लूका 9:7 - थुलुङ राई

⁷ येशूका बेम्‍डिम खोत्‍ले खारीकु दुथाम थो़स्‍तु़मा गालीलडाम साखामचो़ हेरोदकु न जेस्‍ता। हेङालोने याङ-याङका कु-रु़दु़म ग्‍वाक्‍पा यूहन्‍ना सिमुलाम बग्‍गेड्‌डाम र्‍वाक्‍तोङा बेम्‍डी,

लूका 9:7 Referans Kwoze

लूका 9:19

मेकोतिमा सीसिपामिमका र्‍वाम्‍डी, “याङका कु-रु़दु़म ग्‍वाक्‍पा यूहन्‍ना र्‍वामी, याङका एलिया, मा वाङमिमका माके-माकेम माम्‍चु़नीलाम-जेपामिमगोडाम कोले बग्‍गेड्‌डाम रेछा र्‍वामी।”

लूका 3:1

रोमी हप तिबेरियसका किब्‍दी थो़ड्‌डु़म को-ङो (१५) थ दु़स्‍ताम बाइडा। मेकोतिलोका पन्‍तियस पिलातस यहूदियाडाम साखामचो़ दु़स्‍ता। मेराम थारीका ङा हेरोद गालीलडाम साखामचो़ दु़स्‍ता, मा उमा तारापा ल्‍वाक फिलिप इतुरिया नुङ त्राखोनितिसडाम साखामचो़ दु़स्‍ता। लुसानियास अबिलेनेडाम साखामचो़ दु़स्‍ता।

लूका 21:25

“ख्‍लो़मु, नेम्‍सुङ मा सोरलुङमिमगोडा हेल्‍लो वो मेल्‍वाम्‍मा छेखोपमिम दो़। मेम्‍मा दिरिदिनडाम कुकु बाबारिम नुङ ब्‍लोजु़का सुबुडाम खोत्‍ले मु़चु़मिम ङिमी मा मिम्‍ताम-सो़र्ताम बोमी।

मत्ती 11:2

कु-रु़दु़म ग्‍वाक्‍पा यूहन्‍ना झ्‍यालखानडा बाइडालो ख्रीष्‍टका बेम्‍डिम खारीकु दुथाम थो़स्‍तु़, मा उ सीसिपामिमलाई उनीमाडा हिलाबेप्‍डा थु़र्स्‍तु़मी,

मर्कूस 8:28

मेर्मिमका र्‍वाम्‍डी, “कोङ-कोङका कु-रु़दु़म ग्‍वाक्‍पा यूहन्‍ना, याङ-याङका एलिया, मा वाङमिमका माकेम माम्‍चु़नीलाम जेपागोडामङा कोले र्‍वामी।”

लूका 13:31

मेकोतिलोङा कोङनिम फरिसीमिम रोम्‍डिमा गुमीलाई र्‍वाम्‍डी, “ओलामका वाङथो़ङा लक्‍नी, हेङालोने हेरोद पन्‍तियासका गानीलाई सेन्‍मु माल्‍लु़मिम बु।”

लूका 23:7

मेकोतिमा पिलातसका येशू हेरोद अन्‍तिपासकु इलाकाडाम रेछा र्‍वाक्‍पा चडु़मा येशूलाई हेरोदकाडा थु़र्स्‍तु़मी। मेकोतिलो हेरोद यरूशलेमडाङा बाइडा।