लूका 8:24 - थुलुङ राई

²⁴ मेकोतिमा मेर्मिम येशूकु फार्डा लम्‍डिमा आरे र्‍वाक्‍तो गुमीलाई फक्‍मिडी, “ङाचो़, ङाचो़, गुकु ने कुगोयु़ प्‍लु़म्‍सिमु खाम्‍कु।” येशू बम्‍डिमा मे ब्‍लोजु़ नुङ मेर्मिमलाई र्‍वाप्‍डा हुपा कुकु बाबारिमलाई हेप्‍मिडी। ब्‍लोजु़ फोन्‍मु डिड्‌डु़मा पपया दु़स्‍ता।

लूका 8:24 Referans Kwoze

लूका 4:39

गुमी उमा फार्डा लम्‍डिमा मे डार्चु़मोलाई डिन्‍बेट्‌मिडी, मा मे डार्चु़मोका डिट्‌ल्‍याट्‌डु़। मेकोतिमा गु बक्‍तामा उनीमा चापे-डुपे बु़साड्‌डु़मी।

लूका 5:5

लावो सिमोनका र्‍वाक्‍ता, “ङाचो़, गुकु नेमसोसोसम्‍म छो़म छो़त्तोकोमा पालुङ ओप्‍तोको लोवो कोले वो ङो सेन्‍मु मेचाप्‍कुवा। मेम ङा लोवो गानी र्‍वानिमिम होम्‍साका गो पालुङ ओपु।”

मत्ती 14:30

लावो छो़म ब्‍लोजु़ फुड्‌डु़म ल्‍वास्‍तु़मा पत्रुस ङिस्‍ता, मा कुगोयु़ प्‍लु़म्‍सिमु खाप्‍डु़। मेम्‍मा येस्‍तामा र्‍वाक्‍ता, “ङाचो़, ख्‍लुङ्‌नी।”

मत्ती 8:25

उनी सीसिपामिम लम्‍डिमा आरे र्‍वाक्‍तो येशूलाई फम्‍डी, “ङाचो़, गुकुलाई सेल्‍किनी, गुकु ने कुगोयु़ प्‍लु़म्‍सिमुमा सिमु खाम्‍कु।”

मर्कूस 4:39

मेकोतिमा येशू बम्‍डिमा ब्‍लोजु़लाई वाय बाया र्‍वाम्‍डी, मा दिरिदिनकु बाबारिमलाई वो र्‍वाम्‍डी, “वाय बाया” मेम्‍मिमका ब्‍लोजु़ फुन्‍मु डिड्‌डु़, मा मेसिन्‍डा वाय-वाय दु़स्‍ता।

लूका 4:35

मेकोतिमा येशूका मे मुनाङपेललाई साखामनुङ भुर्मिडिमा र्‍वाम्‍डी, “लिवा बाया, मेरामलामका लुक्‍ल्‍याडा।” मेकोतिलोङा मेराम मु़चु़लाई सेर्पा मु़चु़मिमकु थेतेडा लेप्‍बोक्‍जो़ल्‍लु़, मा मुनाङपेल लुक्‍तामा लस्‍ता। लावो मेराम मु़चु़लाई हाम वो मेदु़प्‍सावा।

लूका 8:25

येशूका मेर्मिमलाई र्‍वाम्‍डी, “गानीनुङ थो़र मिबु?” मेर्मिम ङिम्‍डिमा ङाङाया दु़म्‍तो उनी त्‍वाप-त्‍वापडा आरे र्‍वा बेम्‍डी, “गुमी हेप्‍माम मु़चु़ डे? ब्‍लोजु़ नुङ कुकु बाबारिमलाई ल्‍वाडा जु़ल्‍मी, मा मेर्मिमका वो गुमीका र्‍वामिम थो़मी रेछा!”