लूका 9:41 - थुलुङ राई

⁴¹ येशूका मेर्मिमलाई र्‍वाम्‍डी, “ए थो़रमेलु़पा नुङ लु़म्‍ला मेबेडिचो़नी, गो हाम्‍सिसम्‍म गानीनुङ बुङु, मा हाम्‍सिसम्‍म इम्‍मु? इमा तारापाचो़ आसिन्‍डा फिडा।”

लूका 9:41 Referans Kwoze

यूहन्‍ना 20:27

मेम्‍मा गुमीका थोमालाई र्‍वाम्‍डी, “इमा ब्रेप्‍चो आसिन्‍डा फिका, मा आमा ल्‍वा रेप्‍डा। इमा ल्‍वा फिडामा आमा फेटफेटगोनो फिका। इमा नडा मेमुर्सा, थो़रलु़या।”

यूहन्‍ना 14:9

येशूका र्‍वाम्‍डी, “फिलिप, आकोम थारीसम्‍म गानीनुङ बाङ्‌डो मा वो गाना गोलाई मेछेङिमिम? उहेमका गोलाई ल्‍वाङ्‌डिम बु, मेरामका पापलाई ल्‍वास्‍तु़म बु। हेसाका गाना ‘गुकुलाई पाप रेम्‍बेट्‌किनी’ र्‍वामु चाम्‍ना?

मर्कूस 9:19

येशूका मेर्मिमलाई र्‍वाम्‍डी, “ए थो़र मान्‍थिम मु़चु़नी! गो गानीनुङ हाङको बुङु मा? गो गानीलाई हाङको इम्‍मु? मेराम वोस्‍चो़लाई आसि फिट्‌नी।”

मत्ती 17:17

मेकोतिमा येशूका र्‍वाम्‍डी, “ए मेजो़पा नुङ थो़र मान्‍थिम मु़चु़नी, गो हाम्‍सिसम्‍म गानीनुङ बुङु मा? हाम्‍सिसम्‍म गानीलाई इम्‍मु? मे स्‍वालालाई आमाडा फिट्‌नी।”

हिब्रू 7:25

मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

हिब्रू 4:2

गुइलाई होम्‍साकाङा मेर्मिमलाई वो जो़पा-सेला थो़बेट्‌मा बाइडा। लावो मेर्मिमलाई थो़बेट्‌मा जो़पा-सेला ने हाम ना हामकाम दु़स्‍ता, हेङालोने मेर्मिमका थो़म्डिम ल्‍वाडा थो़र मेलु़मिवा।

हिब्रू 3:19

मेम्‍मिमका गुइ चडिम बु, मेर्मिमका माम्‍चु़नीडा थो़र मेलु़मिवामकाङा ङेसिक्‍पा खोमडा हुमु मेल्‍वामिवा।

रोमी 2:4

डे माम्‍चु़नीका गानीडला न-थो़म रेम्‍बेसाका इनीमा छु़ललाम ख्‍लोनिमी र्‍वाक्‍पा मेचनिमा, हाम उनीमा न-थो़म, इम्‍सीलाई हाम ना हामकाम मिम्‍नी?

थु़र्मा 13:18

ब्‍ल धु़म (४०) थसम्‍म इस्राएलीमिमका माम्‍चु़नीका र्‍वाम्‍डिम मेथो़मिवा, लोवो माम्‍चु़नीका मेर्मिमकु खारी इम्‍तो रेप्‍मिडी।

थु़र्मा 2:40

पत्रुसका वाङमिम वो हापा ल्‍वामिमलामका उनी न छ्‌याक्‍सात्तो आरे बु़डु़मी, “छु़लचो़मिमका ल्‍वापा देन्‍देडाम वाङ बासाका सेल्‍सिट्‌नी।”

लूका 8:25

येशूका मेर्मिमलाई र्‍वाम्‍डी, “गानीनुङ थो़र मिबु?” मेर्मिम ङिम्‍डिमा ङाङाया दु़म्‍तो उनी त्‍वाप-त्‍वापडा आरे र्‍वा बेम्‍डी, “गुमी हेप्‍माम मु़चु़ डे? ब्‍लोजु़ नुङ कुकु बाबारिमलाई ल्‍वाडा जु़ल्‍मी, मा मेर्मिमका वो गुमीका र्‍वामिम थो़मी रेछा!”

