लूका 8:44 - थुलुङ राई

⁴⁴ मे मेसेम येशूकु चङलाम रोक्‍तामा उनी हुम-येकु जु़जु़डा लु़प्‍डु़, मा मेकोतिलोङा मेरामकु रो़पलामका सिसि लमु डिथाड्‌डु़।

लूका 8:44 Referans Kwoze

थु़र्मा 19:12

कोङ-कोङका ने पावलका लु़प्‍डु़म रुमाल नुङ थ्‍वाक्‍पुरी ङा वो लम्‍डिमा नो़पामिमडला जु़ल्‍मिडिलो मेर्मिम सम्‍थाल्‍मिडी, मा मुनाङपेलमिम वो मेर्मिमलाम लुम्‍डिमा लम्‍डी।

यूहन्‍ना 5:13

लावो मेराम मु़चु़का गुमी सु़ र्‍वाक्‍साका छेड्‌डु़म मेबायावा। हेङालोने मेसिन्‍डा सेर्पा मु़चु़ बाम्‍डिमका येशू मेलामका लम्‍ल्‍याम्‍डिम बाइडा।

लूका 13:13

मेकोतिमा गुमीका मेराम मेसेमडला उनी ल्‍वा जु़ल्‍मिडी, मा मेकोतिलोङा उ चङ थो़न्‍थो़न्‍या दु़स्‍तामा येम्‍स्‍ल्‍याड्‌डा। मेम्‍मा माम्‍चु़नीकु नङ कोमु चो़म्‍डु़।

लूका 7:38

मा गु येशूकु चङलामका रोक्‍तामा उनी खेल फार्डा येम्‍स्‍तामा, उ प्‍ल येशूकु खेलडला डस्‍तु़, मा उ बुइडलाम सेमका बक्‍साक्‍तो उनी खेलडा चुप बु़डु़, मा भ्रपा मुर्नेम्‍पा तेलका क्‍लमु चो़म्‍डु़।

मर्कूस 6:56

मेम्‍मा गुमी शहर, देलगुथाबाडे बा-बान्‍थो़ लम्‍डी, मु़चु़मिमका नो़पामिम मेनो-मेनो ङा, बजारबाडे वो जु़ल्‍मिडी। मेकोतिमा किचो़ उनी हुम-ये कोङङा लावो लु़म्‍मु ल्‍वाकुनु़ र्‍वाक्‍तो मेर्मिमका गुमीनुङ र्‍वाम्‍डिम-र्‍वाम्‍डिमङा बेम्‍डिम बाम्‍डी, मा मे उनीमा हुम-ये लु़पामिम खोत्‍लेङा सम्‍डी।

मत्ती 20:34

मेर्चिपडाम येशूकु थो़म भ्रो़स्‍ता, मा मेर्चिपकु मिक्‍सी लु़प्‍मिडी। मेर्चिप उची मिक्‍सीका ल्‍वापा दु़म्‍ल्‍याक्‍ची, मा गुमीनुङ लाम्‍दिच्‍ची।

मत्ती 8:3

गुमीका उनी ल्‍वा हम्‍मिडिमा मेराम मु़चु़लाई लु़प्‍मिडी। मेम्‍मा र्‍वाम्‍डी, “गो न बेउ, गाना सेपा दु़म्‍नानु़।” मेकोतिलोङा मेरामकु जोन हेम्‍ल्‍यासिड्‌डा।

थु़र्मा 5:15

मु़चु़मिमका नो़पामिमलाई लाम्‍दी-गुदीबाडे रेट्‌मिडी, मा पत्रुस रोलो उ पेल कोङङा लोवो मेर्मिमगोडाम कोङ-कोङडला दु़म्‍नु़ र्‍वाक्‍साका उनी अम्‍खोप नुङ खाटबाडे जु़ल्‍थाल्‍मिडी।

मत्ती 9:20

मेकोतिलोङा को-न (१२) थ आथाम सिसि लक्‍पा सोमोरीका लु़प्‍डु़म कोले मेसेम येशूकु चङलाम बिक्‍ता। मेम्‍मा उनी हुम-येकु जु़जु़ लु़प्‍डु़।

लूका 8:43

मेर्मिमगोडाम को-न थ आथाम सिसि लक्‍पा सोमोरीका लु़प्‍डु़म कोले मेसेम बाइडा। मेराम मेसेमलाई सु़का वो सबेन्‍मु चाप्‍मिडिम मेबायावा।

लूका 8:45

येशूका हिलाबेम्‍डी, “गोलाई सु़का लु़प्‍ङिडी?” खोत्‍ले मु़चु़मिमका गुकु ने मेएँ र्‍वाम्‍डी, मा पत्रुसका र्‍वाक्‍ता, “ङाचो़, गानीलाई ने सेर्पा मु़चु़मिमका उत्तोङा लेनी।”