लूका 9:31 - थुलुङ राई

³¹ मेर्चिप पाह्रीलाम यु़म-झ्‍वाक्‍सीडा रेम्‍बेसिक्‍ची, मा यरूशलेमडा येशू सिमिमिमकु दुथाम सो़त्तोङा लेच्‍ची।

लूका 9:31 Referans Kwoze

फिलिप्‍पी 3:21

गुमीनुङ खोत्‍लेलाई उनीमा ल्‍वाडा जु़ल्‍मु यु़म बु। मेराम यु़मका इकीमा सिपा मिरो़म उनीमा झ्‍वाक्‍पा मिरो़म होप्‍माम दु़म्‍नु़ र्‍वाक्‍साका गुमीका ख्‍लोक्‍साक्‍सामी।

२ पत्रुस 1:15

गो सिङुमिम चङडा वो ओराम ल्‍वा इनी नडा हेल्‍लो लोवो गानी मिम्‍थाट्नी र्‍वाक्‍साका आ चाप्‍सी बेउ।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

रेम्‍बेट्‌मिडिम ल्‍वा 7:14

गो गुलाई र्‍वाङडो, “गानीङा चनी।” गुका गोनुङ र्‍वाक्‍ता, “ओर्मिम ने उनी थो़मतेर्ला सो़सिक्‍पामिम सो़, मा ओर्मिमका उनीमा ब्‍लाङमा भेन्‍दाचो़कु सिसिका सो़ल्‍साका बुबुयाम बनेबेम्‍डिम बु।

कलस्‍सी 3:4

ख्रीष्‍ट, इनीमा आच्‍छाङाकु त्वारो़म बुमी, मा गुमी सु़म्‍दिसेरडा रेम्‍बेम्सिमिलो गानी वो गुमीनुङ जो़पा नुङ डोक्‍पु दु़म्साका रेम्‍बेन्सिनी।

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

यूहन्‍ना 1:29

उ दिकाम उ त्‍वापथो़ येशू बिक्‍तोङा लेट्‌मिडिम यूहन्‍नाका ल्‍वास्‍तु़मा र्‍वाक्‍ता, “रेप्‍नी, सु़म्‍दिसेरडाम मु़चु़मिमकु छु़ल हेपा भेन्‍दाकु चो़ होप्‍माम माम्‍चु़नीकु चो़।

लूका 9:22

मेकोतिमा गुमीका र्‍वाम्‍डी, “मिनीचो़का छो़म दु़खा ल्‍वासु़। ङाउमिमका, ङाउ डु़म्‍लाचो़मिमका मा यहूदीमिमकु डु़म्‍ला सीपा पातु़म्‍रीमिमका गुलाई मेद्‌वामिमा सेन्‍मी। लावो सुलेमनेम सिमुलाम गु बगे।”

लूका 9:30

मेकोतिलो कोचोति नले मु़चु़ रेम्‍बेसिक्‍ची, मा येशू नुङ ल्‍वा बोमु चो़म्‍ची। मेर्चिप मोशा नुङ एलिया बाच्‍ची।

हिब्रू 11:22

थो़रकाङा योसेफका उ सिमुथारी रोक्‍फाड्‌डाम बिलि मे मिश्र नेब्‍दीलाम इस्राएलीमिम लुमिमा लमिमिमकु दुथाम र्‍वाक्‍ता मा उमा सिपा मिरो़मकु दुथाम मेर्मिमनुङ र्‍वाक्‍जो़ल्‍ला।