लूका 9:35 - थुलुङ राई

³⁵ मेकोतिमा खासेलामका कोले लो़लामका आरे र्‍वाक्‍ता, “ओराम आमा तारापाचो़, गुलाई गो छेत्तोम सो़। ओरामका र्‍वामिम थो़नी वो।”

लूका 9:35 Referans Kwoze

लूका 3:22

मा माम्‍चु़नी-पेल तुक्‍तुकुर होङ्‍ङा बेपा गुमीडला योम्‍डी। मेम्‍मा पाह्रीलामका आरे र्‍वाक्‍पा लो़लाम जेस्‍ता, “गाना गो छो़म द्‌वानिमिम आमा तारापाचो़, गानाडाम गो छो़म गेर्सिद्‌वाक्‍पा बुङु।”

मत्ती 3:17

मेम्‍मा पाह्रीलामका कोङ लो़लामका आरे र्‍वाक्‍ता, “गो छो़म द्‌वाक्‍पुमिम ओराम आमा तारापाचो़, गुडाम गो छो़म गेर्सिक्‍पा बुङु।”

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

हिब्रू 3:15

माम्‍चु़नीकु सिजेमडा र्‍याक्‍मा बु: “आनेप गानी माम्‍चु़नीकु लो़लाम थो़न्‍नी माला इनीमा बेप-पापमिम माम्‍चु़नीकु कोर्थो़लाम बम्‍डिम होम्‍साका गानी लु़म्‍ला मेबेडिचो़ मेदु़म्‍नी।”

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

मत्ती 12:18

“गो छेत्तोम आमा डु़ल्‍चो़ आसिन्‍डा बु, गुलाई गो द्‌वाक्‍पु, मा गुनुङ गो गेर्सिद्‌वाक्‍पा बुङु, गो आमा पेलका गुलाई लु़ट्‌पु, मा गुका खोत्ले सामाकाम मु़चु़मिमलाई मेर्मिम सेल्‍सिमिमिमकु दुथाम सो़यु़।

मर्कूस 1:11

मेकोतिमा पाह्रीलामका कोले लो़लामका आरे र्‍वाक्‍ता, “गाना गो छो़म द्‌वानिमिम आमा चो़, मा गानानुङ गो छो़म गेर्सिट्‌पा बुङु।”

लूका 9:34

पत्रुस जेत्तोङा बु़डु़लो खासे रोक्‍तामा मेर्मिमलाई हुप्‍डु़मी, मा खासेगोनो दु़म्‍मिडिलो मेर्मिम छो़म ङिम्‍डी।

यूहन्‍ना 12:28

ए पाआ, गानी हाङकोम यु़म-झ्‍वासिक्‍पा बुनी र्‍वाक्‍पा रेम्‍बेनी।” मेकोतिमा पाह्रीलामका कोले लो़लामका र्‍वाक्‍ता, “गो ओराम यु़म-झ्‍वाक्‍तोम बु, मा आथावो ओराम यु़म-झ्‍वाक्‍पु।”