लूका 9:47 - थुलुङ राई

⁴⁷ लावो येशूका मेर्मिमकु नगोडाम ल्‍वा चम्‍डिमा कोले चो़च्‍चो़लाई रेट्‌मिडिमा उनी फार्डा येम्‍सिबेट्‌मिडी।

लूका 9:47 Referans Kwoze

यूहन्‍ना 16:30

गानी खोत्‍ले चनी, मा सु़का वो गानीनुङ हिलाबोमु मेबासी। गानी माम्‍चु़नीलामका योक्‍निम र्‍वाक्‍साका ओरामलामका गुकु थो़र बोकु।”

रेम्‍बेट्‌मिडिम ल्‍वा 2:23

मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।

हिब्रू 4:13

सु़म्‍दिडा बाट्‌पा हाम वो गुमीलामका थमु मेझाम। उनीमा मिक्‍सीलामडा खोत्‍लेमथोक छ्‍याङलो-छ्‍याङलो बु। मेम्‍मा गुइ बिइडिम खोत्‍ले ल्‍वा गुमीनुङ सो़मु बासी।

लूका 5:22

मेर्मिमका उनी नड्‍डा हाम मिम्‍तोङा लेन्‍मी र्‍वाक्‍पा ल्‍वा येशूका चम्‍डिमा र्‍वाम्‍डी, “गानी हेङा इनीमा नगोडा आरेप्‍माम मिम्‍सिनिमिम?

मत्ती 9:4

मेर्मिमका हाम मिम्‍तोङा लेन्‍मी र्‍वाक्‍पा ल्‍वा येशूका चम्‍डिमा र्‍वाम्‍डी, “गानी हेङा इनी नडा आरेप्‍माम मेजो़पा मिम्‍निमिम?

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

यूहन्‍ना 21:17

गुमीका सु खेपडा र्‍वाम्‍डी, “यूहन्‍नाकु तारापाचो़ सिमोन, हाम गाना गोलाई रिखाम बोङी?” पत्रुसकाम छो़म उमा गो नो़डा, हेङालोने गुमीका सु खेप “हाम गाना गोलाई रिखाम बोङी?” र्‍वाक्‍साका हिलाबेम्‍डी। गुका गुमीलाई र्‍वाक्‍ता, “ङाचो़, गानी खोत्‍ले चनी, गो गानीलाई रिखाम बोनिनी र्‍वाक्‍पा चनी।” येशूका र्‍वाम्‍डी, “आमा भेन्‍दामिमलाई पोमु-डुमु ग्‍वाकामी।

यूहन्‍ना 2:25

मु़चु़ आच्‍छाङा हेप्‍माम दु़म्‍मी र्‍वाक्‍साका सु़का वो गुमीनुङ सो़मुम बुमु बासिक्‍पा मेबायावा। हेङालोने मु़चु़मिमकु न हेप्‍माम बु र्‍वाक्‍साका गुमीका चम्‍डिम बाइडा।

मत्ती 12:15

फरिसीमिमका हाम बोमु माल्‍तोङा लेन्‍मी मेराम ल्‍वा येशूका चम्‍डिमा मेलाम लम्‍डी। मेम्‍मा हापा मु़चु़ गुमीनुङ लाम्‍दिम्‍डी। मेर्मिमगोडाम नो़पामिम खोत्‍लेलाई गुमीका सबेट्‌मिडी।