लूका 8:9 - थुलुङ राई

⁹ येशूकु उनी सीसिपामिमका ओराम सीसि-सो़म्‍दीका हाम र्‍वामु मालु़मिम र्‍वाक्‍साका हिलाबेम्‍डी।

लूका 8:9 Referans Kwoze

मर्कूस 4:10

येशू उनी त्‍वापङा बाम्‍डिलो उनी सीसिपामिम नुङ उनी फार्डा बाट्‌पा मु़चु़मिमका गुमीनुङ सो़म्‍डिम सीसि-सो़म्‍दीकु दुथाम हिलाबेम्‍डी।

मत्ती 13:18

“भ्रल फोट्‌पा मु़चु़कु सीसि-सो़म्‍दीका र्‍वामु माल्‍लु़म ल्‍वाकु दुथाम थो़नी।

मत्ती 13:10

उनी सीसिपामिम रोम्‍डिमा येशूनुङ हिलाबेम्‍डी, “गानी मु़चु़मिमलाई सीनिमिलो हेङा सीसि-सो़म्‍दीलामका सीनिमिमिम?”

यूहन्‍ना 15:15

आथा ने गो गानीलाई डु़ल्‍चो़ मेर्‍वाङु, हेङालोने उमा नेमहपका हाम बु़, मेराम डु़ल्‍चो़का मेच। मेम मेर्‍वाक्‍साका गो गानीलाई ङोप्‍सो़नी र्‍वाङु, हेङालोने आमा पापलामका थो़उतोम खोत्‍ले ल्‍वा गानीनुङ सो़उतोम बु।

मर्कूस 4:34

येशूका सीसि-सो़म्‍दी मान्‍थि मेर्मिमलाई हाम वो मेसिन्‍थाल्‍मिवा, लावो उनी सीसिपामिमलाई ने उनी त्‍वापङा दु़म्‍मिडिम थारीका मेरामका र्‍वामु मालु़मिम ल्‍वा जो़होमका थेसिथेन्‍बेन्‍थाल्‍मिडी।

मत्ती 15:15

पत्रुसका येशूनुङ र्‍वाक्‍ता, “गानी मालो र्‍वाक्‍निम सीसि-सो़म्‍दीकु दुथाम जो़होमका थेसिथेन्‍बेट्‌किनिका।”

मत्ती 13:36

येशूका सेर्पा मु़चु़लाई पार्जो़ल्‍मिडिमा नेमगोनो हुम्‍डी। उनी सीसिपामिम रोम्‍डिमा गुमीनुङ र्‍वाम्‍डी, “येडाम मालिन्‍दोकु सीसि-सो़म्‍दीका र्‍वामु माल्‍लु़म ल्‍वा गुकुनुङ सो़नीका।”