लूका 9:49 - थुलुङ राई

⁴⁹ मेकोतिमा यूहन्‍नाका र्‍वाक्‍ता, “ङाचो़, कोले मु़चु़का इनीमा नङडा मुनाङपेलमिम कोल्‍तोङा लेड्‌डु़म गुकु डार्तोको। लावो गुकु मेराम मु़चु़लाई मेम बोमु मेग्‍वाक्‍कुवा। हेङालोने मेराम मु़चु़ गुइनुङ लाम्‍दिपामिमगोडाम मेएँ।”

लूका 9:49 Referans Kwoze

थु़र्मा 5:28

“येशूकु नङडा हाम वो मेसीनिमी र्‍वाक्‍साका गुकु गानीनुङ र्‍वाक्‍तोकोम मेएँ? लावो इनी सीसिका ने खोत्‍ले यरूशलेम ङा लिबेट्‌नी, मा मे येशूलाई गानी सेट्‌निम र्‍वाक्‍साका आकीमा बुइडला उन्‍मु माल्‍नी।”

लूका 5:5

लावो सिमोनका र्‍वाक्‍ता, “ङाचो़, गुकु नेमसोसोसम्‍म छो़म छो़त्तोकोमा पालुङ ओप्‍तोको लोवो कोले वो ङो सेन्‍मु मेचाप्‍कुवा। मेम ङा लोवो गानी र्‍वानिमिम होम्‍साका गो पालुङ ओपु।”

१ थेसलोनिकी 2:16

मेर्मिमका गुकुलाई वाङसामामिम सेल्‍सिक्‍पा जो़पा-सेला थो़बेन्‍मुडाम भोप्‍तिकी। आरे बेसाका मेर्मिमका हापा छु़लमिम बेत्तो लम्‍डी। मेर्मिमडाम छो़म माम्‍चु़नीकु छोक्‍चो बक्‍ताम बु, मा हुम-दडा मेर्मिमलाई देन्‍दे ग्‍वामी।

मत्ती 3:14

लावो यूहन्‍नाका आरे र्‍वाक्‍साका गुमीलाई कु-रु़दु़म मेग्‍वामु माल्‍लु़, “गानी डे गोलाई कु-रु़दु़म ग्‍वामु बासिक्‍पा ने, गानी हेङा कु-रु़दु़म रप्‍डा आमाडा रोनिम?”

लूका 9:33

मेकोतिमा मे नले मु़चु़चिप गुमीनुङ ब्‍र्‍वासिक्‍चिमा लमु खाप्‍चिलो पत्रुसका येशूनुङ र्‍वाक्‍ता, “ङाचो़, गुकु आसिन्‍डा बुमु छो़म जो़पा दु़म। गुकु सुले बाखोप बनेबोकु, कोले इनीमा लागि, कोले मोशाकाम लागि, मा कोले एलियाकाम लागि।” लावो गुका र्‍वाक्‍ताम ल्‍वा उ त्‍वाका ङा मेचवा।