लूका 8:38 - थुलुङ राई

³⁸ मेकोतिलो गुमीका सबेट्‌मिडिम मु़चु़का “गोलाई वो लङ्‌निका र्‍वाक्‍साका” येशूनुङ र्‍वाक्‍ताम-र्‍वाक्‍ताम ङा बु़डु़। लावो येशूका मेराम मु़चु़लाई आरे बेम्‍डिमा थु़र्सोम्‍डी,

लूका 8:38 Referans Kwoze

फिलिप्‍पी 1:23

गो ने हाम बोमु-बोमु दु़म्‍ङोडोम बु: गो ने भ्‍र्‍वाम्‍सिमुमा ख्रीष्‍टनुङ दु़म्‍मु आमा न बु। मेम बोमु ने आमा लागि छो़म जो़पा दु़म,

लूका 8:37

गेरासेनस इलाकाडाम खोत्‍ले मु़चु़मिमका येशूलाई मेर्मिमकु इलाका डिट्‌निमा लक्‍ल्‍याट्‌नी र्‍वाम्‍डिम-र्‍वाम्‍डिम ङा बेम्‍डी, हेङालोने मेर्मिम छो़म ङिम्‍डिम बाइडा। मेम्‍मिमका येशू कुबी-बोक्‍साडला हुम्‍डिमा ख्‍लोम्‍सिम्‍डी।

लूका 8:28

मेराम मु़चु़का येशूलाई ल्‍वास्‍तु़मा उनी खेलफारयु़ खुम्‍बु बु़डु़, मा डोक्‍पु लो़लामका र्‍वाक्‍ता, “खोत्‍लेडाम घ्‍ल्‍वापा माम्‍चु़नीकु चो़ येशू, गानी गोनुङ हाम बोमु माल्‍निमिम? गो गानीनुङ र्‍वाङु, गोलाई दु़खा मेग्‍वाङनी।”

मत्ती 4:24

उनी खारीकु दुथाममिम ल्‍वामिम होनोवा बाट्पा सिरिया क्षेत्रडा वो थो़म्‍डी। मेम्‍मा नो़पामिम खोत्‍लेलाई मु़चु़मिमका येशूकाडा रेट्‌मिडी। मुनाङपेलका हुपा, धामुलामका बेट्‍पा, मा ल्‍वा-खेल सोक्‍पा, हेप्‍माम नो़पा सोमोरीनुङमा लोवो खोत्‍लेलाई येशूका सबेट्‌मिडी।

लूका 8:39

“गाना इ त्‍वाकु नेम ख्‍लोसा, मा माम्‍चु़नीका इमा लागि हाङको छो़म डोक्‍पु खारी बेम्‍डी, मेराम ल्‍वा खोत्‍ले मु़चु़मिमनुङ सो़या।” मेम्‍मिमका मेराम मु़चु़ ख्‍लोसिड्‌डामा लस्‍ता, मा येशूका उमा लागि बेम्‍डिम खारीकु दुथाम खोत्‍ले शहरबाडे थो़बेत्तो लाम्‍दिडा।