मत्ती 1:16 - थुलुङ राई

¹⁶ मरियमकु वोचु़ योसेफकु पाप याकूब बाइडा। मे मरियमलाम येशू गम्‍डी, गुमीलाई ख्रीष्‍ट र्‍वामी।

मत्ती 1:16 Referans Kwoze

मत्ती 27:17

सेर्पा मु़चु़ खोम्‍सिम्‍डी, मा पिलातसका मेर्मिमलाई हिलाबु़डु़मी, “इनीमा लागि गो सु़लाई डिन्‍सानिनिमिम न बोनी, बारब्‍बालाई डे ख्रीष्‍ट र्‍वाक्‍मा येशूलाई डे?”

यूहन्‍ना 4:25

मे मेसेमका र्‍वाक्‍ता, “मसीह (मसीह र्‍वाक्‍मा ख्रीष्‍ट) योमी। मेम्‍मा गुमी योमिमा खोत्‍ले ल्‍वा गुकुनुङ सो़मी र्‍वाक्‍पा गो चक्‍पु।”

लूका 3:23

माम्‍चु़नीका मु़चु़मिमकु ङादोडा बेबेट्‌मिडिम खारी येशूका बोमु चो़म्‍मिडिलो गुमी सु धु़म (३०) थकाम बाम्‍डी। मु़चु़मिमका गुमीलाई योसेफकु तारापाचो़ र्‍वाक्‍पा मिम्‍थाल्‍मिडी। योसेफ, एलीकु तारापाचो़ बाइडा,

मत्ती 27:22

पिलातसका मेर्मिमलाई हिलाबु़डु़मी, “मेम माला ख्रीष्‍ट र्‍वाक्‍मा येशूलाई गो हाम बेउमिम?” मेर्मिम खोत्‍लेका येत्तो र्‍वाम्‍डी, “मेरामलाई क्रूसडा चेट्‌नी।”

लूका 4:22

खोत्‍लेका उनीमा नङ कोम्‍डी, मा गुमीका जेम्‍डिम न-थो़मनुङमा सिजेम थो़म्‍डिमा ङाङाया दु़म्‍मिडी, मा मेर्मिमका र्‍वाम्‍डी, “हेसाका गुका आरे र्‍वामिम? गु ने योसेफकु चो़ मेएँ मा?”

लूका 2:48

गुमीलाई ल्‍वाच्‍चिमा उनीमा माम-पाप ङाङाया दु़म्‍ची, मा उनी मामका गुमीनुङ र्‍वाक्‍ता, “आमा तारापाचो़, गाना आरेप्‍माम हाम बेन्‍नाम? रेप्‍डा, इमा पाप नुङ गुचुकु इमा लागि मिम्‍ताम-सो़र्ताम बेसाका छु़रु़प-छु़रु़प लु़त्तो गानालाई माल्‍चोको।”

लूका 2:7

मा गुका उ तोङदी वोस्‍चो़ कस्‍तु़, मा गुमीलाई येका दिल्‍लु़मा बोक्‍सागोयु़ आम्‍डु़, हेङालोने मेर्चिपका पाटीबाडे बान्‍ते वो बुमु मेल्‍वाचिवा।

लूका 1:27

मे पाह्रीचो़ मरियम र्‍वाक्‍मा कोले कन्‍या मेसेमकाडा लस्‍ता। मे मरियम दाऊद हपकु चो़-चु़सु़लाममिम योसेफ र्‍वाक्‍मा कोले मु़चु़काडा बिम्‍डिम बाइडा।

मर्कूस 6:3

ओराम ने मे मरियमकु चो़ याकूब, योसेफ, यहूदा, नुङ सिमोनमिमकु वा, मे सङ बनेबेपाङा मेएँ मा? ओरामकु रिचो़मिम गुइनुङ ङा बुमिम मेएँ?” र्‍वाम्‍डिमा गुमीलाई नाप्‍छु़ट्‌मिडी।

मत्ती 2:13

ज्‍योतिषीमिम लम्‍डिम चङडा, मिप्रङमाकु कोले पाह्रीचो़ योसेफकु ङिमाडा रेम्‍बेसिड्‌डा। मेम्‍मा गुका आरे र्‍वाक्‍ता, “बका, मे चो़च्‍चो़ नुङ उनी मामलाई लडामा मिश्र नेब्‍दीथो़ स्‍वाङ्ल्याडा। ख्‍लोसा मेर्‍वाङुमिमसम्‍म मेसिन्‍डाङा बाया, हेङालोने हेरोदका चो़च्‍चो़ सेन्‍मु लागि माल्‍मु खाप्‍डु़मिम बु।”

मत्ती 1:15

एलिउद एलाजारकु पाप, एलाजार मत्तानकु पाप, मत्तान याकूबकु पाप बाइडा।

मत्ती 16:16

सिमोन पत्रुसका र्‍वाक्‍ता, “गानी ख्रीष्‍ट, हेल्‍लो लोवो बाट्‌पाम बाट्‌पा माम्‍चु़नीकु तारापाचो़।”

मत्ती 16:20

गुमीका उनी सीसिपामिमलाई गुमी ख्रीष्‍ट र्‍वाक्‍पा ल्‍वा सु़नुङ वो मेसो़मु र्‍वाक्‍साका ङिम्‍साट्‌मिडी।