लूका 8:39 - थुलुङ राई

³⁹ “गाना इ त्‍वाकु नेम ख्‍लोसा, मा माम्‍चु़नीका इमा लागि हाङको छो़म डोक्‍पु खारी बेम्‍डी, मेराम ल्‍वा खोत्‍ले मु़चु़मिमनुङ सो़या।” मेम्‍मिमका मेराम मु़चु़ ख्‍लोसिड्‌डामा लस्‍ता, मा येशूका उमा लागि बेम्‍डिम खारीकु दुथाम खोत्‍ले शहरबाडे थो़बेत्तो लाम्‍दिडा।

लूका 8:39 Referans Kwoze

१ तिमोथी 5:8

थो़र लु़पामिमका ने त्‍वाकु मु़चु़मिमलाई मा मेरामडाम वो हापा त्‍वाकु नेमगोडामलाई जो़होमका मेरेप्‍डु़मी माला मेरामका थो़र नाप्‍छु़डु़, मा थो़र मेलु़पामिमडाम वो मेजो़पा दु़म।

यूहन्‍ना 4:29

“बिक्‍नी, कोले मु़चु़लाई रेप्‍नी, गो बेउतोम खोत्‍ले खारीकु दुथाम गुमीका गोलाई सो़म्‍डी। ख्रीष्‍ट गुमीङा ने मेएँ?”

मर्कूस 1:45

लावो मेरामका गुमीका र्‍वाम्‍डिम होङङा मेबेसाका लस्‍तामा खोत्‍लेनुङ सो़मु चो़म्‍डु़, मा मेराम ल्‍वा खोत्‍लेथो़ फोन्‍स्‍ता। मेम्‍मिमका येशू देलबाडे ङादोम होम्‍साका मेबासाका मु़चु़का मेल्‍वाखोपबाडे कोङङा बुमु चो़म्‍मिडी। लावो मु़चु़मिम आथावो उनीमाडा खोत्‍लेलामका रोम्‍डिहोमङा बाम्‍डी।

मर्कूस 5:18

मेकोतिमा येशू कुबी-बोक्‍साडला हुत्तोङा बेम्‍डिलो ङादो मे मुनाङपेलमिमका हुप्‍डु़म मु़चु़का वो गुमीनुङङा लङु र्‍वाक्‍ताम-र्‍वाक्‍तामङा बु़डु़।

मर्कूस 5:19

लावो येशूका मेरामलाई गुमीनुङ लमु मेग्‍वाक्‍मिवा, मा र्‍वाम्‍डी, “गाना इमा नेम लक्‍सा, मा इमा लागि ङाचो़का हाङको छो़म खारी बेम्‍डिम बु, मा हाङकोम न-थो़म रेम्‍बेम्‍डिम बु, मेर्मिम खोत्‍लेङा इमा नेमडाममिमनुङ सो़या।”

लूका 8:38

मेकोतिलो गुमीका सबेट्‌मिडिम मु़चु़का “गोलाई वो लङ्‌निका र्‍वाक्‍साका” येशूनुङ र्‍वाक्‍ताम-र्‍वाक्‍ताम ङा बु़डु़। लावो येशूका मेराम मु़चु़लाई आरे बेम्‍डिमा थु़र्सोम्‍डी,

लूका 8:40

येशू ख्‍लोसिम्‍डिमा रोम्‍डिलो सेर्पा मु़चु़मिमका गुमीलाई हुनाखाना बेम्‍डी, हेङालोने मेर्मिम खोत्‍लेका गुमीलाई लथाट्‌मिडिम बाइडा।