लूका 9:5 - थुलुङ राई

⁵ कोङनिम शहरडाम मु़चु़मिमका गानीलाई हुनाखाना मेबोनिमी माला गानी मेराम शहरलाम लुनिलो मेर्मिमका देन्‍दे ल्‍वामी र्‍वाक्‍साका रेम्‍बोमु इनी फेमखेलडाम फुर्कु थेम्‍जो़ल्‍नी।”

लूका 9:5 Referans Kwoze

थु़र्मा 18:6

लावो मेर्मिमका पावलकु ल्‍वा मेथो़मिवामा उ कोर्थो़लाम बम्‍डी। मेकोतिमा गुका उ येड्‌डाम फुर्कु थेप्‍तो आरे बु़डु़मी, “खोत्‍ले इनीमा मेजो़पा खारीमिम इनीमा बुइडला ङा बुसिनु़, गो देन्‍दे मेल्‍वाउनु़। आथाडा आरे गो वाङसामामिमकाडा लङु सो़।”

थु़र्मा 13:51

मेम्‍मिमका पावल नुङ बारनाबासका मेर्मिमकु कोर्थो़लाम उची फेमखेलयु़म फुर्कु थेप्‍ची, मा आइकोनियन शहरथो़ लक्‍ची।

मर्कूस 6:11

गानी उहेम देलडा लनी मेसिन्‍डाममिमका जो़होमका मेरनिमिवा मा गानी र्‍वानिमिम मेथो़मिवा माला, गानी मेलामका लुनिलो माम्‍चु़नीका मेर्मिमलाई मेद्‍वामी मा देन्‍दे ग्‍वामी र्‍वाक्‍पा रेम्‍बोमु इनीमा फेमखेलडाम फुर्कु वो थेप्‍जो़ल्‍नी।”

लूका 10:16

येशूका उनी सीसिपामिमलाई र्‍वाम्‍डी, “उहेमका इनीमा ल्‍वा थो़सु़, मेरामका आमा ल्‍वा थो़सु़मिम होप्‍माम ङा सो़। उहेमका इनीमा ल्‍वा मेथो़सु़, मेरामका आमा ल्‍वा वो मेथो़सु़मिम होप्‍माम ङा सो़, मा उहेमका आमा ल्‍वा मेथो़सु़, मेरामका गोलाई थु़र्पा माम्‍चु़नीका र्‍वामिम वो मेथो़सु़मिम होप्‍माम ङा सो़।”

लूका 9:48

मेम्‍मा मे सीसिपामिमलाई र्‍वाम्‍डी, “उहेमका गोडला थो़रलु़डामका ओराम चो़च्‍चो़लाई हुनाखाना बु़, मेरामका गोलाई हुनाखाना बोङि, मा मेराम मु़चु़का गोलाई थु़र्पा माम्‍चु़नीलाई वो हुनाखाना बु़। गानीगोडाम खोत्‍लेडाम याक्‍के सु़ बु, मेराम मु़चु़ङा खोत्‍लेडाम डोक्‍पु दु़म।”

मर्कूस 9:37

“उहेमका आमा नङडा आरेप्‍माम याक्‍के चो़च्‍चो़मिमडाम कोले रङु़, मेरामका गोलाई ङा रङी। उहेमका गोलाई रङी, मेरामका गोलाई कोङङा मेएँ, गो थु़र्पालाई ङा रङु़।”

लूका 5:14

मेकोतिमा गुमीका मेराम मु़चु़लाई र्‍वाम्‍डी, “ओरामकु दुथाम गाना सु़नुङ वो मेसो़या वो! लावो डु़म्‍लाचो़काडा लक्‍सा, मा गुका गानालाई रेम्‍नानु़। मेम्‍मा जोन बेट्‌पामा सपा मु़चु़का सासेन्‍मु बासी र्‍वाक्‍साका मोशाकु डु़म्‍लाका र्‍वाक्‍ताम होङङा बे। आरे बोनामा खोत्‍ले मु़चु़का गाना सन्‍ना मा इमा जोन हेम्‍सिड्‌डा र्‍वाक्‍पा ल्‍वामी।”

मत्ती 10:18

आमा दुथाम गानीलाई साखामचो़ नुङ हपमिमकाडा लनी। मेम्‍मा मेर्मिम मु़चु़ नुङ वाङसामा मु़चु़मिमलाई आमा दुथाम सो़पा गानी दु़म्‍नी।

लूका 9:4

उहेम नेमडा लनिलो गानीलाई हुनाखाना बोमी, मेराम शहरलामका वाङथो़ मेलनिमिमसम्‍म मेराम नेमडा ङा बानी।