मत्ती 1:1 - थुलुङ राई

¹ ओराम येशू ख्रीष्‍टकु पाइमाखाकाम नङमिमकु सु़म्‍दिमोलोम ल्‍वा सो़। येशू ख्रीष्‍ट दाऊदकु दोचो़लामका रोम्‍डी, मा दाऊद अब्राहामकु दोचो़लाममिम बाइडा।

मत्ती 1:1 Referans Kwoze

गलाती 3:16

माम्‍चु़नीका अब्राहाम नुङ उमा चो़-चु़सु़नुङ याचे जेम्‍डिम बाइडा। हापा चो़-चु़सु़मिमनुङ मेएँ कोलेङा र्‍वाक्‍साका माम्‍चु़नीकु सिजेमडा र्‍याक्‍मा बु। कोलेङा चो़-चु़सु़ र्‍वाक्‍मा ख्रीष्‍ट सो़।

रोमी 1:3

ओराम जो़पा-सेला ने माम्‍चु़नीकु द्‍वादीबुङ तारापाचो़ येशू ख्रीष्‍टकु दुथाम सो़। गुमी मु़चु़ दु़म्‍साका दाऊद हपकु दोचो़गोडा गम्‍डी।

रेम्‍बेट्‌मिडिम ल्‍वा 22:16

“गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”

यूहन्‍ना 7:42

माम्‍चु़नीकु सिजेमका जो़होमका र्‍वाक्‍ताम बु, दाऊद हप गस्‍ताम देल बेथलेहेमडा, दाऊद हपकु चो़-चु़सु़मिमलामका ख्रीष्‍ट गमी।”

थु़र्मा 2:30

लावो दाऊद माम्‍चु़नीलाम-जेपा कोले मु़चु़ बाइडा। मेम्‍मिमका उ चो़-चु़सु़मिमगोडाम ङा कोलेलाई हप गन्पा उमा गन्‍खोपडा आच्‍छाङा गट्‌पु र्‍वाक्‍साका ङादो ङा माम्‍चु़नीका र्‍वाम्‍डिम ल्‍वा गुका चडु़म बाइडा।

मत्ती 1:18

येशू ख्रीष्‍ट आरेसाका गम्‍डी: उनीमा माम मरियम योसेफकाडा बिम्‍डिम बाइडा, लावो मेर्चिपकु लालीकुन्‍दा दु़म्‍मु ङादोङा मरियम माम्‍चु़नी-पेलका गोजु़मे दु़स्‍ताम चस्‍ता।

रोमी 9:5

मेर्मिम छो़म नङ दोपा बेप-पापकु चो़-चु़सु़मिम सो़, ख्रीष्‍ट उनी त्‍वाप वो ओराम सामागोडा गम्‍डी। गुमी ने खोत्‍लेडला साखाम थो़पा मा हेल्‍लो लोवो नङ कोसिक्‍पा माम्‍चु़नी बुमी। आमेन।

रोमी 4:13

अब्राहाम नुङ उमा चो़-चु़सु़मिमका सु़म्‍दिसेरडाम दो़दो़वा ल्‍वामी र्‍वाक्‍साका याचेजम्‍डिम ल्‍वा ने डु़म्‍लाका र्‍वाक्‍ताम होङङा बेसाका मेएँ, लावो थो़रलु़सीलाम जो़पा न-गोका दु़म्‍साका रोक्‍ताम सो़।

मत्ती 15:22

मेराम क्षेत्रडाम कोले कनानी वाङसामा मेसेम येशूकाडा रोक्‍तामा येत्तो आरे र्‍वाक्‍ताम-र्‍वाक्‍तामङा बु़डु़, “ङाचो़, दाऊदकु तारापाचो़, गोडला न-थो़म रेम्‍बेनी, आमा जाउमोचो़ मुनाङका हुप्‍डु़मा छो़म दु़खा ग्‍वाक्‍तु़म बु।”

मत्ती 9:27

येशू मेलामका लक्‍तोङा बेम्‍डिलो मिक्‍सीका मेल्‍वापा मु़चु़चिपका डोक्‍पु लो़लामका आरे र्‍वाक्‍तो उनी चङचङ लक्‍ची, “ए दाऊदकु तारापाचो़, गुचुकुडला न-थो़म रेम्‍बेनी।”

मत्ती 3:16

येशूका कु-रु़दु़म रम्‍डिमा पाखाला लुङगेम्‍डी, मेकोतिलोङा पाह्री ह्‌वासिड्‌डा मा गुमीका माम्‍चु़नी-पेल तुक्‍तुकुर होङङा बेपा योक्‍तोङा लेट्‌पा मा गुमीडला गन्‍तोङा बेपा ल्‍वाम्‍डी।

मत्ती 1:2

अब्राहाम इसहाककु पाप बाइडा, इसहाक याकूबकु पाप बाइडा, याकूब यहूदा नुङ उ वा-ल्‍वाकमिमकु पाप बाइडा।

लूका 1:33

मा गुमी हेल्‍लो लोवो याकूबकु चो़-चु़सु़मिमकु हप दु़म्‍मी, मा उनीमा किब्‍दी हेल्‍लो लोवो दु़महोम बु।”

१ तिमोथी 2:5

माम्‍चु़नी कोले कोङङा सो़, मा माम्‍चु़नीनुङ मु़चु़कु न-थो़म घ्रो़म्‍बेन्‍मु ने ख्रीष्‍टलामका कोङङा दु़म। आरे बोमु लागि येशू ख्रीष्‍ट ने मु़चु़ दु़म्‍साका योम्‍डी।

२ तिमोथी 2:8

सिमुलाम बम्‍गेम्‍डिम दाऊदकु दोचो़लाममिम येशू ख्रीष्‍टलाई मिम्‍डा, गो थो़बेत्तोमिम जो़पा-सेला ओरामङा सो़।