लूका 9:16 - थुलुङ राई

¹⁶ मेकोतिमा गुमीका मे ङोले सो़बेम नुङ नले ङो झेट्‌मिडिमा पाह्रीथो़ रेप्‍तो सो़बेम नुङ ङोकाम लागि माम्‍चु़नीलाई आलासो़ ग्‍वाम्‍डी, मा मे सो़बेम नुङ ङो चक्‍साका मु़चु़मिमलाई दो़न्‍साट्‌नी बेम्‍डिमा उनी सीसिपामिमलाई ग्‍वाम्‍डी।

लूका 9:16 Referans Kwoze

मत्ती 14:19

येशूका सेर्पा मु़चु़लाई प्रु़प्‍चीडला गन्‍बेट्‌मिडी। मेम्‍मा मे ङोले सो़बेम नुङ नले ङो झेट्‌मिडिमा पाह्रीथो़ रेप्‍तो आलासो़ ग्‍वाम्‍डी। मेकोतिमा फ्‍वाक्‍चो़ल बेसाका उनी सीसिपामिमलाई ग्‍वाम्‍डी। मेर्मिमका मु़चु़मिमलाई दो़म्‍साम्‍डी।

लूका 24:30

येशू मेर्चिपनुङ पेप्‍डा गन्‍मिडी। गुमीका सो़बेम झेट्‌मिडिमा आलासो़ ग्‍वाम्‍डी, मा चम्‍डिमा मेर्चिपलाई ग्‍वाम्‍डी।

मत्ती 15:36

गुमीका मे येतले सो़बेम नुङ ङो झेट्‌मिडिमा माम्‍चु़नीलाई आलासो़ ग्‍वाम्‍डी, मा फ्‍वाक्‍चो़ल बेम्‍डी। मेम्‍मा गुमीका सीसिपामिमलाई ग्‍वाम्‍डी, मा मेर्मिमका मु़चु़मिमलाई दो़म्‍साम्‍डी।

रोमी 14:6

कोलेममिम नेमडाम वो कोङमी नेम डोक्‍पु मिम्‍पा मु़चु़का माम्‍चु़नीलाई डोक्‍पु बेपा नका मेम बु़। खोत्‍लेम थोक पेपाका माम्‍चु़नीकाम लागि ङा पु़ हेङालोने मेरामका माम्‍चु़नीलाई आलासो़ र्‍वा। खोलेम थोक मेपेपाका वो माम्‍चु़नीकाम लागिङा मेपु़ मा मेरामका वो माम्‍चु़नीलाई आलासो़ र्‍वा।

थु़र्मा 27:35

आकोति र्‍वाक्‍तामा पावलका सो़बेम झेड्‌डु़, मा खोत्‍लेकु ङादोडा माम्‍चु़नीलाई आलासो़ ग्‍वाक्‍साका चस्‍तु़मा पोमु चो़म्‍डु़।

यूहन्‍ना 6:23

मेम्‍मा ङाचो़ येशूका आलासो़ ग्‍वाक्‍साका मु़चु़मिमका सो़बेम पेम्‍डिम बाय फार्डा तिबेरियस शहरलामका वाङमिम कुबी-बोक्‍सा वो रोम्‍डी।

यूहन्‍ना 6:11

मेम्‍मा येशूका मे सो़बेम जेट्‌मिडिमा माम्‍चु़नीलाई आलासो़ ग्‍वाम्‍डी, मा गन्‍पा मु़चु़मिमलाई दो़म्‍साम्‍डी। मेम्‍साकाङा ङो वो दो़म्‍साम्‍डी, मा मु़चु़मिमका खोहोम पेम्‍डी।

लूका 22:19

मेकोतिमा गुमीका सो़बेम झेट्‌मिडिमा माम्‍चु़नीलाई आलासो़ ग्‍वाम्‍डी, मा मे सो़बेम चम्‍डी। मेम्‍मा उनी थु़र्मामिमलाई आरे र्‍वाक्‍तो ग्‍वाम्डी, “गो इनीमा लागि ग्‍वाक्‍पुमिम ओराम आमा मिरो़म सो़। गोलाई मिम्‍ङिनिमा ओराम पेनी।”

१ कोरिन्थी 11:24

मा माम्‍चु़नीलाई आलासो़ ग्‍वाम्‍डी। मेम्‍मा गुमीका मे सो़बेम फ्‍वाक्‍चो़ल बेम्‍डी मा, “ओराम इनीमा लागि ग्‍वाक्‍मा आमा मिरो़म सो़। गोलाई मिम्‍मु आरे बेनी।”

१ कोरिन्थी 10:30

गो माम्‍चु़नीलाई आलासो़ ग्‍वाक्‍साका पेत्तोङा बेउ माला, आलासो़ ग्‍वाक्‍साका पेम्‍मा पोमुथोककाम लागि वाङमिमका हेङा गोलाई मुमा बेन्‍ङिमी?

मर्कूस 7:34

मेकोतिमा पाह्रीथो़ रेप्‍मिडिमा धु़प्‍पा साम खेत्तोङा मेरामलाई र्‍वाम्‍डी, “इफ्‍फाता” मेराम “होल्‍ल्‍यासिडा” र्‍वाक्‍मा।

लूका 9:15

सीसिपामिमका मे सेर्पा मु़चु़मिमलाई मेम्‍साकाङा गट्‌मिडी।

लूका 9:17

मेकोतिमा खोत्‍लेका खोहोम पेम्‍डी, मा सीसिपामिमका घ्‍लेट्‌पा सो़बेममिमकु फ्‍वाक्‍चो़ल खोप्‍मिडिलो को-न (१२) खचा दु़स्‍ता।