मत्ती 10:1 - थुलुङ राई

¹ येशूका को-न (१२) उनी सीसिपामिमलाई येट्‌मिडी, मा मुनाङ कोल्‍पा, मा खोत्‍ले सोमोरी नुङ नो़सी सबेट्‌पा साखाम मेर्मिमलाई ग्‍वाम्‍डी।

मत्ती 10:1 Referans Kwoze

लूका 10:19

ब्‍लोमिम नुङ दावाखाममिम फेमखेलगोयु़ बेपा साखाम नुङ खोत्‍ले स्‍वाक्‍चिमो शैतानकु यु़मलाई वो घ्‍ल्‍वापा यु़म गो गानीलाई ग्‍वाक्‍निमिम बु। ओर्मिम उहेम ल्‍वाका वो गानीलाई मेजो़पा मेबोनी।

लूका 24:49

रेप्‍नी, आमा माम्‍चु़नीका ङादो इनीमाडा उनी पेल थु़रु र्‍वाम्‍डिम बाइडा, मेराम गो थु़रु। लावो माम्‍चु़नी-पेल योमी मा पाह्रीलाम यु़मका गानीलाई मेलु़थु़मसम्‍म गानी ओराम शहरडाङा बानिम बानी।”

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

यूहन्‍ना 3:27

यूहन्‍नाका र्‍वाक्‍ता, “माम्‍चु़नीका पाह्रीलामका मेग्‍वाक्‍थु़मसम्‍म सु़का हाम वो मेल्‍वासु़।

लूका 6:13

नेम सोङ्‌डाम चङडा गुमीका उनी सीसिपामिमलाई उनीमाडा येट्‌मिडिमा मेर्मिमगोडाम को-न (१२) सीसिपामिमलाई छेट्‌मिडी, मा गुमीका मेर्मिमलाई थु़र्मा र्‍वाक्‍पा नङ बाबेट्‌मिडी। मेर्मिम:

लूका 21:15

हेङालोने मेकोतिलोङा गो गानीलाई नेप्‍ची ग्‍वानिनी। इनी कोर्थो़लाम बक्‍पा मु़चु़मिमका मेराम ल्‍वाकाम सि ख्‍लोमु मेचाम्‍मी मा इनी कोर्थो़लाम जेमु मेचाम्‍मी।

थु़र्मा 19:15

कोलेम मुनाङपेलका मेर्मिमनुङ र्‍वाक्‍ता, “येशू छेपु, मा पावल वो छेपु, सु़ गानी?”

यूहन्‍ना 17:2

हेङालोने गानी गुलाई ग्‍वाक्‍निम खोत्‍ले मु़चु़लाई मेसिपा त्‍वारो़म ग्‍वाक्‍नु़मी र्‍वाक्‍साका खोत्‍ले मु़चु़डला गुलाई साखाम ग्‍वाक्‍निम बु।

यूहन्‍ना 6:70

मेकोतिमा येशूका मेर्मिमलाई र्‍वाम्‍डी, “गानी को-नलाई हाम गो छेट्‌निनिम मेएँ? मेम्मा वो गानीगोडाम कोले ने शैतान बु।”

यूहन्‍ना 3:35

पापका तारापाचो़लाई रिखाम बोमी, मा खोत्‍ले उनीमा ल्‍वाडाङा ग्‍वाम्‍डिम बु।

रेम्‍बेट्‌मिडिम ल्‍वा 12:1

पाह्रीला कोङ डोक्‍पु नुङ हेल्‍लो वो मेल्‍वाम्‍मा छेखोप दो़स्‍ता, मेराम कोङ मेसेमका नेम्‍सुङ फतासिट्‌पा बाइडा। उ खेल गोयु़ ख्‍लो़मु बाइडा मा को-न सोरलुङमिमकु मुकुट उ बुइडला खुतासिड्‌डा।

मत्ती 26:47

येशू जेत्तोङा बेम्‍डिलो को-न (१२) सीसिपामिमगोडाम कोले यहूदा र्‍वाक्‍मा रोक्‍ता। ङाउ डु़म्‍लाचो़मिम नुङ ङाउमिमका थु़र्मीडिम छो़म सेर्पा मु़चु़ गुनुङ बाम्‍डी। मेर्मिमका कातु़रु़मिम नुङ डु़लु़म्‍चो़मिम कुर्थाम्‍डी।

मत्ती 26:20

नेम्‍थाका येशू उनी सीसिपामिमनुङ ग्रुला पेप्‍डा टेबल फार्यु़ गन्‍मिडी।

मत्ती 19:28

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, लाले सु़म्‍दिसेर दु़म्मिम थारीका, यु़म-झ्‍वाक्‍पा हप गन्‍खोपडा मिनीचो़ गन। मेकोतिलो आमा चङचङ लाम्‍दिपामिम वो को-न (१२) हप गन्‍खोपडा गन्‍मी, मा इस्राएलडाम को-न (१२) दोचो़मिमडला निया बोमी।

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

मत्ती 4:23

येशूका घ्रो़म्‍दीनेममिमबाडे सीत्तो नुङ माम्‍चु़नीकाम किब्‍दीकु दुथाम जो़पा-सेला थो़बेत्तो, मा खोत्‍ले खालकाम सोमोरी नुङ नो़पा मु़चु़मिमलाई सबेत्तो गालीलडाम खोत्‍लेथो़ खिर्सिम्‍डी।

मत्ती 9:35

येशू खोत्‍ले शहर-शहर, देल-देल नुङ मेर्मिमकु घ्रो़म्‍दीनेममिमबाडे सीत्तो नुङ पाह्री-किब्‍दीकु दुथाम जो़पा-सेला थो़बेत्तो खिर्सिम्‍डी। मेम्‍मा खोत्‍ले खालकाम सोमोरीनुङमा नुङ नो़पा मु़चु़मिमलाई सबेट्‌मिडी।

मत्ती 9:38

मेम्‍मिमका उनी मा-के खोम्‍मु खारी बेपा मु़चु़मिम थु़र्नी र्‍वाक्‍साका मा-के थोक्‍पा ये-दकु ङाचो़लाई सो़म्‍दी बेनी।”