मत्ती 1:20 - थुलुङ राई

²⁰ लावो योसेफका आरेप्‍माम ल्‍वा मिम्‍तोङा बु़डु़लो उ ङिमाडा मिप्रङमा माम्‍चु़नीकु पाह्रीचो़ रेम्‍बेसिड्‌डा। मेम्‍मा गुनुङ र्‍वाक्‍ता, “दाऊदकु चो़-चु़सु़ योसेफ, मरियमलाई इ नाइमे दु़म्‍बेन्‍मु हाम होङङा वो मेलु़या, हेङालोने उ ङेलगोनो बाट्‌पा चो़च्‍चो़ ने माम्‍चु़नी-पेलका मुन्‍बेट्‌मिडिम सो़।

मत्ती 1:20 Referans Kwoze

लूका 1:19

पाह्रीचो़का गुनुङ र्‍वाक्‍ता, “माम्‍चु़नीनुङ दु़म्‍पा डोक्‍पु पाह्रीचो़ गो गब्रिएल सो़। गानानुङ ल्‍वा बेप्‍डा नुङ ओराम जो़पा-सेला थो़बेड्‌डा गुमीकाङा गोलाई थु़र्ङिडिमिम सो़।

मत्ती 1:18

येशू ख्रीष्‍ट आरेसाका गम्‍डी: उनीमा माम मरियम योसेफकाडा बिम्‍डिम बाइडा, लावो मेर्चिपकु लालीकुन्‍दा दु़म्‍मु ङादोङा मरियम माम्‍चु़नी-पेलका गोजु़मे दु़स्‍ताम चस्‍ता।

मत्ती 2:19

हेरोद सिडाम चङडा, मिश्र नेब्‍दीडा बाट्‌पा योसेफकु ङिमाडा मिप्रङमाकु कोले पाह्रीचो़ रेम्‍बेसिड्‌डा, मा आरे र्‍वाक्‍ता,

लूका 2:4

योसेफ दाऊदकु चो़-चु़सु़लाममिम बाइडा। मेम्‍मिमका गु गालीलडाम नासरत देललामका गेले यहूदियाकु बेथलेहेमडा लस्‍ता। मेसिन्‍डा माके दाऊद हपकु नेम बाइडा।

मत्ती 28:5

मेकोतिमा पाह्रीचो़का मे मेसेमचिपलाई र्‍वाक्‍ता, “मेङिची, क्रूसडा चेट्‌मिडिम येशूलाई माल्‍तोङा लेन्‍ची र्‍वाक्‍पा गो चक्‍पु।

मत्ती 2:22

लावो यहूदियाडाम साखामचो़ हेरोदकु चो़ अर्खिलाउस दु़स्‍ता र्‍वाक्‍पा थो़स्‍तु़मा यहूदियाडा योसेफ लमु ङिस्‍ता। मेम्‍मा ङिमाडा पाह्रीचो़का गुलाई र्‍वाक्‍ताम होम्‍साकाङा गु गालील क्षेत्रथो़ लस्‍ता,

मत्ती 2:13

ज्‍योतिषीमिम लम्‍डिम चङडा, मिप्रङमाकु कोले पाह्रीचो़ योसेफकु ङिमाडा रेम्‍बेसिड्‌डा। मेम्‍मा गुका आरे र्‍वाक्‍ता, “बका, मे चो़च्‍चो़ नुङ उनी मामलाई लडामा मिश्र नेब्‍दीथो़ स्‍वाङ्ल्याडा। ख्‍लोसा मेर्‍वाङुमिमसम्‍म मेसिन्‍डाङा बाया, हेङालोने हेरोदका चो़च्‍चो़ सेन्‍मु लागि माल्‍मु खाप्‍डु़मिम बु।”

मत्ती 2:12

माम्‍चु़नीका मे ज्‍योतिषीमिमलाई ङिमाडा “हेरोदकाडा मामा ख्‍लोन्‍सिनी सो़!” बेम्‍डी। मेम्‍मा मेर्मिम कोङमी ङा लाम्‍दीलाम उनी नेब्‍दी ख्‍लोम्‍सिम्‍डी।

मत्ती 27:19

निया बेपा गन्‍खोपडा पिलातस गन्‍तासिट्‍डालो उमा नाइमेका आरे र्‍वाक्‍पा सेला थु़र्स्‍तु़, “हाम वो मेख्‍लो़ट्‌पा मेराम मु़चु़लाई हे वो मेबेनी, हेङालोने बासिन्‍था गो उमा दुथाम ङिमा म्‍वात्तोमा छो़म दु़खा ल्‍वाउतोम बु।”

थु़र्मा 5:19

लावो माम्‍चु़नीकु कोले पाह्रीचो़का सिन्‍था मे झ्‍यालखानकु लाम्‍चोकोमिम होल्‍साका मेर्मिमलाई पाखानो ख्‍लुक्‍तु़मी, मा र्‍वाक्‍ता,

रेम्‍बेट्‌मिडिम ल्‍वा 19:7

भ्रसिद्‌वाकी मा गेर्सिडी मा गुमी डोक्‍पु बुमी र्‍वाक्‍साका र्‍वाकी, हेङालोने भेन्‍दाचो़का लालीकुन्‍दा बेपा थारी रोक्‍फाड्‌डा, मा उनी लारेमा उ त्‍वापङा झो़म्‍सिड्‌डा।