43 माम्चु़नीकु छो़म डोक्पु यु़म ल्वाम्डिमा मे सेर्पा मु़चु़मिम ङाङाया दु़म्मिडी। येशूका बेम्डिम खोत्ले खारीडा मेर्मिम ङाङाया दु़म्मिडिम बाम्डिलो गुमीका उनी सीसिपामिमलाई र्वाम्डी,
येशू नुङ उनी सीसिपामिम गालील इलाकाडा खोम्सिम्डिलो येशूका मेर्मिमलाई र्वाम्डी, “मिनीचो़ मु़चु़मिमकु ल्वाड्डा भ्रेन्सिमु खाप्डु़मिम बु।
इकी ङाचो़ येशू ख्रीष्ट छो़म यु़मनुङमा नुङ आथावो योमिमिमकु दुथाम गानीलाई गुकु थो़बेत्तोकोलो बाछेन्दा लिसिक्साका बनेबेम्मा सो़म्दी होप्माम सो़त्तोकोम मेबायावा। लावो उनी डोक्पु दु़म्सी गुकु आकी मिक्सीका ल्वात्तोको।
येशूका मेर्मिमलाई र्वाम्डी, “गानीनुङ थो़र मिबु?” मेर्मिम ङिम्डिमा ङाङाया दु़म्तो उनी त्वाप-त्वापडा आरे र्वा बेम्डी, “गुमी हेप्माम मु़चु़ डे? ब्लोजु़ नुङ कुकु बाबारिमलाई ल्वाडा जु़ल्मी, मा मेर्मिमका वो गुमीका र्वामिम थो़मी रेछा!”
मेम्मा खोत्ले मु़चु़मिम छो़म ङाङाया दु़म्मिडिमा माम्चु़नीकु नङ कोम्डी। मेकोतिमा ङित्तो आरे र्वाम्डी, हेल्लो वो मेल्वाम्मा ल्वा गुइ आनेप ल्वास्ती।
खोत्ले मु़चु़मिम ङाङाया दु़म्मिडिमा आरे र्वाबोमु चु़म्मिडी, “ओरामका जेमिम ने हेप्माम साखाम नुङ यु़मनुङ रेछा! मुनाङपेलमिमका वो ओरामका र्वामिमिम थो़मिमा स्वामी रेछा।”
मेर्मिमका छो़म ङो सेट्मिडिम ल्वाम्डिमा सिमोन पत्रुस नुङ उमा ङोप्सो़मिम छो़म ङाङाया दु़म्मिडी।
मेकोतिमा गुमी मेर्मिम बाट्पा कुबी-बोक्साडा हुम्डी मेडे ब्लोजु़ वो फुन्मु डिथाड्डु़। मेम्मिमका मेर्मिम ङाङाया दु़म्मिडी।
येशूकाडा मे स्वाला मु़चु़ बिक्तो-बिक्तोङा मुनाङपेलका क्वायु़ लेप्बोक्तु़, मेम्मा काकार्या बु़डु़। लावो येशूका मे मुनाङपेललाई भुर्मिडी, मेम्मा स्वाला मु़चु़लाई सबेट्मिडिमा उ पापलाई ग्वाम्डी।
मेकोतिलोङा गुका उ मिक्सीका ल्वास्ल्याड्डु़, मा माम्चु़नीकु नङ कोक्तो येशूकु चङचङ लाम्दीडा। ओराम ल्वाम्डिमा खोत्ले मु़चु़मिमका वो माम्चु़नीकु नङ कोम्डी।