मत्ती 10:16 - थुलुङ राई

¹⁶ “रेप्‍नी, गो गानीलाई बडिमिमकु थेतेडा भेन्‍दामिमलाई होङङा थु़र्तोङा लेनिनी। मेम्‍मिमका गानी ब्‍लो होप्‍माम चङको चङको बाट्‌पा नुङ तुकतुकुर होप्‍माम मुमा मान्थिम जो़पा दु़म्‍नी।

मत्ती 10:16 Referans Kwoze

लूका 10:3

गानी लक्‍नी, लावो लमु ङादो थो़नी, गानीलाई गो बडिमिमकु थेतेगोडा भेन्‍दाकु चो़ होङङा थु़र्तोङा लेनिनी।

फिलिप्‍पी 2:15

मेम्‍साका गानी मुमा मेबेडिमिम नुङ आच्‍छाङाकाम दु़म्साका थो़र मेलु़इमिम नुङ मेजो़पा मु़चु़मिम गोडा मेख्‍लो़ट्‌पा माम्‍चु़नीकु चो़ दु़म्‍नी। मेर्मिम मु़चु़ गोडा गानी सु़म्‍दिसेरडा झ्‍वाक्‍पा सोरलुङ होङका झ्‍वानी।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

कलस्‍सी 4:5

येशूडा थो़र मेबेपा मु़चु़मिमनुङ बुनी-दोनिलो चङको-चङको बान्‍सिट्‌नी। खोत्‍ले जो़पा थारीका ख्रीष्‍टकु दुथाम मेर्मिमनुङ सो़मु झो़म्‍जो़ल्‍सिट्‌नी।

लूका 21:15

हेङालोने मेकोतिलोङा गो गानीलाई नेप्‍ची ग्‍वानिनी। इनी कोर्थो़लाम बक्‍पा मु़चु़मिमका मेराम ल्‍वाकाम सि ख्‍लोमु मेचाम्‍मी मा इनी कोर्थो़लाम जेमु मेचाम्‍मी।

थु़र्मा 20:29

हेङालोने गो डिन्‍जो़ल्‍निनिमा लङुमिम चङडा ङिमलु़पा बडि होप्‍माम मु़चु़मिम गानीगोडा रोमी, मा मेर्मिमका खोत्‍ले थो़रलु़पामिमलाई पुयु़लुमु माल्‍मी होङ्‍ङा गो लु़ङडोम बु।

२ कोरिन्‍थी 11:3

ब्‍लोका उमा मेजो़पा नका हव्‍बालाई वायम डस्‍तु़म होङङा ख्रीष्‍टडलाम सेपा नुङ आच्‍छाङाकाम रिखाम बेपा इनीमा न ताङताहेरथो़ ल डे र्‍वाक्‍साका गोलाई ङिमलु़डाम बु।

१ थेसलोनिकी 5:22

मेजो़पा खोत्‍ले ल्‍वाडाम वाङ बानी।

२ कोरिन्‍थी 11:14

ओराम इकीमा लागि ङाङाया दु़म्‍बेट्‌पा ल्‍वा मेएँ। शैतान वो ओलडाम पाह्रीचो़ होङङा लिम्‍सिमु चाप्‍सु़।

१ थेसलोनिकी 2:10

गानी थो़रलु़पामिमनुङ बात्तोकोलो गुकु सेपा मु़चु़, माम्‍चु़नीकु ङादोडा जो़पा दु़म्‍पा, मा हाम वो मेख्‍लो़ट्‌पा बात्तोको। मेराम ल्‍वापा गानी बुनी मा माम्‍चु़नी वो बुमी।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।

२ कोरिन्‍थी 1:12

ओराम सु़म्‍दिसेरडा कोङङा मेएँ लावो इनीमा ङादोडा वो आकीमा बासी-दोसी सेपा दु़म्‍बेत्तोकोम बु। ओराम आच्‍छाङाकाम न गुकु माम्‍चु़नीलाम ल्‍वात्तोकोम सो़। ओराम माम्‍चु़नीकु दिदामका दु़स्‍ताम, मु़चु़कु नेप्‍चीलामका ने मेएँ र्‍वाक्‍साका गुकु आकी धक्‍ची ह्‍वाक्‍साका सेपा नेप्‍चीका र्‍वामु चाम्‍कु।

२ कोरिन्‍थी 8:20

ओराम ग्‍वा-ग्‍वा ग्‍वाक्‍साका ख्‍लो़कुमिम खारीडा गुकुलाई सु़का वो मुमा मेबेन्‍किमिनु़ र्‍वाक्‍साका गुकु जो़होमका ओराम खारी बोकु।

मत्ती 24:25

थो़नी, ओराम ल्‍वा गानीनुङ ङादोङा र्‍वाङ्‌डोम बु।

मत्ती 24:45

“उ नेमहपका नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

मत्ती 25:2

मेर्मिमगोडाम ङोले (५) नेप्‍चीनुङमा नुङ ङोले (५) नेप्‍ची मान्‍थिम मेसेममिम बाम्‍डी।

मत्ती 25:4

नेप्‍चीनुङमा ङोले मेसेममिमका ने धिप्‍री नुङ सोजामडा तेल वो कुर्मिडी।

मत्ती 25:9

“नेप्‍चीनुङमा कन्‍या मेसेममिमका र्‍वाम्‍डी, ‘गानी नुङ गुकुलाई लिट्‌पा हापा तेल गुकुनुङ मिबु। तेल भ्रेट्‌पा मु़चु़काडा लक्‍निमा भ्रेनी।’