लूका 9:20 - थुलुङ राई

²⁰ मेम्‍मा गुमीका मेर्मिमलाई हिलाबेम्‍डी, “मा गानी गोलाई सु़ र्‍वानी?” पत्रुसका र्‍वाक्‍ता, “गानी माम्‍चु़नीका थु़र्निमिम ख्रीष्‍ट सो़।”

लूका 9:20 Referans Kwoze

यूहन्‍ना 7:41

याङका र्‍वाम्‍डी, “गु ख्रीष्‍ट।” आथावो कोङ-कोङका र्‍वाम्‍डी, “हाम ख्रीष्‍ट गालीललामका रोमी मा?

यूहन्‍ना 4:29

“बिक्‍नी, कोले मु़चु़लाई रेप्‍नी, गो बेउतोम खोत्‍ले खारीकु दुथाम गुमीका गोलाई सो़म्‍डी। ख्रीष्‍ट गुमीङा ने मेएँ?”

थु़र्मा 17:3

ख्रीष्‍टका दु़खा ल्‍वासाका सिम्‍डी। मेम्‍मा सिमुलाम बम्‍गेम्‍डी र्‍वाक्‍पा मेर्मिमनुङ रेम्‍बु़डु़। मेकोतिमा गुका र्‍वाक्‍ता, “ख्रीष्‍टकु दुथाम गो गानीनुङ सो़उहोम बुङुमिम गुमी येशू ङा सो़।”

थु़र्मा 9:22

लावो शाऊल यु़मचो़ दु़म्‍तो लस्‍ता, मा येशू ङा ख्रीष्‍ट र्‍वाक्‍पा आच्‍छाङा रेम्‍बु़डु़मा दमस्‍कसडाम यहूदीमिमलाई हाम र्‍वामु-र्‍वामु दु़म्‍बेड्‌डु़मी।

यूहन्‍ना 20:31

येशूङा माम्‍चु़नीकु तारापाचो़ ख्रीष्‍ट, मा थो़र बेसाका उनीमा नङडा गानी त्‍वारो़म ल्‍वामु चाम्‍निनु़ र्‍वाक्‍साका ओर्मिम ल्‍वा र्‍यास्‍ताम।

यूहन्‍ना 11:27

मार्थाका र्‍वाक्‍ता, “अँ ङाचो़, गो थो़रलु़ङु, ओराम सु़म्‍दिसेरडा योक्‍पा माम्‍चु़नीकु तारापाचो़ गानी ख्रीष्‍ट।”

यूहन्‍ना 4:42

मेर्मिमका मे मेसेमलाई र्‍वाम्‍डी, “गाना र्‍वाक्‍नामका कोङङा गुकु थो़र बेत्तोकोम मेएँ, गुकु आकी त्‍वाकाङा थो़त्तोकोमका, मा गुमी आच्‍छाङा सु़म्‍दिसेरलाई सेल्‍पा मु़चु़ रेछा र्‍वाक्‍पा ल्‍वा चक्‍तोकोमका।”

यूहन्‍ना 1:49

नथानेलका र्‍वाक्‍ता, “सीपा, गानी माम्‍चु़नीकु तारापाचो़, गानी इस्राएलडाम हप।”

यूहन्‍ना 1:41

ङादो गुका उ वा सिमोन पत्रुसलाई क्रो़म्‍डु़, मा गुनुङ र्‍वाक्‍ता, “गुचुकु मसीहलाई (मसीह र्‍वाक्‍मा ख्रीष्‍ट) डार्चोकोम बु।”

मर्कूस 8:29

मेकोतिमा गुमीका मेर्मिमनुङ हिलाबेम्‍डी, “मा गानी ने गोलाई सु़ र्‍वानी?” पत्रुसका र्‍वाक्‍ता, “गानीङा ख्रीष्‍ट।”

१ यूहन्‍ना 5:1

उहेम मु़चु़का येशूङा ख्रीष्‍ट र्‍वाक्‍पा थो़र बु़, मेराम मु़चु़ माम्‍चु़नीकु चो़च्‍चो़ सो़। मेम्‍मा उहेम मु़चु़का पापलाई रिखाम बु़ उनीमा चो़मिमलाई वो मेरामका रिखाम बु़।

थु़र्मा 8:36

मेर्चिप लाम्‍दीडा लक्‍तोङा बेच्‍चिलो कु बाट्‌पाडा रोक्‍फाट्‌ची। मेकोतिमा मे नपुंसकका र्‍वाक्‍ता, “रेप्‍नी, आसिन्‍डा कु बु रेछा। गोलाई कु-रु़दु़म रमु सु़का भोम्‍मु चाम्‍ङी मा?”

लूका 22:67

मेम्‍मा गुमीलाई र्‍वाम्‍डी, “गाना ख्रीष्‍ट माला गुकुनुङ सो़या।” गुमीका मेर्मिमलाई र्‍वाम्‍डी, “गो गानीनुङ सो़उ लोवो गानी गोडला थो़र मेलु़नी।

मर्कूस 14:61

लावो येशू को सि वो मेजेसाका वाय-वाय ङा बाम्‍डी। आथावो ङाउ डु़म्‍लाचो़का गुमीनुङ हिलाबु़डु़, “हाम गाना मिप्रङमा माम्‍चु़नीकु चो़ ख्रीष्‍ट ङा?”

मत्ती 22:42

“ख्रीष्‍टकु दुथाम गानी हाम मिम्‍नी? गु सु़कु चो़?” मेर्मिमका र्‍वाम्‍डी, “गु दाऊदकु चो़।”

मत्ती 5:47

इनी ङोप्‍सो़मिमनुङ कोङङा गानी सेवो सानिम बुनी माला वाङमिमडाम गानी हाम जो़पा बेन्‍नी मा? माम्चु़नीडा थो़रमेलु़पामिमका वो मेमङा बोमी।

मत्ती 26:63

लावो येशू वायवाय बाम्‍डी। डोक्‍पु ङाउ डु़म्‍लाचो़का गुमीलाई र्‍वाक्‍ता, “गो गानालाई र्‍वाङु, गाना माम्‍चु़नीकु चो़ ख्रीष्‍ट माला हेल्‍लो लोवो बाट्‌पाम बाट्‌पा माम्‍चु़नीकु नङडा कसम पेसाका गुकुनुङ सो़या।”

लूका 9:19

मेकोतिमा सीसिपामिमका र्‍वाम्‍डी, “याङका कु-रु़दु़म ग्‍वाक्‍पा यूहन्‍ना र्‍वामी, याङका एलिया, मा वाङमिमका माके-माकेम माम्‍चु़नीलाम-जेपामिमगोडाम कोले बग्‍गेड्‌डाम रेछा र्‍वामी।”