लूका 8:48 - थुलुङ राई

⁴⁸ मेकोतिमा येशूका मेराम मेसेमलाई र्‍वाम्‍डी, “ए तोङमा, गाना थो़र लु़न्‍नामका सन्‍नाम बु, इ न-गो भ्रसिक्‍तो लक्‍सा।”

लूका 8:48 Referans Kwoze

लूका 7:50

येशूका मेराम मेसेमलाई र्‍वाम्‍डी, “गाना गोडला थो़र लु़न्‍नामका गाना सेल्‍सिट्‌नाम बु। इ न भ्रसिक्‍तो लक्‍सा।”

मत्ती 9:22

येशू चङथो़ ख्‍लोम्‍सीम्‍डिमा रेप्‍मिडिलो मे मेसेमलाई ल्‍वाम्‍डिमा र्‍वाम्‍डी, “ए तोङमा, मेङिसा, इमा थो़रका गाना सन्‍नाम बु।” मेकोतिलोङा मे मेसेम सस्‍ल्‍याड्‌डा।

हिब्रू 4:2

गुइलाई होम्‍साकाङा मेर्मिमलाई वो जो़पा-सेला थो़बेट्‌मा बाइडा। लावो मेर्मिमलाई थो़बेट्‌मा जो़पा-सेला ने हाम ना हामकाम दु़स्‍ता, हेङालोने मेर्मिमका थो़म्डिम ल्‍वाडा थो़र मेलु़मिवा।

थु़र्मा 14:9

पावलका जो़पा-सेला दो़स्‍तु़म मेरामका थो़स्‍तु़होम बाइडा। पावलका मेरामलाई रेप्‍डु़म-रेप्‍डु़म ङा बु़डु़, मा सपा मेरामकु थो़र ल्‍वास्‍तु़।

लूका 17:19

मेकोतिमा येशूका सामरियाडाम मु़चु़लाई र्‍वाम्‍डी, “बका, मा गाना लक्‍सा, गोडला थो़र लु़न्‍नामका गाना सेल्‍सिट्‌नाम बु।”

मर्कूस 5:34

मेकोतिमा येशूका मेराम मेसेमलाई र्‍वाम्‍डी, “ए यु़म्‍पी, इमा थो़रकाङा गाना सन्‍नाम बु, मेम्‍मिमका इमा न भ्रसित्तो लक्‍सा, मा इमा सोमोरी वो हेम्‍सिनु़।”

२ कोरिन्‍थी 6:18

गो इनीमा पाप दु़म्‍ङु, मा गानी आमा जाउमो-तारापाचो़मिम दु़म्‍नी, खोत्‍लेडाम घ्‍ल्‍वापा मिप्रङमाका र्‍वामी।”

लूका 18:42

मेकोतिमा येशूका मेराम मु़चु़लाई र्‍वाम्‍डी, “गाना इमा मिक्‍सीका ल्‍वानानु़। गोडला बेन्‍नाम इमा थो़रका नु़बेट्‌नाम बु।”

मत्ती 8:13

मेकोतिमा येशूका मे रोमी कप्‍तानलाई र्‍वाम्‍डी, “लक्‍सा, गाना थो़रलु़न्‍नाम होङङा दु़म्‍नु़।” मेम्‍मा मेकोतिलोङा उ डु़ल्‍चो़ सस्‍ल्‍याड्‌डा।

मत्ती 12:20

बिपा नार होप्‍माम मेचापा मु़चु़डला गुका न-थो़म रेम्‍बु़, मा सिमुखापा धिप्‍री होप्‍माम मु़चु़लाई गुका ख्‍लो़यु़, गुका जो़पा मु़चु़मिमलाई मेजो़पा ल्‍वामिमडला घ्‍ल्‍वापा दु़म्‍बेडु़मी।

मत्ती 9:2

उ ल्‍वा-खेल सोक्‍पामा उ प्‍लानडा झार्ल्‍याक्‍पा कोले मु़चु़लाई मु़चु़मिमका कुर्मिडिमा येशूकाडा रेट्‌मिडी। मे मु़चु़मिमका गुमीडला थो़र बेम्‍डिम ल्‍वाम्‍डिमा येशूका उ ल्‍वा-खेल सोक्‍पा मु़चु़लाई र्‍वाम्‍डी, “छारी, गेर्सा, इमा छु़लमिम हेम्‍सिम्‍डिम बु।”

लूका 8:47

गु थसिक्‍साका बुमु मेझाम र्‍वाक्‍पा ल्‍वा चडु़मा मे मेसेम रुत्तो रोक्‍तामा येशूकु ङादोडा खुम्‍बु बु़डु़मा हेङा गुका गुमीलाई लु़प्‍डु़, मा हेसाका गु सोमोरीलामका सस्‍ल्‍याड्‌डा मेराम ल्‍वा खोत्‍ले मु़चु़मिमकु ङादोडा सो़यु़डु़।