लूका 9:26 - थुलुङ राई

²⁶ कोङनिम मु़चु़गोडाम नुङ आमा सिजेमडाम उ क्रो़म लु़ माला मिनीचो़ वो उ यु़म-झ्‍वाक्‍सीडा, उ पापकु यु़म-झ्‍वाक्‍सीडा मा उनी नङका साट्‌मा पाह्रीचो़मिमकु यु़म-झ्‍वाक्‍सीडा योलो मेराम मु़चु़डाम उ क्रो़म लु़।

लूका 9:26 Referans Kwoze

२ तिमोथी 2:12

गुइ इम्‍डी माला, गुमीनुङङा साखाम थो़डी, गुइ गुमीलाई रमु मेबिसिडिवा माला गुमीका वो गुइलाई रमु मेबिम्‍सिमी।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

मर्कूस 8:38

ओराम नाम्‍सु़रु़चो़ नुङ छु़लचो़मिमगोडा उहेम गो नुङ आमा सिजेमडाम उमा क्रो़म लु़, मिनीचो़ वो माम्‍चु़नी पापकु यु़म-झ्‍वाक्‍सीडा माम्‍चु़नीकु नङका साट्‌मा पाह्रीचो़मिमनुङ योलो मेरामडाम उमा क्रो़म लु़।”

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 25:31

“मिनीचो़ खोत्‍ले पाह्रीचो़मिमनुङ उ यु़म-झ्‍वाक्‍सीडा यो, मा हप दु़ममा डोक्‍पु उ गन्‍खोपडा गन।

यूहन्‍ना 12:43

हेङालोने माम्‍चु़नीका डोक्‍पु बोमिमिमडाम ने मु़चु़मिमका डोक्‍पु बोमिमिम मेर्मिमका हापा द्‌वाम्‍थाल्‍मिडी।

रेम्‍बेट्‌मिडिम ल्‍वा 20:11

मेम्‍मा कोले डोक्‍पु साखाम थो़पा बुबुयाम गन्‍खोप नुङ मेडला गन्‍तासिट्‌पालाई गो ल्वाउतो। उनी ङादोलामका सुबु नुङ धामु स्‍वाच्‍ची मा मेर्चिपकाम लागि बान्‍थो़ वो खोम मेबायावा।

यहूदा 1:14

आदमडाम येतले पुस्‍ताडाम हनोकका वो माम्‍चु़नीलाम-जेस्‍ताम बाइडा। गुका र्‍वाक्‍ता, “रेप्‍नी, ङाचो़ छो़म सेर्पा सेपा उनी पाह्रीचो़मिमनुङ योक्‍तोङा लेन्‍मी,

२ तिमोथी 1:12

मेम्‍मिमका गो ओर्मिम ल्‍वाकु दुथाम दु़खा इम्‍तोङा लेट्‌पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्‍मा गुमीका गोलाई ग्‍वाङ्‌डिमिम खारीडा सु़म्‍दिसेर हुक्‍पा थारीसम्‍म बोङिमी-थार्ङिमी र्‍वाक्‍पा लु़ङ्‌डोम बु।

रेम्‍बेट्‌मिडिम ल्‍वा 3:5

उहेम मु़चु़का मेजो़पाडला घ्‍ल्‍वा, मेरामलाई गो आरेसाकाङा बुबुयाम ये-सेम फसिबेट्‌पु, मा त्‍वारो़मकु खाजेमडा र्‍याक्‍मा मेरामकु नङ गो मेपारु। आमा पाप नुङ उनीमा पाह्रीचो़मिमकु ङादोडा गो मेराम मु़चु़लाई छेपु र्‍वाङु।

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

मत्ती 26:64

येशूका मेरामलाई तुम्‍डी, “अँ, गानी र्‍वाक्‍निम होमङा सो़। लावो गो गानी खोत्‍लेलाई र्‍वाङु, दिफु मिनीचो़लाई खोत्‍लेडाम घ्‍ल्‍वापा माम्‍चु़नीकु जो़पलाम गन्‍पा, मा धामुलाम खासेडलामका योक्‍तोङा बेपा गानी ल्‍वानी।”

हिब्रू 13:13

गुइ वो शहरलाम पाखा गुमीकाडा लक्‍सी, मा गुमीका इम्‍मिडिम दु़खा होम्‍साकाङा गुइ वो दु़खा इम्‍डी।

हिब्रू 11:26

मिश्र नेब्‍दीडाम खाप्‍चीमिम ल्‍वामुडाम वो ख्रीष्‍टकाम लागि हाम ना हामकाम मिम्‍ला सो़म्‍सिमुङा गुका डोक्‍पु लु़डा। हेङालोने गुका उ पुरस्‍कारथो़ रेप्‍थाड्‌डु़म बाइडा।

२ कोरिन्‍थी 12:10

मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।

यूहन्‍ना 5:44

गानी इनी त्‍वाप-त्‍वापगोडा डोक्‍पु बेला सो़म्‍सिमु माल्‍नी। लावो कोलेङा माम्‍चु़नीलाम रोक्‍पा डोक्‍पु बेला सो़सिसी ने मेमाल्‍नी, माला हेसाका गानी थो़रलु़नी मा?

थु़र्मा 10:22

मेर्मिमका र्‍वाम्‍डी, “गुकु कप्‍तान कर्नेलियसका थु़र्तिकिम बु। गुमी माम्‍चु़नीकु मिक्‍सीलामडा जो़पा खारी बेपा नुङ माम्‍चु़नीकु ङिम जु़ल्‍पा, मा खोत्‍ले यहूदीमिमका जो़पा माल्‍मिडिम कोङ मु़चु़ बुमी। इनीमा सिजेम गुमीका थो़मु माम्‍चु़नीकु कोङ पाह्रीचो़का गानी कर्नेलियसकु नेमडा येन्‍बेट्‌निमिम बु।”

१ तिमोथी 5:21

गो गानालाई माम्‍चु़नी, ख्रीष्‍ट येशू नुङ माम्‍चु़नीकु पाह्रीचो़मिमकु ङादोडा चङचङया बाबेनी, चोमिक्‍सी मेबेसाका गाना खोत्‍लेनुङ दिदाम, न-थो़म रेम्‍बेसाका ओर्मिम खारी बे।