लूका 9:28 - थुलुङ राई

²⁸ येशूका आरे र्‍वाम्‍डिम र्‍वाप्‍डा लेतलेम (८) नेम को-को चङडा पत्रुस, यूहन्‍ना मा याकूबलाई उनी त्‍वापनुङ कोयोङा सो़म्‍दी बेप्‍डा पोप्‍चङडला लम्‍डी।

लूका 9:28 Referans Kwoze

लूका 6:12

मेमबिलि येशू सो़म्‍दी बेप्‍डा पोप्‍चङथो़ लम्‍डी, मा नेमसोसोसम्‍म माम्‍चु़नीडा सो़म्‍दी बेम्‍डी।

लूका 9:18

कोलेम येशू उनी त्‍वापङा सो़म्‍दी बेत्तोङा लेट्‌मिडी। गुमीनुङ उनी सीसिपामिम कोङङा बाम्‍डी, मा गुमीका मेर्मिमनुङ हिलाबेम्‍डी, “मु़चु़मिमका गोलाई सु़ र्‍वामी?”

लूका 8:51

गुमी याइरसकु नेमडा रोम्‍थिम्‍डी। मेकोतिमा गुमीका पत्रुस, याकूब, यूहन्‍ना, मा मे चो़च्‍चो़कु माम-पापडाम वाङमिम सु़लाई वो गुमीनुङ नेमगोनो हुमु मेग्‍वाम्‍वा।

मर्कूस 6:46

मे सेर्पा मु़चु़मिमनुङ ब्‍र्‍वाम्‍सिम्‍डिमा गुमी पोप्‍चङडला सो़म्‍दी बेप्‍डा लम्‍डी।

मर्कूस 1:35

येशू नेमसोसोका, सिन्‍थाङा बम्‍डिमा मेल्‍वाखोपडा लम्‍डिमा मेसिङा सो़म्‍दी बोमु चो़म्‍मिडी।

हिब्रू 5:7

येशू सु़म्‍दिडा बाम्‍डिलो ख्राप्‍तो येत्तो प्‍ल आल्‍साका त्‍वाप सिमुलाम सेल्‍मु चापा माम्‍चु़नी नुङ छो़म र्‍वाम्‍डी मा सो़म्‍दी बेम्‍डी। मेम्‍मा माम्‍चु़नीका उनीमा सो़म्‍दी थो़म्‍डी, हेङालोने येशू याक्‍के दु़म्‍साका माम्‍चु़नीलाई डोक्‍पु मिम्‍मिडिम बाइडा।

२ कोरिन्‍थी 13:1

गो गानीलाई क्रो़म्‍डा ओम्‍लो रोक्‍तोङा बेउमिमनुङ सु खेप दु़म। माम्‍चु़नीकु सिजेमडा आरेसाका र्‍याक्‍मा बु, “मुमा बेट्मा ल्वा नले-सुले मु़चु़मिमका ल्‍वात्तोको र्‍वाक्‍साका सो़मिमिम ल्वा कोङङा आच्‍छाङाकाम दु़म।”

लूका 3:21

खोत्‍ले मु़चु़का कु-रु़दु़म रम्‍डी, मा येशूका वो कु-रु़दु़म रसाका सो़म्‍दी बेम्‍डिम बाम्‍डी, मेकोतिलो पाह्री ह्‌वासिड्‌डा,

मत्ती 5:1

कोलाम सेर्पा मु़चु़ खोम्‍सिक्‍पा येशूका ल्‍वाम्‍डिमा पोप्‍चङडला लक्‍साका गन्‍मिडी। मेसिन्‍डा उनी सीसिपामिम वो रोम्‍डी।

मत्ती 14:23

सेर्पा मु़चु़लाई थु़र्सोम्‍डिमा गुमी उनी त्‍वापङा पोप्‍चङडला सो़म्‍दी बेप्‍डा लम्‍डी। दुङमा र्‍याक्‍तालो गुमी कोङङा मेसिन्‍डा बाम्‍डी।

लूका 5:16

लावो गुमी ने सु़का वो मेल्‍वाखोपडा लम्‍डिमा सो़म्‍दी बेम्‍थाल्‍मिडी।

यूहन्‍ना 6:3

मेम्‍मा येशू पोप्‍चङडला लम्‍डी, मा उनी सीसिपामिमनुङ मेसिन्‍डा गन्‍मिडी।

२ पत्रुस 1:16

इकी ङाचो़ येशू ख्रीष्‍ट छो़म यु़मनुङमा नुङ आथावो योमिमिमकु दुथाम गानीलाई गुकु थो़बेत्तोकोलो बाछेन्‍दा लिसिक्‍साका बनेबेम्‍मा सो़म्‍दी होप्‍माम सो़त्तोकोम मेबायावा। लावो उनी डोक्‍पु दु़म्‍सी गुकु आकी मिक्‍सीका ल्‍वात्तोको।