लूका 9:4 - थुलुङ राई

⁴ उहेम नेमडा लनिलो गानीलाई हुनाखाना बोमी, मेराम शहरलामका वाङथो़ मेलनिमिमसम्‍म मेराम नेमडा ङा बानी।

लूका 9:4 Referans Kwoze

मत्ती 10:11

“उहेम शहरडा लोवो देलडा लोवो गानी लनिलो मेसिन्‍डा गानीलाई हुनाखाना बोमु घ्रेट्‌पा मु़चु़ माल्‍नी, मा मेलामका मेलाम्‍दिनिमिमसम्‍म मेराम नेमडाङा बानी।

मर्कूस 6:10

गुमीका मेर्मिमलाई आथावो र्‍वाम्‍डी, “गानी उहेम नेमडा हुनी, मेराम देल मेडिथु़म मेराम नेमडाङा बानी।

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

लूका 9:3

गुमीका मेर्मिमलाई र्‍वाम्‍डी, “गानी लाम्‍दिनिलो डु़लु़म्‍चो़, फाजी, पोमु-डुमु, अन्‍सिक्‍पा ये-सेम नुङ खउलुङ हाम वो मेकुर्नी।

लूका 9:5

कोङनिम शहरडाम मु़चु़मिमका गानीलाई हुनाखाना मेबोनिमी माला गानी मेराम शहरलाम लुनिलो मेर्मिमका देन्‍दे ल्‍वामी र्‍वाक्‍साका रेम्‍बोमु इनी फेमखेलडाम फुर्कु थेम्‍जो़ल्‍नी।”