लूका 9:11 - थुलुङ राई

¹¹ लावो ओराम ल्‍वा चम्‍डिमा सेर्पा मु़चु़मिम येशूकु चङचङ लम्‍डी। गुमीका मेर्मिमलाई हुनाखाना बेम्‍डिमा माम्‍चु़नीकु किब्‍दीकु दुथाम थो़बेट्‌मिडी, मा सु़ मु़चु़मिमलाई सबेन्‍मु बासिक्‍पा बाइडा मेर्मिमलाई सबेट्‌मिडी।

लूका 9:11 Referans Kwoze

हिब्रू 4:16

गुइ दिदाम नुङ न-थो़म ल्‍वासाका इकीमा खेरेलाडा ख्‍लो़ला सो़म्‍सिमु लागि साखाम थो़पा दिदामनुङमा माम्‍चु़नीकु गन्‍खोप फार्डा मेङिसाका लक्‍सी।

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

रोमी 15:3

हेङालोने ख्रीष्‍ट उनी त्‍वाका वो त्‍वापलाई गेर्सिट्‍पा खारी मेबेमिवा। माम्‍चु़नीकु सिजेमडा र्‍याक्‍मा बु, “गानीलाई डक्‍साका जेपामिमका गोलाई डक्‍साका जेम्‍डिम बु।”

रोमी 10:14

लावो गुमीडा थो़रमेलु़साका हेसाका येन्‍मी मा? उनीमा नङकु दुथाम थो़म्डिमङा मिबु माला हेसाका गुमीडला थो़रलु़मी? कोङनिमका मेथो़बेसाका हेसाका उनीमा दुथाम थो़मी मा?

थु़र्मा 28:31

पावलका मेङिसाका ङा माम्‍चु़नीकु किब्‍दीकु दुथाम मु़चु़मिमलाई थो़बेड्‌डु़मी, मा येशू ख्रीष्‍टकु दुथाम सीड्‌डु़मी, मा सु़का वो गुलाई मेम बोमुडाम मेभोप्‍मिवा।

यूहन्‍ना 6:37

पापका ग्‍वाङ्‌डिमिम खोत्‍ले मु़चु़ आमाडा रोमी, मा आमाडा रोक्‍पामिमलाई गो हेल्‍लो वो मेकोलुमी।

यूहन्‍ना 4:34

येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।

लूका 9:2

मा खोत्‍ले मु़चु़मिमलाई माम्‍चु़नीकु किब्‍दीकु दुथाम थो़बेड्‌डा नुङ नो़पा मु़चु़मिमलाई सबेड्‌डा थु़र्मिडी।

लूका 8:10

येशूका मेर्मिमनुङ र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई कोङङा ग्‍वाक्‍मा बु। मेम्‍मिमका मु़चु़मिमका ने थेसिमेथेन्‍मिनु़ र्‍वाक्‍साका सीसि-सो़म्‍दीडा कोङङा जेङु। यशैयाका र्‍याक्‍तु़म खाजेमडा वो आरे र्‍वाक्‍पा बु, ‘मेर्मिमका रेम्‍मी ङा लावो मेल्‍वामिनु़, मा थो़मी ङा लावो थेसिमेथेन्‍मिनु़।’

लूका 8:1

कोलेम नलेम चङडा येशूका माम्‍चु़नीकु किब्‍दीकु दुथाम जो़पा-सेला थो़बेत्तो नुङ सिजेम दो़त्तो देल-देलडा नुङ शहर शहरडा लम्‍डी। गुमीनुङ को-न (१२) सीसिपामिम बाम्‍डी,

लूका 5:31

लावो येशूका मेर्मिमलाई र्‍वाम्‍डी, “मेनो़पा मु़चु़लाई डाक्‍टर मेबासी लावो नो़पालाई चाहेदु़म।

लूका 1:53

गुमीका क्रु़मसिपामिमलाई जो़पा-भ्रपा पोमु-डुमु खोहोम ग्‍वाम्‍डिम बु, मा खाप्‍चीचो़मिमलाई होप्‍तोङा थु़र्मीडिम बु।

मत्ती 21:43

“मेम्‍मिमका गो गानीलाई र्‍वाङु, माम्‍चु़नीकु किब्‍दी रोला सो़न्‍सिनी, मा ओरामकु मा सिन्‍बेट्‌पा मु़चु़मिमलाई माम्‍चु़नीका ग्‍वामी।

मत्ती 21:31

“ओर्चिप नलेडा पापका र्‍वाक्‍ताम होङङा उहेमका बु़डु़?” ङाउ डु़म्‍लाचो़मिम नुङ यहूदी ङाउमिमका र्‍वाम्‍डी, “उमा थाकुचो़।” येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, कर फक्‍पामिम नुङ छो़लो़मामिम गानीडाम ङादो माम्‍चु़नीकु किब्‍दीडा हुमी।

मत्ती 14:14

कुबी-बोक्‍साडलाम पाखाथो़ येशू लुम्‍डिलो मेसिन्‍डा हापा सेर्पा मु़चु़ ल्‍वाम्‍डी, मा उनी थो़म भ्रो़स्‍ता। मेम्‍मा नो़पा मु़चु़मिमलाई सबेट्‌मिडी।

रोमी 10:17

थो़रलु़सी ने हाम थो़स्‍तिम बु मेरामलाम रो मा हाम थो़सी मेराम ख्रीष्‍टकु सिजेमलाम रो।

मत्ती 12:15

फरिसीमिमका हाम बोमु माल्‍तोङा लेन्‍मी मेराम ल्‍वा येशूका चम्‍डिमा मेलाम लम्‍डी। मेम्‍मा हापा मु़चु़ गुमीनुङ लाम्‍दिम्‍डी। मेर्मिमगोडाम नो़पामिम खोत्‍लेलाई गुमीका सबेट्‌मिडी।

लूका 9:10

थु़र्मामिमका जो़पा-सेला थो़बेट्‌मिडिमा ख्‍लोसिम्‍डिम चङडा मेर्मिमका बेम्‍डिम खोत्‍ले खारीकु दुथाम येशूनुङ सो़म्‍डी। येशू मेर्मिमनुङ कोयोङा बेथसेदा र्‍वाक्‍मा शहरडा लम्‍डी।

लूका 9:12

नेप्‍सुङ गाम्‍मु खाप्‍डु़म बाइडा, मा मे को-न (१२) सीसिपामिम रोम्‍डिमा गुमीनुङ र्‍वाम्‍डी, “सेर्पा मु़चु़मिमलाई थु़र्सोट्‌नी। मेर्मिम देलगुथा नुङ होनो आथो़बाडे लमिनु़मा पोमिनु़-डुमिनु़ मा अम्‍मिनु़। हेङालोने ओम्‍लो गुइ सु़ वो मेबाट्‌पा बायडा बुइमिम बु।”