लूका 9:12 - थुलुङ राई

¹² नेप्‍सुङ गाम्‍मु खाप्‍डु़म बाइडा, मा मे को-न (१२) सीसिपामिम रोम्‍डिमा गुमीनुङ र्‍वाम्‍डी, “सेर्पा मु़चु़मिमलाई थु़र्सोट्‌नी। मेर्मिम देलगुथा नुङ होनो आथो़बाडे लमिनु़मा पोमिनु़-डुमिनु़ मा अम्‍मिनु़। हेङालोने ओम्‍लो गुइ सु़ वो मेबाट्‌पा बायडा बुइमिम बु।”

लूका 9:12 Referans Kwoze

मत्ती 15:23

लावो येशूका गुलाई हाम वो मेर्‍वाक्‍मिवा। उनी सीसिपामिमका आरे र्‍वाम्‍डिम र्‍वाम्‍डिमङा बेम्‍डी, “ओ मेसेमलाई थु़र्सोट्‌नी, हेङालोने ओरामका इकी चङचङ स्‍याका-स्‍याका र्‍वाहोम बु।”

यूहन्‍ना 6:1

मेरामकु किचो़ चङडा, येशू गालील दिरिदिनकु होम्‍बुनो (मेरामलाई तिबेरियास दिरिदिन वो र्‍वामी) लम्‍डी।

मत्ती 15:32

मेकोतिमा येशूका उनी सीसिपामिमलाई येट्‌मिडिमा र्‍वाम्‍डी, “ओर्मिम मु़चु़मिमडाम आमा थो़म भ्रो़। ओर्मिम गोनुङ बुमिमिम आनेप सुलेम दु़स्‍ता, मा ओर्मिमनुङ पोमु-डुमु हाम वो मिबु। ओर्मिमलाई मान्‍जाङा थु़र्सोमु आमा न मिबु, मेएँ माला ने, क्रु़मका उनी न दाममा लाम्‍दीडा घ्‍लो़बुम्‍सिमी।”

मत्ती 14:13

ओराम ल्‍वा थो़म्‍डिमा येशू कुबी-बोक्‍साडला हुसाका सु़ वो मेबाट्‌पाडा लम्‍डी। गुमी लम्‍डिम थो़म्‍डिमा हापा शहरलामका सेर्पा मु़चु़ उनी चङचङ लाम्‍दित्तो लम्‍डी।

लूका 9:11

लावो ओराम ल्‍वा चम्‍डिमा सेर्पा मु़चु़मिम येशूकु चङचङ लम्‍डी। गुमीका मेर्मिमलाई हुनाखाना बेम्‍डिमा माम्‍चु़नीकु किब्‍दीकु दुथाम थो़बेट्‌मिडी, मा सु़ मु़चु़मिमलाई सबेन्‍मु बासिक्‍पा बाइडा मेर्मिमलाई सबेट्‌मिडी।

लूका 9:13

लावो येशूका मेर्मिमनुङ र्‍वाम्‍डी, “गानी ङा मेर्मिमलाई पोमु-डुमु ग्‍वाक्‍नी।” मेकोतिमा मेर्मिमका र्‍वाम्‍डी, “गुकुनुङ ने ङोले सो़बेम नुङ नले ङो कोङङा बु, आकोम सेर्पा मु़चु़मिमकाम लागि लक्‍साका पोमु-डुमु भ्रेकुनु़ र्‍वाक्‍पा गानी न बोनिमिम?”

फिलिप्‍पी 1:19

गो आछाङा भ्रसिद्‍वाङुम बुङु, हेङालोने इनीमा सो़म्‍दीका नुङ येशू ख्रीष्‍टकु पेलका ख्‍लो़ङिमिमिमका गोडला हाम दु़स्‍ता मेलाम लुङु र्‍वाक्‍पा गो चक्‍पु।