लूका 9:1 - थुलुङ राई

¹ येशूका को-न उनी सीसिपामिमलाई कोयोङा येट्‌मिडी। मेम्‍मा मेर्मिम खोत्‍लेलाई मुनाङपेल कोल्‍पा मा सोमोरीलामका सबेट्‌पा यु़म नुङ साखाम ग्‍वाम्‍डी,

लूका 9:1 Referans Kwoze

यूहन्‍ना 14:12

“आच्‍छाङा गो गानीलाई र्‍वाङु, उहेमका गोडला थो़र बु़, मेरामका गो बेउतोम होप्‍माम खारी बु़। मेम्‍मा मेरामडाम वो डोक्‍पु खारी बु़, हेङालोने गो पापकाडा लक्‍तोङा बेउ।

लूका 10:19

ब्‍लोमिम नुङ दावाखाममिम फेमखेलगोयु़ बेपा साखाम नुङ खोत्‍ले स्‍वाक्‍चिमो शैतानकु यु़मलाई वो घ्‍ल्‍वापा यु़म गो गानीलाई ग्‍वाक्‍निमिम बु। ओर्मिम उहेम ल्‍वाका वो गानीलाई मेजो़पा मेबोनी।

थु़र्मा 4:30

नो़पामिम सबेन्‍मुलाई इनी ल्‍वा हम्‍नी, मा इनी नङका साट्‌मा नुङ इनी डु़ल्‍चो़ येशूकु नङडा छेखोपमिम नुङ यु़मखारीमिम रेम्‍बेनी।”

मत्ती 16:19

गो गानालाई पाह्रीलाम साँचोमिम ग्‍वानी। गाना सुबुडा चक्‍नामिम ल्वा पाह्रीला वो चसी, मेम्साकाङा सुबुडा डिट्नामिम ल्वा पाह्रीला वो डिन्सी।”

थु़र्मा 1:8

लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

थु़र्मा 9:34

पत्रुसका मेरामनुङ र्‍वाक्‍ता, “ए एनियास, येशू ख्रीष्‍टका गानालाई सबेनामी। बका, मा इमा प्‍लान फका।” मेकोतिलोङा मेराम हुबक्‍ता।

थु़र्मा 3:16

उनी नङडा बु़डु़म थो़रका नुङ उनी नङका ङा गानी ल्‍वान्‍निम नुङ चनिम ओराम मु़चु़लाई सो ग्‍वाक्‍तु़म बु। येशूडा बु़डु़म थो़रका ओराम मु़चु़लाई गानी खोत्‍लेकु ङादोडा जो़होमका सबेड्‌डु़म बु।

मत्ती 4:24

उनी खारीकु दुथाममिम ल्‍वामिम होनोवा बाट्पा सिरिया क्षेत्रडा वो थो़म्‍डी। मेम्‍मा नो़पामिम खोत्‍लेलाई मु़चु़मिमका येशूकाडा रेट्‌मिडी। मुनाङपेलका हुपा, धामुलामका बेट्‍पा, मा ल्‍वा-खेल सोक्‍पा, हेप्‍माम नो़पा सोमोरीनुङमा लोवो खोत्‍लेलाई येशूका सबेट्‌मिडी।

मत्ती 8:9

हेङालोने गो वो आ डोक्‍पु मु़चु़कु ल्‍वाडा बुङु, मा आमा ल्‍वाडा सिपाहीमिम बुमी। कोलेलाई गो ‘लक्‍सा’ बेउ, मा मेराम ल। कोङमीलाई ‘रोका’ बेउ, मा मेराम रो। आमा डु़ल्‍चो़लाई ‘आरे बे’ बेउ, मा मेरामका बु़।”

लूका 10:1

मेकोतिमा ङाचो़ येशूका वाङमिम येत धु़म (७०) मु़चु़मिमलाई थुट्‌मिडी। मेम्‍मा गुमी लमु खाप्‍मिडिम खोत्‍ले शहर नुङ देलडा उनी त्‍वाप लमु ङादो मेर्मिमलाई न-नले बेसाका थु़र्मिडी।