लूका 9:46 - थुलुङ राई

⁴⁶ मेकोतिमा को-न (१२) सीसिपामिमका खोत्‍लेडाम डोक्‍पु सु़ दु़म र्‍वाक्‍साका उनी त्‍वाप-त्‍वापगोडा हिलाहिसी बेबेम्‍डी।

लूका 9:46 Referans Kwoze

३ यूहन्‍ना 1:9

मण्‍डलीलाई गो कोङनिम ल्‍वा र्‍याक्‍तोम बाइडा। लावो ङाउ दु़म्‍मु माल्‍पा डियोत्रिफसका गुकुनुङ हाम वो बोमु मेद्‌वाकु़।

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

फिलिप्‍पी 2:14

सु़म्‍बुर्मा मेकिसाका नुङ कुमेबेसाका खोत्‍ले खारी बेनी।

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।