25 कोङनिम मु़चु़का खोत्ले सु़म्दिसेरङा उ ल्वाडा बेसाका वो मु़चु़ उ त्वापङा दाम्स्ता, मेएँ लोवो पुयु़ लुस्ता माला गुका हाम ल्वासु़ मा?
खोत्ले सु़म्दिसेरङा उ ल्वाड्डा बेसाका वो त्वारो़म मेल्वासु़ माला मेराम मु़चु़का हाम ल्वासु़ मा? मु़चु़कु त्वारो़मडाम वो हापा थिकाम हाम बु मा?
हेङालोने मु़चु़का खोत्ले सुबुङा उमा ल्वाडा बु़ मा वो उमा साम ने दाम्सोक्तु़ माला मेरामका हाम बु़ मा?
आ त्वाका त्वापलाई योपु, मा जो़होमका जु़लु, मेएँ माला ने वाङमिमलाई जो़पा-सेला थो़बेट्पुमिमिम चङडा गो पुरस्कार ल्वामु मेघ्रेट्पा दु़म्ङु।
मेराम लाले-पाङकेडा नुङ थु़र्मामिमकु खारीडा रोमु चाप्सु़नु़, उहेम लाले-पाङकेलामका यहूदा ख्लोस्तामा उ त्वाकु खोमडा सिडा।”
मा मेर्मिमलाई वाक्तोङा लेट्पा मुगोडा घ्रोम्सोमी। मु़चु़मिम मेसिन्डा येमी, मा उनी लि ख्रेन्मी।”
मेरामका मेजो़पा खारी बेसाका कोले ब्याङसी भ्रेयु़डु़, मा मेसिन्डा सिसिर दु़म्साका आल्स्ता, मा उ ख्वाचेप बिडा। मेकोतिमा खोत्ले उ चिङ्गेल ङा लुक्ता।
ङोका पालुङ देम्स्तामा पालुङचो़का दिरिदिनकु सो़पनो पालुङ ख्लुक्तु़। मेम्मा गन्डामा जो़पा ङो उ फिपिगोडा जु़ल्लु़, मा मेजो़पा ङो ने घ्रोक्सोक्तु़।
चसिक्पामिमडला इनीमा थो़म भ्रो़स्ताम बाइडा मा इनीमा खाप्ची रोट्निमिलो गेर्सिद्वाक्तो बिन्सिट्निम बाइडा। हेङालोने इनी त्वाकाडाङा खोत्लेडाम जो़पा नुङ हेल्लो वो मेहुक्पा खाप्चीमिम बु र्वाक्पा चक्निम बाइडा।