मत्ती 16:4

छु़लचो़ नुङ नाम्‍सु़रु़ बेपा ओराम थारीकु मु़चु़मिमका छेखोप रेम्‍मु माल्‍मी, लावो मेर्मिमका योनाकु छेखोप कोङङा रेम्‍मु ल्‍वामी।” मेकोतिमा येशूका मेर्मिमलाई पार्जो़ल्‍मिडिमा लम्‍डी।

मत्ती 12:39

गुमीका मेर्मिमलाई र्‍वाम्‍डी, “मेजो़पा नुङ नाम्‍सु़रु़ बेपा आथामबिलिम मु़चु़मिमका हेल्‍लो वो मेल्‍वाम्‍मा छेखोप रेम्‍मु माल्‍मी। लावो मेर्मिम माम्‍चु़नीलाम-जेपा योनाकु छेखोप कोङङा रेम्‍बेट्‌पुमी।

मत्ती 3:7

फरिसीमिम नुङ सदुकीमिमगोडाम हापा मु़चु़मिम वो यूहन्‍नाकाडा कु-रु़दु़म रप्‍डा रोम्‍डिम ल्‍वास्‍तु़। मेम्‍मा यूहन्‍नाका मेर्मिमलाई बु़डु़मी, “लु-फेले बेपा ब्‍लो होप्‍माम मु़चु़नी, माम्‍चु़नीका बोमु खाप्‍मिमिम नियालामका वाङ दु़म्‍मु कोङनिमका गानीलाई ङिमसान्‍मु मेचाम्‍नी।

मर्कूस 10:49

मेकोतिमा येशू मेसि ङा येम्‍सिम्‍डिमा र्‍वाम्‍डी, “मेरामलाई येट्‌नी।” मेकोतिमा मेर्मिमका मे मिक्‍सीका मेल्‍वापा बारतिमैलाई आरे र्‍वाम्‍डिमा येट्‌मिडी, “गेर्सा, मा बका! गुमीका गानालाई येत्तोङा बोनामी।”

मर्कूस 10:14

लावो येशूका ओराम ल्‍वाम्‍डिमा उनी छोक्‍चो बक्‍ता, मा उनीमा सीसिपामिमनुङ र्‍वाम्‍डी, “याक्‍के चो़च्‍चो़मिमलाई आमाडा रोमु ग्‍वाक्‍निमी। मेर्मिमलाई मेभोप्‍नी, हेङालोने माम्‍चु़नीकु किब्‍दी आरेप्‍माममिमकाम ङा सो़।

मत्ती 23:36

आच्‍छाङा गो गानीलाई र्‍वाङु, ओर्मिम खोत्‍ले ल्‍वाकु देन्‍दे गानी आथामबिलिम मु़चु़मिमका ल्‍वानी।

मत्ती 12:45

मे मुनाङपेल लमा उ त्‍वापडाम वो छो़म मेजो़पा येतले (७) मुनाङपेलमिमलाई रेडु़, मा मेर्मिम मे मु़चु़गोनो हुमिमा बुमी। मेम्‍मा मेराम मु़चु़ ङादो दु़स्‍तामडाम वो चङडा छो़म मेजो़पा दु़म। आथामबिलिम मेजो़पा मु़चु़मिमलाई वो मेमङा दु़म।”

मत्ती 11:28

“ए लिपा ल्वा कुर्पा नुङ इनी खारीडाम घ्रु़म्‍पा मु़चु़नी, आमाडा रोक्‍नी। गो गानीलाई ङेम्‍सिमु ग्‍वानिनी।

लूका 9:40

मे मुनाङपेल कोल्‍साङ्‌नी र्‍वाङडोमा इनी सीसिपामिमलाई वो र्‍वाङडो, लावो मेर्मिमका कोल्‍मु मेचाप्‍मिवा।”

लूका 9:42

येशूकाडा मे स्‍वाला मु़चु़ बिक्‍तो-बिक्‍तोङा मुनाङपेलका क्‍वायु़ लेप्‍बोक्‍तु़, मेम्‍मा काकार्या बु़डु़। लावो येशूका मे मुनाङपेललाई भुर्मिडी, मेम्‍मा स्‍वाला मु़चु़लाई सबेट्‌मिडिमा उ पापलाई ग्‍वाम्‍डी।