लूका 9:58 - थुलुङ राई

⁵⁸ लावो येशूका मेरामलाई र्‍वाम्‍डी, “सेरुलीमिमकाम वो उनी बाखोप रोङगा बु, मा चक्‍पुमिमकाम वो उनी पान्‍जी बु। लावो मिनीचो़काम ने ङेसिखोप वो मिबु।”

लूका 9:58 Referans Kwoze

मत्ती 8:20

येशूका मेरामलाई र्‍वाम्‍डी, “सेरुलीमिमकाम उनी बाखोप रोङगा बु। चक्‍पुमिमकाम वो उनी बाखोप पान्‍जी बु, लावो मिनीचो़काम ने ङेसिखोप वो मिबु।”

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

मत्ती 13:32

मेराम खोत्‍लेडाम याक्‍के भ्रल लावो बर्तो लमा बगैंचागोडाम डोक्‍पु धक्‍सा होप्‍माम दु़म। धामुला हुट्‌पा चक्‍पुमिम रोमिमा मेरामकु ग्रेमडा पान्‍जी बनेबोमी।”