लूका 9:27 - थुलुङ राई

²⁷ आच्‍छाङा गो गानीलाई र्‍वाङु, आसिन्‍डा येम्‍सिक्‍पामिमगोडाम कोङ-कोङका माम्‍चु़नीकु किब्‍दी मेल्‍वाथु़म उनी साम मेल।”

लूका 9:27 Referans Kwoze

मत्ती 16:28

आच्‍छाङा गो गानीलाई र्‍वाङु, आसिन्‍डा येम्‍तासिक्‍पामिमगोडाम कोङ-कोङका मिनीचो़लाई हपकु साखाम थो़ड्‌डा योक्‍तोङा बेपा मेल्‍वाथु़मसम्‍म उनी साम मेल।”

मर्कूस 9:1

मेकोतिमा गुमीका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, आसि येम्‍तासिट्‌पामिमडाम याङ-याङका माम्‍चु़नीकु किब्‍दी यु़मनुङ योक्‍पा मेल्‍वाथु़म उनीमा साम मेल।”

लूका 22:18

हेङालोने गो गानीलाई र्‍वाङु, माम्‍चु़नीका साखाम मेथो़थु़मसम्‍म आथाडा आनो गो अङ्‍गूरकु बिलाम मेडु।”

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

लूका 2:26

मा “मिप्रङमाकु ख्रीष्‍ट मेल्‍वाथु़मसम्‍म इमा साम मेल” र्‍वाक्‍साका माम्‍चु़नी-पेलका गुलाई रेम्‍बेम्‍डिम बाइडा।

मर्कूस 14:25

गो आच्‍छाङा गानीनुङ र्‍वाङु, माम्‍चु़नीकु किब्‍दीडा लाले बेसाका मेडुथु़म मे अङ्‍गूरकु बिलाम गो मेडुउ।”

यूहन्‍ना 16:7

लावो गो गानीलाई आच्‍छाङा र्‍वाङु, गो लमुङा इनीमा लागि जो़पा दु़म। गो मेलक्‍थु़मसम्‍म जेप्‍साक्‍पा इनीमाडा मेयोमी। गो लङ्‌डो माला गुमीलाई इनीमाडा थु़रुमी।

यूहन्‍ना 8:59

मेम्‍मिमका मेर्मिमका येशूलाई लुङका ओम्‍मु लागि लुङ डो़म्‍डी, लावो गुमी थसिक्‍साका सो़रनेमलामका पाखा लुम्‍डी।

यूहन्‍ना 14:2

आमा पापकु नेमडा बाखोप हापा बु। मेमका मेबाट्‌पा माला इनीमा लागि, बाखोप झो़म्‍सिबेड्‌डा लक्‍तोङा बेउ र्‍वाक्‍साका हाम गानीनुङ र्‍वाङुवा?