लूका 8:46 - थुलुङ राई

⁴⁶ लावो येशूका र्‍वाम्‍डी, “कोङनिमका गोलाई लु़प्‍ङिडिमङा बु, हेङालोने सबेट्‌पा आमा यु़म लुक्‍तामा लस्‍ताम गो लु़लेत्तोम बु।”

लूका 8:46 Referans Kwoze

लूका 6:19

मे सेर्पा मु़चु़मिमका येशूलाई लु़म्‍मु माल्‍मिडी, हेङालोने खोत्‍लेलाई सबेट्‌पा यु़म गुमीलामका लुक्‍तोङा लेड्‌डु़।

लूका 5:17

कोलेम येशूका मु़चु़मिमलाई सीत्तोङा लेट्‌मिडिम बाइडा। गालील नुङ यहूदियाडाम खोत्‍ले देलडाम मा यरूशलेमलामका रोक्‍पा फरिसीमिम नुङ यहूदीकु डु़म्‍ला सीपा पातु़म्‍रीमिम मेसिन्‍डा रोम्‍डिमा गन्‍तासिट्‌मिडिम बाइडा। मेकोतिलो नो़पामिम सबेट्‌पा यु़म माम्‍चु़नीका येशूलाई ग्‍वाम्‍डिम बाइडा।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

लूका 8:47

गु थसिक्‍साका बुमु मेझाम र्‍वाक्‍पा ल्‍वा चडु़मा मे मेसेम रुत्तो रोक्‍तामा येशूकु ङादोडा खुम्‍बु बु़डु़मा हेङा गुका गुमीलाई लु़प्‍डु़, मा हेसाका गु सोमोरीलामका सस्‍ल्‍याड्‌डा मेराम ल्‍वा खोत्‍ले मु़चु़मिमकु ङादोडा सो़यु़डु़।