मत्ती 1:21 - थुलुङ राई

²¹ गुका कोले तारापाचो़ कक्‍सु़, मा गाना उनीमा नङ येशू बाबेना, हेङालोने गुमीका उनी त्‍वाकु मु़चु़मिमलाई मेर्मिमकु छु़लमिमडाम सेल्‍मी।”

मत्ती 1:21 Referans Kwoze

थु़र्मा 13:23

“माम्‍चु़नीका ङादो र्‍वाम्‍डिम होम्‍साका दाऊदकु चो़-चु़सु़मिमलामका इस्राएलीमिमलाई सेल्‍पा येशू रेट्‌मिडी।

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

यूहन्‍ना 1:29

उ दिकाम उ त्‍वापथो़ येशू बिक्‍तोङा लेट्‌मिडिम यूहन्‍नाका ल्‍वास्‍तु़मा र्‍वाक्‍ता, “रेप्‍नी, सु़म्‍दिसेरडाम मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।

१ यूहन्‍ना 3:5

लावो इकीमा छु़लमिम हेम्‍सामु येशू ख्रीष्‍ट रेम्‍बेम्‍सिम्‍डी। गुमीडा हाम वो छु़ल मिबु।

लूका 2:21

लेतलेम नेम मे चो़च्‍चो़कु खिरिरि क्रिप्‍मिडी, मा उनीमा नङ येशू बाबेट्‌मिडी। मेराम नङ उनी मामकु ङेलगोनो गुमी मुन्‍मु ङादो पाह्रीचो़का र्‍वाक्‍ताम बाइडा।

थु़र्मा 5:31

इस्राएलीमिमकु छु़ल उनी न-गोलाम मिम्‍सिक्‍साका ख्‍लोसिबेन्‍मु लागि मा उनी छु़ल हेम्‍सामुमि र्‍वाक्‍साका माम्‍चु़नीका गुमीलाई कोम्‍डिमा उनी जो़प ल्‍वालाम जु़ल्‍साका हप नुङ सेल्‍पा दु़म्‍बेट्‌मिडी।

लूका 1:31

रेप्‍डा, गाना गोजु़मे दु़म्‍ना, मा कोले तारापाचो़ कना, मा उनीमा नङ येशू बाबेडा।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

लूका 2:11

आनेप दाऊदकु शहरडा गानीलाई सेल्‍पा कोले मु़चु़ ङाचो़ ख्रीष्‍ट गम्‍डिम बु।

१ यूहन्‍ना 1:7

माम्‍चु़नी ओलडा बुमिमिम होङङा गुइ वो ओलडा बुइ-दोसी माला कोलेकाम कोङमीडला इकीमा हेमकेम दु़म। मेम्‍मा उनीमा तारापाचो़ येशूकु सिसिका खोत्‍ले इकीमा छु़लडाम गुइलाई छेको-छेको बेसा।

थु़र्मा 3:26

खोत्‍ले इनी मेजो़पा खारीलामका ख्‍लोक्‍साका जि ग्‍वामुलाई माम्‍चु़नीका उनी त्‍वाकु डु़ल्‍चो़ थुट्‌मिडिमा ङादो इनीमाडा ङा थु़र्मिडी।”

रेम्‍बेट्‌मिडिम ल्‍वा 7:14

गो गुलाई र्‍वाङडो, “गानीङा चनी।” गुका गोनुङ र्‍वाक्‍ता, “ओर्मिम ने उनी थो़मतेर्ला सो़सिक्‍पामिम सो़, मा ओर्मिमका उनीमा ब्‍लाङमा भेन्‍दाचो़कु सिसिका सो़ल्‍साका बुबुयाम बनेबेम्‍डिम बु।

हिब्रू 7:25

मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।

लूका 1:13

लावो पाह्रीचो़का गुनुङ र्‍वाक्‍ता, “मेङिडा जकरिया, हेङालोने माम्‍चु़नीका इमा सो़म्‍दी थो़म्डिम बु। इमा नाइमे एलीशिबाका कोले तारापाचो़ कक्‍सु़, मा गाना मेरामकु नङ यूहन्‍ना बाबेन्‍मु सो़।

मत्ती 1:25

लावो मरियमका तारापाचो़ मेकक्‍सु़वामसम्‍म योसेफ मरियमनुङ कोदेप मेअम्‍सावा। मेकोतिमा उनी नङ येशू बाबेड्‌डु़।

यूहन्‍ना 4:42

मेर्मिमका मे मेसेमलाई र्‍वाम्‍डी, “गाना र्‍वाक्‍नामका कोङङा गुकु थो़र बेत्तोकोम मेएँ, गुकु आकी त्‍वाकाङा थो़त्तोकोमका, मा गुमी आच्‍छाङा सु़म्‍दिसेरलाई सेल्‍पा मु़चु़ रेछा र्‍वाक्‍पा ल्‍वा चक्‍तोकोमका।”