ सो़यु़डु़। “याकूब नुङ थो़रलु़पा वाङमिमलाई वो ओराम ल्‍वा थो़बेट्‌निमी” र्‍वाक्‍तामा पत्रुस मेलामका वाङथो़ ङा लस्‍ल्‍याड्‌डा।

लूका 5:27

येशू मे शहरलामका पाखा लुम्‍डिमा लक्‍तोङा बेम्‍डिलो कोले लेवी नङकाम कर फक्‍पा मु़चु़ कर फखोपडा गन्‍तासिट्‌पा ल्‍वाम्‍डी। येशूका मेरामलाई र्‍वाम्‍डी, “गोनुङ लाम्‍दिया।”

थु़र्मा 15:13

मेर्चिप जेमु डु़म्‍चिमा याकूबका आरे र्‍वाक्‍ता, “वा-ल्‍वाकनी, आमा ल्‍वा थो़नी,

यूहन्‍ना 14:22

यहूदाका (यहूदा इस्‍करियोत ने मेएँ, मेरामङा नङ बाट्‌पा कोङमी सीसिपा) र्‍वाक्‍ता, “ङाचो़, हेङा गानी इनी त्‍वापलाई आकीमाडा रेम्‍बोनी, मा सु़म्‍दिसेरडाम मु़चु़मिमकाडा ने रेममेबोनिमिम?”

यूहन्‍ना 14:9

येशूका र्‍वाम्‍डी, “फिलिप, आकोम थारीसम्‍म गानीनुङ बाङ्‌डो मा वो गाना गोलाई मेछेङिमिम? उहेमका गोलाई ल्‍वाङ्‌डिम बु, मेरामका पापलाई ल्‍वास्‍तु़म बु। हेसाका गाना ‘गुकुलाई पाप रेम्‍बेट्‌किनी’ र्‍वामु चाम्‍ना?

मत्ती 27:56

मेर्मिमगोडाम मरियम मग्‍दलिनी, याकूब नुङ यासेफकु माम मरियम नुङ जब्‍दियाकु चो़चिपकु माम बाम्‍डी।

मत्ती 18:17

गुका इनीमा वो ल्‍वा मेबिसावा माला मण्‍डलीनुङ सो़या। मण्‍डलीका र्‍वामिम वो मेरामका थो़मु मेबिसावा माला मेरामलाई माम्‍चु़नीडा थो़रमेलु़पा वाङसामा होङङा लोवो कर फक्‍पा मेजो़पा छु़लचो़ होङङा लोवो बेनी।

मर्कूस 15:40

मेसिन्‍डा कोङ-कोङ मेसेममिमका होनोवा बासाका ङा रेम्‍थाम्‍डिम बाइडा। मेर्मिम मेसेममिम मरियम मग्‍दलिनी, याक्‍के याकूब नुङ योसेसचिपकु माम मरियम नुङ सलोमी बाम्‍डी।

लूका 18:10

“फरिसी नुङ कर फक्‍पा मु़चु़ सो़रनेमगोडा सो़म्‍दी बेप्‍डा लक्‍ची।

लूका 18:11

मे फरिसी येम्‍स्‍तामा आरे र्‍वाक्‍तो सो़म्‍दी बु़डु़, ‘माम्‍चु़नी, गो गानीलाई आलासो़ र्‍वाङु, हेङालोने गो वाङमिम मु़चु़मिम होप्‍माम खुचु़वा मेबुङु, मु़चु़मिमलाई मेजो़पा मेबेउमी, मा नाम्‍सु़रु़ मेबेउ। मेम्‍मा ओराम कर फक्‍पा मु़चु़ होप्‍माम वो गो मेबुङु।

लूका 18:13

“लावो कर फक्‍पा मु़चु़ ने होनोङा येम्‍स्‍तामा पाह्रीथो़ मेरेप्‍साका उ धक्‍ची डेप्‍तो र्‍वाक्‍ता, ‘ए माम्‍चु़नी, गोडला न-थो़म रेम्‍बेनी।’

लूका 19:2

मेराम शहरडा जखायस नङकाम कोले कर फक्‍पामिमकु ङाउ बाइडा। गु छो़म खाप्‍चीनुङमा बाइडा।

यूहन्‍ना 1:48

नथानेलका येशूनुङ हिलाबु़डु़, “गानी गोलाई हेसाका येट्‌ङिडिनी?” येशूका मेरामलाई र्‍वाम्‍डी, “फिलिपका गानालाई येन्‍मु ङादो बैससीकु धक्‍सा फारगोयु़ बान्‍नाम ल्‍वान्‍नी।”

यूहन्‍ना 14:5

थोमाका गुमीलाई र्‍वाक्‍ता, “ङाचो़, गानी बान्‍ते लनिमिम मेराम गुकु मेचकु, मा हेसाका लाम्‍दी छेकुमिम?”