लूका 9:44 - थुलुङ राई

⁴⁴ “गो र्‍वाङुमिम ल्‍वा किङकिङया थो़नी वो, मिनीचो़ उ स्‍वाक्‍चिमो मु़चु़मिमकाडा भ्रेन्‍सिमु खाप्‍डु़म बु।”

लूका 9:44 Referans Kwoze

थु़र्मा 2:23

येशू गानीलाई ग्‍वामु माम्‍चु़नीकाम ङादो आथाममिम उनी मुलु़ नुङ न बाइडा। मेम्‍मिमका गानी गुमीलाई मेजो़पा मु़चु़मिमलाई ग्‍वाक्‍साका क्रूसडा चेसाका सेन्‍बेट्‌नी।

लूका 9:22

मेकोतिमा गुमीका र्‍वाम्‍डी, “मिनीचो़का छो़म दु़खा ल्‍वासु़। ङाउमिमका, ङाउ डु़म्‍लाचो़मिमका मा यहूदीमिमकु डु़म्‍ला सीपा पातु़म्‍रीमिमका गुलाई मेद्‌वामिमा सेन्‍मी। लावो सुलेमनेम सिमुलाम गु बगे।”

हिब्रू 2:1

मेम्‍मिमका गुइ हाम थो़स्‍तिम बु मेरामडला गुइ छो़म न सोमु बासी। मेएँ माला ने गुइ लाम्‍दी प्‍ल्‍वासिमा कोर्थो़ लक्‍सी।

लूका 2:19

लावो मरियमका ने ओर्मिम ल्‍वाकु दुथाम मिम्‍तो उमा नडा जु़ल्‍थाड्‌डु़।

यूहन्‍ना 19:11

येशूका र्‍वाम्‍डी, “माम्‍चु़नीका गानीलाई ग्‍वाक्‍निमका कोङङा गोडला इनीमा साखाम बुमिम। मेम्‍मिमका इनीमा ल्‍वाडा गोलाई ग्‍वाक्‍पाका छो़म डोक्‍पु छु़ल बु़डु़म बु।”

यूहन्‍ना 16:4

थारी रो, मा गो गानीलाई चङचङया बाबेट्‌निनिम ल्‍वा इनीमा नडा रो र्‍वाक्‍साका ओराम ल्‍वा गो गानीलाई र्‍वाङडोम बु। गो गानीनुङ बाङडोमका गानीनुङ ङादो गो ओराम ल्‍वा मेर्‍वाङुवा।

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

लूका 18:31

येशूका को-न (१२) उनी सीसिपामिमलाई कोर्थो़ लम्‍डिमा र्‍वाम्‍डी, “रेप्‍नी, ओम्‍लो गुइ यरूशलेमथो़ लक्‍तोङा लेडिमिम बु। माम्‍चु़नीलाम-जेपामिमका मिनीचो़कु दुथाम र्‍वाम्‍डिम होङङा खोत्‍ले मेसिन्‍डा दु़म।

लूका 2:51

मेकोतिमा गुमी उनी माम-पापनुङ उनी नेम बाट्‌पा नासरत शहरथो़ ख्‍लोसिम्‍डी, मा उनीमा माम-पापका र्‍वाक्‍चिम होम्‍साका बेम्‍डी। उनीमा मामका हा-हाम दु़स्‍ताम मेर्मिम खोत्‍ले ल्‍वा उमा नडा जु़ल्‍थाड्‌डु़।

लूका 1:66

ओराम ल्‍वा थो़पा मु़चु़मिम खोत्‍लेका दिफु ओराम चो़च्‍चो़ हेप्‍माम दु़म? र्‍वाक्‍साका उनी नड्‍डा मिम्‍मिडी। हेङालोने मिप्रङमाकु यु़म मे चो़च्‍चो़नुङ बाइडा।

मर्कूस 9:31

हेङालोने गुमीका उनीमा त्‍वाकु सीसिपामिमलाई आरे र्‍वाक्‍तोङा सीत्तो बेम्‍डी, “मिनीचो़ मु़चु़मिमकु ल्‍वाडा ग्‍वाला सो़सी, मा मेर्मिमका सेन्‍मी। लावो सेन्‍मिमिमकु सुलेम नेम मेराम सिमुलामका ब गे।”

मर्कूस 8:31

गुमीका आरे र्‍वाम्‍डिमा सीमु चो़म्‍मिडी, “ओराम मिनीचो़का छो़म दु़खा ल्‍वामु, थेट्‌पा चक्‍पामिम, ङाउ डु़म्‍लाचो़मिम नुङ पातु़म्‍रीमिमलामका नाप्‍छु़न्‍ला सो़सिमु, मा सेन्‍ला सो़सिमु बासी। मेकोतिमा सुलेम नेम सिमुलाम बम्‍गेमु बासी।”

मत्ती 26:2

“आनेपकु नलेमका सेल्सिमुनेमकु चाड रो र्‍वाक्‍पा ने गानी चनिमिम बु, मा मिनीचो़ क्रूसडा चेन्‍मु लागि उ स्‍वाक्‍चिमो मु़चु़मिमकु ल्‍वाडा ग्‍वाला सो़सी।”

मत्ती 16:21

गुमी यरूशलेम लमुङा बासिक्‍पा, मा ङाउमिमका, ङाउ डु़म्‍लाचो़मिमका नुङ डु़म्‍ला सीपा पातु़म्‍रीमिमका हापा ल्‍वालाम गुमीलाई दु़खा ग्‍वामी, गुमीलाई सेन्‍मी, लावो सुलेमनेम गुमी बम्‍गेट्‌मी र्‍वाक्‍साका मेम्‍लो आथाम येशूका उनी सीसिपामिममनुङ सो़मु चो़म्‍मिडी।

यूहन्‍ना 16:31

येशूका मेर्मिमलाई र्‍वाम्‍डी, “हाम आच्‍छाङा गानी गोडला थो़र लु़नी?