56 मेकोतिमा येशू नुङ उनी सीसिपामिम वाङमिम देलथो़ लम्डी।
मेजो़पा ल्वाका गानीलाई घ्ल्वामु मेचाप्सु़नु़, लावो मेजो़पा ल्वालाई जो़पा ल्वाका घ्ल्वानी।
मिनीचो़ चापे-डुपे बेला सो़सिप्डा मेएँ, चापे-डुपे बेप्डा नुङ उमा त्वाकु साम फ्यामुमा हापा मु़चु़मिमकु थि सोक्साका सेल्मु लागि योक्ताम सो़।”
सु़म्दिसेरडाम मु़चु़मिमलाई मुमा बेन्मु र्वाक्साका माम्चु़नीका उनीमा तारापाचो़लाई थु़र्मीडिम मेएँ, लावो सु़म्दिसेरडाम मु़चु़मिम गुमीलामका सेल्सिमिनु़ र्वाक्साका थु़र्मिडी।
“खुचु़वा ने खुप्डा, सेड्डा नुङ पुयु़ लुबेड्डा कोङङा रो। लावो गो ने मेर्मिमका त्वारो़म ल्वामिनु़, मा मे त्वारो़म हापा ल्वामिनु़ र्वाक्साका योङडो।
हेङालोने दाम्पा मु़चु़मिमलाई माल्मु नुङ सेल्मु लागि मिनीचो़ योक्ताम सो़।”
“चङचङया बानी, ओ याक्केमिमगोडाम कोलेलाई वो हाम ना हामकाम मेमिम्नी। हेङालोने गो गानीलाई र्वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्लो लोवो पाह्रीला बुमिम बुमी।
छु़लचो़मिम सेल्ला ख्रीष्ट येशू सु़म्दिसेरडा योम्डी र्वाक्पा ल्वा आच्छाङा र्वाक्साका रमु बासी सो़, मा छु़लचो़मिमगोडाम गो छो़म डोक्पु छु़लचो़।
“कोङनिमका आमा सिजेम थो़सु़ लावो मेराम होङ्ङा मेबु़ माला गो मेरामकु निया मेबेउ। हेङालोने गो सु़म्दिसेरकु निया बेप्डा योङ्डोम मेएँ, लावो सु़म्दिसेर सेल्मु लागि योङ्डोम।
येशूका र्वाम्डी, “माम्चु़नी, ओर्मिम मु़चु़लाई पाचो ग्वाक्निमी, हेङालोने मेर्मिमका हाम बेत्तोङा लेन्मी मेराम मेचमी।” मेम्मा सिपाहीमिमका चिठ्ठा ओप्साका येशूकु ये-सेम दो़म्डी।
लावो येशूका मेर्मिमलाई र्वाम्डी, “आरे मेबेनी!” मेकोतिमा गुमीका मेराम डु़ल्चो़कु नोफ्ला लु़प्मिडिमा सबेट्मिडी।
लावो गो गानीलाई र्वाङु, गानीलाई मेजो़पा बेपा मु़चु़डला छोक्चो मेहाट्नी। कोङनिमका इनी जो़पलाममिम फोसु़डा याल्नी माला कोङमीलाममिम फोसु़डा वो देन्साट्नी।
लावो येशू पिख्लोम्सिम्डिमा मेर्चिपलाई भुर्मिडी।
येशू नुङ उनी सीसिपामिम लाम्दीडा लक्तोङा बेम्डिलो कोले मु़चु़का येशूनुङ र्वाक्ता, “ङाचो़, गानी बान्ते लनी, मेनो-मेनो गो वो इनीमा चङचङ लङु।”
[हेङालोने मिनीचो़ ने दाम्पा मु़चु़मिम ङा सेल्मु लागि योक्ताम सो़।]
