लूका 9:33 - थुलुङ राई

³³ मेकोतिमा मे नले मु़चु़चिप गुमीनुङ ब्‍र्‍वासिक्‍चिमा लमु खाप्‍चिलो पत्रुसका येशूनुङ र्‍वाक्‍ता, “ङाचो़, गुकु आसिन्‍डा बुमु छो़म जो़पा दु़म। गुकु सुले बाखोप बनेबोकु, कोले इनीमा लागि, कोले मोशाकाम लागि, मा कोले एलियाकाम लागि।” लावो गुका र्‍वाक्‍ताम ल्‍वा उ त्‍वाका ङा मेचवा।

लूका 9:33 Referans Kwoze

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

यूहन्‍ना 14:8

फिलिपका र्‍वाक्‍ता, “ङाचो़, गुकुलाई पाप रेम्‍बेट्‌किनी। मेकोति माला नु़।”

लूका 5:5

लावो सिमोनका र्‍वाक्‍ता, “ङाचो़, गुकु नेमसोसोसम्‍म छो़म छो़त्तोकोमा पालुङ ओप्‍तोको लोवो कोले वो ङो सेन्‍मु मेचाप्‍कुवा। मेम ङा लोवो गानी र्‍वानिमिम होम्‍साका गो पालुङ ओपु।”

मर्कूस 10:38

लावो येशूका मेर्चिपलाई र्‍वाम्‍डी, “गाची हाम बेत्तोङा बोची, मेराम मेचची। उहेम कान्‍चु़रेलामका गो डु हाम गाची वो डुमु चाम्‍ची, मा उहेम कु-रु़दु़म गो रउतोम बु मेराम गाची रमु चाम्‍ची मा?”

मत्ती 17:14

येशू उनी सीसिपामिमनुङ सेर्पा मु़चु़ बाट्‌पाडा रोम्‍डी। मेकोतिलो कोले मु़चु़ येशूकु ङादोडा रोक्‍तामा क्रचु़खुम बेसाका र्‍वाक्‍ता,

मत्ती 17:4

पत्रुसका येशूनुङ र्‍वाक्‍ता, “ङाचो़, गुकु आसिन्‍डा बुमु छो़म जो़पा दु़म। गानी न बोनी माला गो सुले बाखोप बनेबेउ, कोले इनीमा लागि, कोले मोशाकाम लागि, मा कोले एलियाकाम लागि।”

लूका 9:34

पत्रुस जेत्तोङा बु़डु़लो खासे रोक्‍तामा मेर्मिमलाई हुप्‍डु़मी, मा खासेगोनो दु़म्‍मिडिलो मेर्मिम छो़म ङिम्‍डी।

लूका 9:49

मेकोतिमा यूहन्‍नाका र्‍वाक्‍ता, “ङाचो़, कोले मु़चु़का इनीमा नङडा मुनाङपेलमिम कोल्‍तोङा लेड्‌डु़म गुकु डार्तोको। लावो गुकु मेराम मु़चु़लाई मेम बोमु मेग्‍वाक्‍कुवा। हेङालोने मेराम मु़चु़ गुइनुङ लाम्‍दिपामिमगोडाम मेएँ।”